རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་ཆོས་པས་གསུངས་དོན། ས་ཕྱོགས་གང་སར་བསྐྱོད་དེ་ཐོན་ལས་འཕེལ་རྒྱས་ཆེད་དུ་ནུས་པ་འདོན་རྒྱུའི་གྲ་སྒྲིག་བྱེད་ཀྱི་ཡིན།
རང་སྐྱོང་ལྗོངས་མི་དམངས་འཐུས་ཚོགས་ཀྱི་འཐུས་མི་དང་། མངའ་རིས་ས་ཁུལ་སྒེར་རྩེ་རྫོང་ཨུད་ཀྱི་ཧྲུའུ་ཅི་གཞོན་པ། རྫོང་དཔོན་བཅས་ཡིན་པའི་ཆོས་པས་གསར་འགོད་པའི་བཅར་འདྲི་དང་ལེན་གནང་སྐབས། “2023ལོ་ཚུན་དུ་སྒེར་རྩེ་རྫོང་གིས“དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་ནས། ས་ཨུད་ཀྱི‘12114’དང་རྫོང་ཨུད་ཀྱི‘14153’གྱི་ལས་ཀའི་བསམ་ཕྱོགས་དོན་འཁྱོལ་བྱས་པས། རྫོང་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་བརྟན་ཐོག་ཡར་འཕེལ་བྱུང་ཡོད། 2023ལོའི་ཟླ་11པའི་ཟླ་མཇུག་བར། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར་19.59བཏང་བ་དེ་དུས་མཚུངས་ལས་254%འཕར་བ་དང་། ཟླ་12པའི་ཟླ་དཀྱིལ་བར། ནོར་སྲིད་ཡོང་འབབ་ཁྱོན་སྒོར་ཁྲི་21461ཟིན་པ་དེ་དུས་མཚུངས་ལས་265.54%འཕར་ཡོད”ཅེས་གསུངས་པ་རེད།
གོམ་སྟབས་རྗེས་མར། ང་ཚོས་མུ་མཐུད་ཐོན་ལས་ཀྱི་གྲུབ་ཆ་ལེགས་སྒྲིག་བྱེད་ཤུགས་ཆེ་རུ་བཏང་ནས། སྲོལ་རྒྱུན་གྱི་འབྲོག་ལས་གཞན་སྒྱུར་རིམ་སྤོར་ལ་མུ་མཐུད་སྐུལ་འདེད་གཏོང་བ་དང་། འབྲོག་ལས་ཐོན་རྫས་ཀྱི་སྤུས་ཚད་དང་ཁྲོམ་རའི་འགྲན་རྩོད་ནུས་པ་ཆེ་རུ་གཏོང་བ། ཁྱད་ལྡན་འབྲོག་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་ཏེ་ཡང་དག་པའི་འཕེལ་རྒྱས་ཀྱི་ལམ་བུར་བརྟེན་ནས་འཕེལ་རྒྱས་ཀྱི་ཕན་འབྲས་གསར་པ་དེ་བས་ལེགས་པ་གཏོད་ཀྱི་ཡིན”ཞེས་གསུངས།