食完进口牛肉回顾翻香港金像奖！林家栋挨足16年终于拿到影帝！

今届嘅香港金像奖啱啱结束啦！

所有获奖名单新鲜滚热辣出炉

唔知大家心目中嘅电影同演员有冇攞到奖呢？！

大家都知今年嘅香港金像奖最佳男主角竞争超级激烈！！

有零片酬接拍《一念无明》兼且演技爆发嘅余文乐，又有攞过无数次影帝嘅大神梁家辉，仲有凭同一部电影《树大招风》提名嘅任贤齐同林家栋！

最后系自第一次提名最佳男配之后，就挨足十六年嘅林家栋攞到最佳男主角奖！！终于俾佢挨出头了威翻次了！真系恭喜晒！！

虽然颁奖礼开始前12项提名嘅《七月与安生》同8项提名嘅《一念无明》抢晒关注。

但系一个一个奖颁落嚟，大家又发现，原来今晚系《一念无明》同《树大招风》嘅PK。两套电影好似跑马感，唔到最后都唔知边部电影攞得最多奖。

最终《树大招风》成为最大赢家，横扫最佳导演奖、最佳剪辑奖、最佳编剧奖、最佳男主角奖、最佳电影奖， 共五个奖项！

完全获奖名单：

最佳电影奖：《树大招风》

最佳导演奖：徐学文 欧文杰 黄伟杰《树大招风》

今年最佳导演奖嘅平均年龄系41岁，上年系51岁，香港导演真系长江后浪推前浪！！

最佳男主角奖：林家栋

最佳女主角奖：惠英红

佢攞奖嗰时喊到咩咁，恭喜晒啦英红姐！！！！

最佳新演员：胡子彤《点五步》

新晋导演奖：黄进 《一念无明》

最佳摄影奖：鲍德熹《摆渡人》

最佳剪辑奖：《树大招风》

最佳美术指导：《摆渡人》

最佳服装造型设计：奚仲文 吴丽璐《西游记之孙悟空三大白骨精》

终身成就奖：方艳芬

最佳原创电影歌曲：《点五步》

沙燕之歌： suppermoment

沙燕精神就系香港精神

最佳原创电影音乐：《七月与安生》金培达  波多野裕介

最佳女配角：金燕玲 《一念无明》

金燕玲曾经10次提名最佳女配角，今次系佢第4次拿奖啦！而且之前嘅金马奖最佳女配都系佢！

最佳视觉效果奖：《西游记之孙悟空三大白骨精》

最佳音响效果奖：《寒战2》

最佳男配角：曾志伟《一念无明》

专业精神奖:院大勇

最佳编剧奖：《树大招风》

最佳动作设计：董玮《湄公河行动》

最佳两岸华语电影奖：《一路顺风》

今晚最佳电影花落《树大招风》，可能有D人觉得实至名归，有D人就觉得唔系自己心目中最钟意嗰部。

又可能会有人觉得唔应该系林家栋攞最佳男主角，或者又会觉得最佳女主角都唔应该係惠英红。

毕竟萝卜青菜各有所爱。

但系呢D都唔系最紧要㗎，最紧要嘅系香港电影努力紧，香港依然有好电影。

因为有D香港导演，成日嚟大陆拍烂片赚钱。而越离越多嘅香港烂片，令好多人都对香港电影失望，个个都话，香港电影没落㗎喇。

但无论系《一念无明》、《点五步》定系《树大招风》，都系度努力挽回紧大家对香港电影嘅信心。

相信大家睇完今届嘅香港金像奖，都知道依家香港有黄进、 曾国祥、陈志发咁优秀嘅青年香港电影导演。

香港以前有好多前辈为电影事业奉献左一生，而香港依家仲有导演努力紧，仲有演员努力紧。

但愿，佢地可以令香港电影再次发光发热。

但愿，香港电影仲可以再次翻到黄金时代。

更多精彩

关注沛德福牛扒家宴

更多搞笑、正能量视频 、特价好福利

陆续有黎！