我，广州人，国庆死都不出门！

话都冇咁快

终于捱到国庆节喇！

你哋依家身在何方？

要知道

平时嘅广州最多系咁

人人人人人人人人人

人人人人我人人人人

人人人人人人人人人

而假期嘅广州就会变成咁——

人人人人人人人人人

人人人人人人人人人

人人人人人人人人人

人人人人人人人人人

人人人人人人人人人

人人人人我人人人人

人人人人人人人人人

人人人人人人人人人

人人人人人人人人人

人人人人人人人人人

每逢到过年过节

无论边度都系人人人人人人

而且作为旅游圣地嘅广州

（其实广州真系冇咩好玩！）

首当其冲会全程塞爆人同车！

如果你打算要出门嘅话

不妨睇睇我哋建六编辑部

为各位自己友总结嘅

高速公路

作为国庆摄影大赛首席参赛场地，

高速公路系广州人必备嘅打卡景点！

敢问今年嘅高速公路有几塞，

听讲靠卖炒米粉、便携厕所

你都可以发家致富！

广州人，你今日塞咗未啊？

广州图书馆

呢个假期，你想充实一下自己

我谂图书馆会系一个非常唔值得推介嘅地点

喺呢度

你可以享受从开馆一直开到闭馆嘅空调之外

仲可以感受到一班受过专业训练

如何正确使用“狮吼功”嘅小朋友

陪你齐齐读书写字

问你怕未！

步行街

返工嘅时候除咗淘宝

好难得先可以等到长假去行下街

所以各大步行街正在敞开大门

等待各位客官嘅宠幸，啊唔系，莅临

前往目的地嘅路程之中经历种种考验

超长等车、超多群众、超级塞车等

终于嚟到目的地，但可能太耐冇行过街

所以面对汹涌嘅人群竟然有啲不知所措

甚至分唔清东南西北！

网红打卡圣地

广州有好多个区，以及劲多网红店

无论系工作日、休息日、节假日

都座无虚席，条龙排到出马路

想要喺网红店影靓相

根本系冇可能！

因为喺你嘅背后

会经过无数同样前来打卡嘅人民群众！

广州塔

作为广州地标嘅广州塔

每到节假日都人头涌涌

埋得到玻璃睇到外面嘅石屎森林

当我输！

作为一个土生土长嘅广州人

在此再次提醒各位想要嚟广州玩嘅朋友

广州塔真系冇嘢好玩啊！

白云山

其实咁长一个假期

出去外面呼吸一下新鲜空气

感受一下大自然嘅魅力都系唔错嘅选择

每次放假白云山都有个奇景，

以前听讲过排队食饭、排队搭车、排队出镜

放假嘅白云山有排队跳笨猪Jump！

地铁

不过讲再多

连门都出唔到去先系最致命！

你逼得入地铁唔系最犀利

可以喺地铁入面出返嚟先系至劲嘅！

公园前、体育西、杨箕、

客村、岗顶、火车站、

三元里、珠江新城

各种难度关卡任君选择

反正全部都系地狱模式！！！

睇睇下上面咁多考验

我相信你都同我哋编辑部嘅

各位咸鱼一样放弃挣扎

所以，我哋仲有一个

最适合广大咸鱼嘅圣地——

屋企

任何外界嘅诱惑

都比唔上屋企嘅嗰一张床！

 只要畀我一张床，

 我就可以瞓到天昏地暗！

空调、Wifi、外卖

你话有咩可以比得上屋企噉舒服！

冇！

冇！

冇！

绝对冇！

各位自己友

你哋呢7日准备去边度玩？

你觉得边度喺假期最佳打卡景点？

快啲嚟投个票话我知喇！

记得好好休息呢7日

咁先可以继续为老世加班搏命！