地铁新开四条线，广州11区人民有咩反应？

今日广州地铁有四条新线试运营，

分别系地铁四号线南延段、

九号线一期、十三号线一期、

十四号线知识城支线，

地铁图复杂到我差啲唔识转线。

一朝早就睇到唔少自己友洗版，

听讲仲有人凌晨六点就去等搭头班车，

真系全广州至得闲叻就系你哋啦！

通咗新地铁，

从此花都、南沙、增城、番禺、黄埔

嘅自己友出行就方便好多啦。

随住广州地铁越嚟越多线开通，

广州11区人民各自有咩反应？

最开心就梗系周边几个区啦，

有地铁之后，起码返工可以

悭时间同金钱啊！

 最happy：花都人民

花都终于有第一条地铁线，

计咗下路程，貌似又冇快几多……

 最招积：增城人民

提问：

以后系咪可以order增城嘅荔枝？

 最激动：南沙人民

以前去南沙港，地铁坐得耐，

仲要唔直达，要转公交或者打的，

依家终于一程车坐到尾！

几个原本有地铁线嘅区，

又会点谂？

 黄埔

14号线知识城支线以前属于萝岗，

后来冇咗萝岗，就归黄埔区，

但好多黄埔人都唔记得呢件事

觉得好似新线唔关自己事……

 最淡定：越秀、荔湾

反正依家啲新线，

都唔关旧城区事啦，

得闲落街饮茶好过啦！

 最坚强：天河

无论有冇新开地铁线，

天河区人民日常都系——

人车人车车人车人人车人车

人车人人车人车车人车人车

人车人车人人我车人车人车

人车车人车车人人车人车人

 最为所欲为：海珠

多啲地铁，咪多啲人去广州塔！

小编：（默默向海珠势力低头）

 最踌躇：白云

总有几个永远只存在于图片上嘅站点，

可能等到我个孙嗰代先可以开通……

 最心酸：番禺

在此向所有上下班搭

番禺广场、厦滘、大石、市桥

等站点嘅番禺自己友默哀三秒钟。

以上纯属建六编辑部臆想

唔好对号入座

其实有地铁线，

都唔好太开心，

到迟啲跨年、春运，

你就明白坐地铁有几恐怖……

各位自己友，

地铁新开咁多线，你又有咩反应？

你屋企楼价有冇升啊？

老规矩，想要文中嗰几个

地铁得戚表情包

↓就搵呢条友啦↓

↓2018廣古封现正优惠预售，早买早着数