玉树市新冠肺炎疫情防控处置工作指挥部关于玉树市全域内实施静态管理的通告(2022年第65号)
玉树市新冠肺炎疫情防控处置工作指挥部关于玉树市全域内实施
静态管理的通告
(2022年第65号)
广大市民朋友:
2022年10月29日
ཡུས་ཧྲུའུ་གྲོང་ཁྱེར་ཏོག་གསར་གློ་ཚད་རིམས་ནད་སྔོན་འགོག་ཚོད་འཛིན་བཀོད་འདོམས་པུའུ་ཡིས་གྲོང་ཁྱེར་གྱི་ཁོངས་ཡོངས་ལ་འགུལ་མེད་དོ་དམ་བྱེད་རྒྱུའི་སྐོར་གྱི་བརྡ་ཁྱབ།
2022ལོའི་ཨང་65པ།
རྒྱ་ཆེ་བའི་མང་ཚོགས་རྣམ་པ།
རིམས་ནད་སྔོན་འགོག་དང་ཚོད་འཛིན་གྱི་ལས་དོན་སྔར་ལས་ལེགས་པར་སྤེལ་བ་དང་ཁྱབ་སྤེལ་ཉེན་ཁ་དུས་ཐོག་ཏུ་འགོག་པ། མི་དམངས་མང་ཚོགས་ཀྱི་ཚེ་སྲོག་བདེ་ཐང་དང་བདེ་འཇགས་ཡོང་བར་འགན་ལེན་ཏན་ཏིག་བྱ་ཆེད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགོས་ནད་འགོག་བཅོས་བཅའ་ཁྲིམས》དང《གློ་བུར་དུ་ཐོན་པའི་སྤྱི་པའི་འཕྲོད་བསྟེན་དོན་རྐྱེན་ལ་ཁ་གཏད་གཅོག་པའི་སྲོལ་ཡིག》སོགས་བཅའ་ཁྲིམས་ཁྲིམས་སྲོལ་གཞིར་བཟུང་ནས། ཡུས་ཧྲུའུ་གྲོང་ཁྱེར་རིམས་ནད་སྔོན་འགོག་ཚོད་འཛིན་ཐག་གཅོད་ལས་དོན་བཀོད་འདོམས་པུས་དབྱེ་ཞིབ་དང་ཞིབ་འཇུག་བྱས་པ་བརྒྱུད། 2022ལོའི་ཟླ་10ཚེས་29ཉིན་གྱི་སྔ་དྲོ་ཆུ་ཚོད་10པ་ནས་ཟླ་11ཚེས་1ཉིན་གྱི་ཆུ་ཚོད་10བར་ཡུས་ཧྲུའུ་གྲོང་ཁྱེར་གྱི་ཁྱབ་ཁོངས་ཡོངས་ལ་འགུལ་མེད་དོ་དམ་བྱ་རྒྱུའི་གཏན་འབེབས་བྱེད་རྒྱུ་རེད། འབྲེལ་ཡོད་བླང་བྱ་བརྡ་ཁྱབ་བཏང་བ་གཤམ་གསལ།
གཅིག གྲོང་མི་ཡོངས་ཀྱིས་འགུལ་མེད་དོ་དམ་གྱི་གཏན་འབེབས་ལ་བརྩི་སྲུང་ནན་པོ་བྱེད་དགོས་ཤིང་། ཉིང་སྐྱུར་གྱི་ཞིབ་དཔྱད་དང་སྨན་བཅོས་སོགས་དམིགས་བསལ་གྱི་དགོས་མཁོ་མ་གཏོགས་ངེས་པར་དུ་ཕྱིར་འགྲོ་བ་དང་གཅིག་སྡུད་མི་བྱེད་པ། སྤྱི་པའི་ཁྱབ་ཁོངས་སུ་མི་ཚུད་པ་བཅས་བྱེད་དགོས། སྡེ་ཁུལ་(གྲོང་ཚོ་)ཁག་གིས་གྲོང་མི་ཕྱི་ལ་ཉོ་སྒྲུབ་བྱེད་པའི་དུས་ཚོད་བཀོད་སྒྲིག་ལུགས་མཐུན་བྱེད་དེ། གྲོང་མིས་ཉེ་འགྲམ་དུ་འཚོ་བའི་དངོས་ཟོག་ཉོ་སྒྲུབ་བྱེད་པར་སྐྱོད་རྒྱུ་ཁྲིད་སྟོན་བྱེད་དགོས། ཉིན་གཉིས་རེར་མི་གཅིག་ཕྱི་ཕྱོགས་སུ་ཉོ་སྒྲུབ་བྱེད་པར་བསྐྱོད་རྒྱུའི་བཀོད་སྒྲིག་བྱེད་དགོས་པ་དང་།སྡེ་ཁུལ་གྱི་གྲོང་མི་ཕྱི་ལ་ཐེངས་རེར་ཉོ་སྒྲུབ་བྱེད་པའི་དུས་ཚོད་ཆུ་ཚོད་གཉིས་ལས་མི་བརྒལ་བར་བྱེད་དགོས།
གཉིས། ལས་ཁུངས་ཁག་རྒྱུན་ལྡན་ལྟར་འཁོར་སྐྱོད་རྒྱུན་འཁྱོངས་དང་རང་ཁྱིམ་དུ་གཞུང་དོན་སྒྲུབ་པ་དང་། རིང་ས་ནས་གཞུང་དོན་སྒྲུབ་པ། ལས་ཁུངས་ལ་ཡོང་མཁན་ལས་ཁུངས་དུ་ཞག་སྡོད་བྱེད་པར་བཅས་སྤེལ་དགོས། གཞུང་དོན་སྒྲུབ་ཡུལ་དུ་ལས་ཀ་བྱེད་པའི་མི་གྲངས་ཚོད་འཛིན་བྱ་དགོས་ཤིང་། ཕན་ཚུན་འབྲེལ་གཏུག་བྱེད་ཚུལ་ཉུང་དུ་གཏོང་དགོས་ལ། རླུང་རྒྱུག་པ་དང་དུག་སེལ་བ་སོགས་ཀྱི་ལས་ཀ་ལེགས་པར་བསྒྲུབ་དགོས།
གསུམ། སྤྱི་པའི་འདུ་གནས་ལ་དོ་དམ་ཚོད་འཛིན་ནན་པོ་བྱེད་དགོས། འགུལ་མེད་དོ་དམ་སྡོད་རིང་གྲོང་ཁྱེར་དེ་ཡོངས་ཀྱི་སྨན་བཅོས་སྒྲིག་གཞི་དང་གཞི་རྩའི་དམངས་འཚོའི་ཚན་པ་འགན་ལེན་བྱེད་པ་ཕུད། སྤྱི་པའི་འདུ་གནས་ཚང་མ་གནས་སྐབས་གཉེར་སྐྱོང་བྱེད་མཚམས་བཞག་དགོས།
བཞི། དམིགས་བསལ་ལས་ཁུངས་ལ་དོ་དམ་ནན་པོ་བྱེད་དགོས། གྲོང་ཁྱེར་ཡོངས་ཀྱི་རྒན་གསོ་ཁང་དང་བྱིས་པའི་ཕན་བདེ་ཁང་སོགས་སྒྲིག་གཞིར་བཀག་སྡོམ་རྣམ་པའི་དོ་དམ་ལག་ལེན་བསྟར་དགོས། དམངས་ཁྲོད་ཀྱི་ཆོས་དད་བྱེད་ས་དང་ཆོས་ལུགས་བྱེད་སྒོ་སྤེལ་ས་སོགས་གནས་སྐབས་སྒོ་འབྱེད་བྱེད་མཚམས་འཇོག་དགོས། སྲིད་འཛིན་ཞབས་ཞུ་ལྟེ་གནས་དང་སྤྱི་ཚོགས་བཅོས་སྐྱོང་ལྟེ་གནས། ཡིག་སྐུར་ངོ་བཅར་སྣེ་ལེན་སོགས་ཀྱི་ཐད་ལ་དྲ་ཐོག་ནས་གཞུང་དོན་བསྒྲུབ་དགོས།
ལྔ། གྲོང་ཁྱེར་དབར་གྱི་འགྲིམ་འགྲུལ་འགག་སྒོར་ཞིབ་བཤེར་ཚོད་འཛིན་ནན་པོ་བྱེད་དགོས། དགོས་པ་མེད་ན་ཡུས་ཧྲུའུ་མི་ཐོན་པ་དང་། དགོས་པ་མེད་ན་ཡུས་ཧྲུའུ་ལས་ཕྱི་ལ་མི་འགྲོ་བ། འཚོ་བ་འགན་ལེན་དང་ཐོན་སྐྱེད་འགན་ལེན། རིམས་ནད་སྔོན་འགོག་འགན་ལེན་སོགས་ཀྱི་རླངས་འཁོར་ཕུད། རླངས་འཁོར་གཞན་དག་རྩ་དོན་ཐོག་ནང་འདྲེན་བྱེད་མི་ཆོག
དྲུག མཉམ་རུབ་རང་བཞིན་གྱི་བྱེད་སྒོ་བཀག་འགོག་ནན་པོ་བྱེད་དགོས། འགྲེམས་ཚོགས་དང་བྲིན་ཚོང་འདུ་ཚོགས། སྤེལ་རེས་ཚོགས་འདུ། གླེང་སྟེགས།ཐང་ཆེན་ཞབས་བྲོ་སོགས་འདུ་འཛོམས་རང་བཞིན་གྱི་བྱེད་སྒོ་ཚང་མ་གནས་སྐབས་མཚམས་འཇོག་བྱེད་དགོས། ཁྱིམ་ཚང་དང་གྲོགས་པོ་འདུ་འཛོམས་གཏན་ནས་བྱ་མི་ཆོག།
བདུན། འགུལ་མེད་དོ་དམ་བྱེད་རིང་སྤྱི་སྤྱོད་རླངས་འཁོར་དང་བོགས་གཏོང་རླངས་འཁོར། དྲ་ཐོག་རླངས་འཁོར་བཅས་གནས་སྐབས་འཁོར་སྐྱོད་བྱེད་མཚམས་འཇོག་དགོས། རིམས་ནད་སྔོན་འགོག་ཚོད་འཛིན་དང་ཛ་དྲག་སྨན་བཅོས། འཚོ་བ་འགན་ལེན། གསར་འགྱུར་སྨྱན་སྦྱོར་སོགས་འབྲེལ་ཡོད་རླངས་འཁོར་རྒྱུན་གཏན་བཞིན་འགྲོ་སྐྱོད་བྱེད་ཆོག རླངས་འཁོར་གཞན་དག་འགྲོ་དགོས་ན་ངེས་པར་དུ་གྲོང་ཁྱེར་རིམས་ནད་སྔོན་འགོག་ཚོད་འཛིན་ཐག་གཅོད་ལས་དོན་བཀོད་འདོམས་པུའུ་ཡིས་གཅིག་གྱུར་ཐོག་གཤམ་སྤེལ་བྱས་པའི་འགྲོ་སྐྱོད་ལག་ཁྱེར་འཁྱེར་ནས་འགྲོ་སྐྱོད་བྱེད་དགོས། འགྲོ་སྐྱོད་ལག་ཁྱེར་མེད་པའི་རླངས་འཁོར་ལམ་ཐོག་བསྐྱོད་རྒྱུ་གཏན་འགོག་བྱེད་དགོས།
བརྒྱད། འགུལ་མེད་དོ་དམ་དུས་སྐབས་སུ་རྒྱ་ཆེའི་གྲོང་མི་རྣམས་ལ་སྨན་པ་བསྟེན་པ་སོགས་དམིགས་བསལ་གྱི་དགོས་མཁོ་ཡོད་ན། སྡོད་སའི་སྡེ་ཁུལ་(གྲོང་ཚོ་)ལ་སྙན་སེང་ཐོ་འགོད་བྱས་ཆོག་ཅིང་། སྡེ་ཁུལ་(གྲོང་ཚོ་)གྱིས་གོང་རིམ་སྡེ་ཁག་ལ་དགོངས་སྐོར་ཞུས་རྗེས་ད་གཟོད་ཕྱི་རུ་ཕྱིན་ཆོག གལ་ཏེ་ཛ་དྲག་ཆེ་བའི་གནས་ཚུལ་དང་འཕྲད་ན་110ལ་ཁ་པར་བརྒྱབ་ནས་རོགས་བྱེད་དུ་འཇུག་དགོས།དགུ། འགུལ་མེད་དོ་དམ་ལས་དོན་དོན་འཁྱོལ་བྱས་ཚུལ་ལ་ཆུ་ཚོད་24རིང་སྐོར་ཞིབ་དང་ཞིབ་བཤེར་བྱེད་རྒྱུ་ཡིན། སྲང་ལམ་དང་ཁུལ་ཆུང་། ཐོག་ཁང་། སྡེ་ཚན། ཚོང་ཁང་སྣ་ཚོགས་བཅས་ཁྱོན་ཡོངས་ལ་ཁྱབ་པ་བྱས་ནས་འགུལ་མེད་དོ་དམ་བྱེད་རིང་རང་དགར་འགྲོ་སྐྱོད་དང་རང་དགར་གཉེར་སྐྱོང་། རང་དགར་རླངས་འཁོར་སྤྱོད་པ། རང་དགར་འགྲོ་སྐྱོད་སོགས་ཀྱི་བྱ་སྤྱོད་ལ་རྡུང་རྡེག་ནན་པོ་བཏང་སྟེ་འགུལ་མེད་དོ་དམ་གྱི་བླང་བྱ་ལས་འགལ་བའི་འབྲེལ་ཡོད་མི་སྣར་ཁྲིམས་དང་སྒྲིག་སྲོལ་ལྟར་ཞིབ་བཤེར་ཐག་གཅོད་ནན་པོ་བྱེད་རྒྱུ་ཡིན། ཉེས་གསོག་གི་ཚད་ལ་སླེབས་ཚེ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ་ཡིན།
རྒྱ་ཆེའི་གྲོང་མི་དང་གྲོགས་པོ་ཚོས་བསམ་ཤེས་གང་ལེགས་དང་གཞོགས་འདེགས་ཧུར་ཐག་བྱས་ཏེ་དངངས་སྐྲག་དང་འཇིགས་སྣང་མི་ཡོང་བ་དང་། དཀྲོག་གཏམ་མི་ཤོད་པ། དཀྲོག་གཏམ་མི་ཉན་པ་བཅས་བྱས་ནས་མི་སྒེར་གྱི་འགོག་སྲུང་དང་བདེ་ཐང་ལྟ་ཞིབ་ཡག་པོ་བྱས་ཏེ་རིམས་ནད་སྔོན་འགོག་ཚོད་འཛིན་གྱི་བླང་བྱར་བརྩི་སྲུང་ཞུ་དགོས། ང་ཚོས་དམངས་སེམས་གཅིག་ཏུ་བསྒྲིལ་ནས་བདེ་འཇགས་དང་བདེ་ཐང་གི་འཚོ་བའི་ཁོར་ཡུག་གཏོད་དེ་རིམས་ནད་སྔོན་འགོག་ཚོད་འཛིན་ལས་དོན་ལ་ཁྱོན་ཡོངས་ནས་རྒྱལ་ཁ་ཐོབ་པ་བྱེད་དགོས།
ཡུས་ཧྲུའུ་གྲོང་ཁྱེར་ཏོག་གསར་རིམས་ནད་སྔོན་འགོག་ཚོད་འཛིན་ཐག་གཅོད་ལས་དོན་བཀོད་འདོམས་པུའུ། 2022ལོའི་ཟླ་10པའི་ཚེས་29ཉིན།审 核丨巴德扎西
编 辑丨尼玛旦周
服务应用
学習玉树
新时代文明实践
融媒体资讯
书记市长信箱
往期回顾