港版《人民的名义》票房收视口碑全部赢晒！

最近内地电视剧《人民的名义》hit到爆！

正直的侯亮平，软萌的达康书记，反腐剧情紧张刺激，睇到人拍手叫好！

眼见净翻10集就大结局了，真係有一丢丢唔舍得。

为咗弥补心里嘅缺失，今日正Gor要隆重推出一部2018香港版嘅年度反腐大剧——《廉政公署的名义》。

一齐嚟睇下你哋最爱嘅达康书记由边个饰演~

侯亮平

张家辉

原片中嘅侯亮平由陆毅饰演，戏中嘅唯一颜值担当啊，为人公正、公平、正义，由反贪总局侦察处处长做到汉东省反贪局局长。

香港版嘅脑洞中侯亮平喺由张家辉饰演，本身就成日拍警察片，《赤道》《扫毒》都演过警察，一身正气加埋个chock样，直情杀死人啦！佢要塑造一个正义的人民检察官的角色，简直手到擒来啦。呢个表情同眼神，仲型过陆毅版啊！

李达康

张学友

出身寒门嘅李达康，本身只係个秘书仔，凭借努力做咗市委书记，性格耿直，铁面无私、霸道，一心希望提高GDP，但喺身边总有一班拖后腿嘅人。

发现自己嘅妻子欧阳菁贪赃枉法之后，面对亲情和公义，佢要做出艰难嘅抉择。

有一定人生经历嘅老戏骨，喺《赤道》中证明过自己拍戏仲好得！可以演出由基层开始奋斗嘅沧桑感，面对两难选择时嘅纠结，份人又比较正气嘅，真係非学友莫属，唔知学友可唔可以唱翻几首主题曲咧。

沙瑞金

周润发

沙瑞金，新任省委书记，勤政为民，权力支持反贪行动，一查到底，为汉东省带来新鲜血液，注入新的活力。

发哥上年喺《寒战2》入面饰演正直大律师，奠定咗佢正义形象深入人心，加上个认真样又似似哋张丰毅，发哥气场2米8，十足会主持大局嘅人马。

祁同伟

苗侨伟

终于有个坏人角色啦，祁同伟，汉东省公安厅厅长，喺位高权重嘅贪污大Boss，与光明峰会项目有很大的挂钩，同高晓琴关系暧昧，丁义珍的出逃、陈海的车祸都喺佢一手策划，最终事情败露后，他自杀身亡。

虽然叫三哥苗侨伟饰演坏人有D于心不忍，但喺讲翻演员轮廓啊发型啊真係又几似原型喔，加上大Boss人设，三哥演出效果一定好正。

高育良

姜大卫

高育良喺侯亮平的恩师，佢多年前与高晓琴的姐妹高晓凤有不一般的关系，表面上他喺敦敦教诲的政法书记老师，实际上佢都係利益集团的一份子，最终被纪委带走。

呢种恩师同暗地里作恶嘅人设，姜大卫都演过唔少，好似TVB《酒店风云》嘅舅父郑永发咁奸到出汁，可谓经验丰富。

赵瑞龙

梁家辉

赵瑞龙利用职权便利通吃黑白两道，表面上喺企业公司老总，实则喺幕后指使者之一，最终被判无期徒刑。

梁家辉曾经喺《黑金》入面饰演黑社会开赌场嘅周朝先，又喺《寒战》演疑似与匪徒有联系嘅警务处副处长李文彬，演技大爆发，呢种黑白通吃嘅角色最适合佢了。

李嘉欣

高小琴、高小凤

高小琴，山水集团的董事长，商场女强人，身世复杂、经历曲折嘅传奇女子，喺祁同伟的情妇，又喺赵立春、赵瑞龙嘅敛财帮手，最终因为违法违纪被查，进入了监狱。

呢个女人把炮啦，喺戏中同多个男人有关系，虽然依家李嘉欣已经嫁人，但喺佢霸气侧漏嘅风采有增无减，好适合哩个十项全能嘅女人。

陆亦可

陈法拉

单身嘅陆亦可，全身心投入反贪行动，正直不阿，同侯亮平一齐搵出陈海车祸背后嘅真相，最终同赵东来局长喺埋一齐。

喺《潜行狙击》入面就饰演过警察嘅陈法拉，短发形象好干练清新，饰演严谨认真嘅检察院反贪局处长最啱！

陈海

刘德华

陈海，汉东省检察院反贪局局长，与侯亮平喺兄弟关系，因为丁义珍案件，佢暗中受到了威胁，仲发生咗车祸导致神智昏迷。

咁阴功猪同正义嘅角色就啱上天下海乜都得嘅华仔，前排《拆弹专家》D超劲爆破场面佢都handle到，虽然之前堕马受咗伤，但喺华仔一定可以好快好翻嘅！而且加送床戏福利哦！

赵东来

刘青云

赵东来喺个正义热血、有原则嘅市公安局局长，会同侯亮平一齐搵出事情背后嘅贪官，人民好警察啊！

警察蜀黍真係好钟意扎住部电话，刘青云外表虽然有D粗犷，但喺之前《窃听风云》《扫毒》入面都做过警察，证明好适合佢啦！

吴惠芬

邓萃雯

吴惠芬，同高育良离婚但喺表面仲喺维持住夫妻关系，佢喺侯亮平的师母，份人比较知足常乐。

温顺和睦嘅角色其实好适合邓萃雯，虽然佢演过《巾帼枭雄》九姑娘霸气嘅角色，但喺骨子里仲係《金枝欲孽》入面果个外表强悍内心柔弱嘅如妃娘娘。

欧阳菁

米雪

欧阳菁就喺达康书记果个贪赃枉法嘅老婆，但喺佢哋之间几乎唔碰面，最后因为受贿50万被捕。

嗱，睇原本演员个样就尖酸刻薄，强悍凶狠啦，啱晒米雪喺《溏心风暴》、《大太监》入面霸气威风个吵交样啦！

梁璐

关之琳

梁璐喺祈同伟老婆，大学时期喺公认校花，与祁同伟嘅恋情当时喺好轰动。

关大美人一路以嚟都魅力没法挡，现实中就曾经同多个富商、明星有多段恋情，依家演最多感情戏嘅角色就冇错啦！

蔡成功

姜皓文

蔡成功喺集团老板，同侯亮平由细就识，俾人套路之后破产，为咗挽留损失，从此走上举报嘅道路。

姜皓文花名叫“黑仔”，啱晒呢个角色人设，有种就算失败都继续努力发围嘅性格。

季昌明

许绍雄

季昌明喺汉东省检察院检察长，为人稳重，好支持反贪行动。

benz雄呢排都好少出嚟演戏，自从《使徒行者》中欢喜哥亦中亦奸卧底角色之后再冇喺TVB出现过了，一出好嘅戏喺需要一班老戏骨支持嘅，一于预埋你啦！

易学习

林雪

易学习喺正处级位置上做咗二十五年都冇提拔过，但依然兢兢业业脚踏实地为民做嘢，佢仲喺达康书记嘅好“gay蜜”。

一个咁可爱得人钟意嘅角色，真係要林雪嚟做先得，佢一出场就自带笑点，实可以拍出果种职务低但系工作认真为人民服务嘅感觉。

刘新建

林家栋

刘新建，汉东油气集团董事长，一直以嚟为赵瑞龙旗下公司输送的巨大利益。

啱啱攞影帝嘅林家栋本身真係唔忍心放佢做茄哩啡，但喺呢个角色都係好有发挥嘅，毕竟从风光无限到最后要入狱....

程度

艾威

程度，原来喺分局局长因为犯错误，差D俾踢出公安队，后来行贿重新回到岗位上，之后被侯亮平揪出。

曾经喺《飞虎》《真相》《法证先锋3》都演出过D小混混、坏人角色，相信如果俾艾威嚟演贪污官员都会好入形入格。

丁义珍

曾志伟

丁义珍因贪污行贿被最高人民检查院查出，但喺逮捕期间，受到神秘电话得以出逃国外。

从来曾志伟虽然得1米6但都可以将各种霸气角色演得出色，好似《无间道》嘅黑社会大佬咁，依家要饰演区委书记一D都难唔到佢。

肖钢玉

麦长青

肖钢玉喺市人民检察院检察长，表面上喺检举贪官嘅好人，其实喺高育良嘅手下，帮佢做嘢陷害侯亮平嘅小人。

麦包确实可以做好呢个角色，表面正直清廉，背地里做贪污交易，份人睇起身憨憨直直，其实满怀鬼胎陷害你一把。

赵德汉

黎耀祥

赵德汉，外表憨厚老实平时好似对自己好克扣，其实在位期间利用职务之便受贿2.3亿多，被举报后，受到搜查逮捕。

哈哈我哋嘅三届影帝其实最适合饰演基层小人物，《大太监》入面做李莲英，《名门暗战》嘅蒋元，《巾帼枭雄》嘅柴九，都喺基层人物又有D大贪嘅角色。

钟小艾

朱茵

钟小艾喺侯亮平嘅妻子，有智有谋，曾经暗中调查丁义珍的贪污案。

聪明貌美又精灵嘅仙女人设，由我哋冻龄紫霞仙子做再适合不过，朱茵同梁家辉演一对又养眼又衬。

王大路

张国强

王大路喺欧阳菁的朋友，集团老总，大路集团的老总，咁都唔方好人嘅啦。

张国强喺TVB御用成功人士，成日都喺高尔夫球场打波倾生意，同戏中王大路真係好夹。

陈岩石

胡枫

陈岩石喺陈海阿爸，为人耿直，伸张正义，喺一个有原则性的党员，多次举报赵立春的的受贿行为，但喺即将迎来胜利的同时，佢病死咗。

宜家香港老当益壮又有翻咁上下演技嘅，好似就得翻胡枫了，要演古缩又正直真係啱晒佢。

郑西坡

刘丹

郑西坡，一个热爱生活、有情有义、敢于担当的工会主席。

作为《爱回家》嘅马家阿爷，丹爷好有主持大局嘅风范，做工会主席实似到十足十。

刘生

古天乐

喺38集中，一个刘生嘅角色突然间就出咗嚟，操着一口“港普”，其实佢喺情报贩卖员，在地下中情局工作。

呢个角色神秘又喺未知性格，真係好难搵人演。唯一可以辨认嘅喺佢嘅“煲冬瓜”，一听就知啱晒我哋嘅古天乐先生嚟演啦！——“我很想炸死他”（我很想驾驶他）。

赵立春

洪金宝

赵立春喺副国级领导人，曾经嘅改革闯将，利用手中人民赋予的权力，谋私谋利，疯狂揽财嘅幕后大BOSS，一手遮天，不顾人民利益，倒行逆施。好彩最终法网恢恢、疏而不漏，还是逃不过法律的制裁。

作为隐藏喺各位腐败分子身后的这位”擎天柱”，讲明重分量就紧喺要搵翻嘅重量人物撑场架啦，至少喺体重上！洪金宝嚟演，冇错！

港版人物介绍完毕，个人感觉颜值上好过陆版唔少，又有影帝影后加持，实唔会出戏啦。

你又觉得选角方面违唔违和咧？啱唔啱你哋心水？

如果你哋心目中有更适合嘅人选，欢迎留言建议下喔！

如果真係咁大制作，全部用D咁猛嘅明星通场飙戏，咁真係要拍翻百几两百集先够本啰。

今期热点