呕血整理！只有一个地方，系广州单身狗嘅避难所！

春节嘅余温都未过

辛辛苦苦捱过三姑六婆连番追问而得嚟嘅利是

辛辛苦苦加班加点赚返嚟嘅年终奖

都仲未摸热

又要见证一个

全国各大CBD齐齐为你涨价

通货膨胀日

冇错

讲嘅就系情！人！节！

今个情人节

仲系单身嘅你准备去边度玩？

不如先睇下建六编辑部为各位自己友整理嘅

情人节之单身狗

请自求多福出行指南

你睇下我对你几好啊

专门收集好资料畀你避雷

我哋南方人，唔过西方情人节！！

华南农业大学

指定动作：睇花

众所周知

自从华农啲花出咗名之后

呢间学府就成为咗唔少后生仔女嘅打卡朝圣地

毕竟花季系咁嘅：

虽然系好靓

不过要去赏花呢~

又真系有啲难度

体育西&珠江新城

指定动作：亲密无间逼逼下

平时上落班嘅地铁已经系咁

▲图片来自@广州地铁

▲图片来自@广州地铁

单身寡佬

辛辛苦苦返工赚钱

落班仲要同啲情侣逼地铁

有阵时，有啲嘢，整定嘅

你以为放假终于可以甩难

唔使再逼地铁

点知到咗节假日

啲人仲多过返工

珠江边

指定动作：散步、夜游

如果你试过情人节喺江边散步

你就会明白

夜晚戴墨超到底几有用！

广州塔

指定动作：排队增进感情

广州塔作为广州地标

基本上冇咩本地人会去

到咗今日！

你就会发现

广州真系有咁多人

往来交通费+门票+摩天轮+自助餐

谂下就已经肉痛

各大酒店宾馆

指定动作：促进周边便利店嘅收益

无论系七天定系八天

无论系M酒店定系FA园酒店

喺今日！

都注定要劏你（个荷包）

各大电影院

指定动作：睇片又睇人

明明呢度系公众场合

但就要忍受你哋啲情侣放闪

仲要饥不择食

动画片都爆满！

只不过默默地

想用电影慰劳辛勤劳动嘅自己

但点解？

要咁样伤害我？

各大酒楼食肆

指定动作：考验前瞻性是否提前订位

明明系单身寡佬

因为你哋嘅节日就要强制接受升价

奉劝各位

做个好人！

希望各大食肆可以学习一下香港嘅餐厅

为有需要嘅单身寡佬

准备好情人节独自快乐餐

各大文青创意园

指定动作：摆pose

只不过系咁啱公司喺创意园入面

就要睇住你哋浓情蜜意卿卿我我

老世！我要申请工伤啊！

有奢侈品嘅shopping mall

指定动作：榨干荷包

拍拖真系好奢侈嘅项目

平时静英英鬼影都唔多个嘅奢侈Mall

今日大把人喺门口影相放闪

势要闪盲你对眼！

如果真系要送

不如尝试一下送呢款

话唔埋真系可以呃得下人

好在自己冇女

又可以悭返笔喇！

虽然讲系咁讲

不过我哋依然为仲系单身嘅你准备咗

最啱你嘅五星级选择！

公司

无论你有冇约到心仪对象

我相信依然都系老世最大

只有佢一个order掟埋嚟

你依然要留喺公司做加班狗！

嚟

同我一齐大声讲：

 （过咩鬼情人节啊，专心搵钱喇！）

喺节目嘅最后

吖鸭有一首歌仔想送畀咁多位单身人士

请留意歌词

2月14 颠沛流离

2月14 曲折离奇

2月14 恐吓着你

做人没趣味

独留在 屋企 肥宅只得你

冇人能 一生永远陪伴你

请各位有另一半嘅自己友手下留情

爱护动物，人人有责

而单身嘅自己友

我哋大家都要继续加油啊！

各位有情人嘅自己友

你哋今个情人节准备去边度过？

冇情人嘅自己友

你哋有咩想对情人节讲？

欢迎留言同我哋分享

往期精选