ཙོང་ཁའི་ནོར་བུ། ༧རྗེ་ཙོང་ཁ་པ་ལ་རྗེས་དྲན་དུ་ཕུལ་བའི་སྙན་ངག་གསར་པ།
རྩོམ་པ་པོ། འཕགས་ཆེན།
གྱེར་འདོན་པ། ལན་བུ་ཅན།
རོལ་མོ་སྒྲིག་སྦྱོར་བ། བྷོ་ཊ་བ།
0
ཙོང་ཁའི་ནོར་བུ།
—རྗེ་ཙོང་ཁ་པ་སྐུ་མྱ་ངན་ལས་འདས་ནས་མི་ལོ་དྲུག་བརྒྱ་འཁོར་བའི་རྗེས་དྲན་དུ་ཕུལ།
ཙོང་ཁ་པ
ཨ་མདོ་ནི་ངོ་གདོང་དམར་པོ་ཞིག་ཡིན་ནམ
ཙོང་ཁ་ནི་ཐོད་པ་དཀར་པོ་ཞིག་རེད་དམ
དབུས་གཙང་ནི་སྐྲ་ལོ་ཁམ་པ་ཞིག་ཡིན་ནམ
ཁྱེད་ནི་ཙོང་ཁའི་ནོར་བུ་དེ་ཡིན
ཆོལ་གསུམ་གྱི་གཙུག་རྒྱན་ཡིན
ཙོང་ཁ་པ
ཨ་མདོའི་དཀར་མོ་རྒྱང་གྲགས
དབུས་ཀྱི་མར་མེ་ཚེ་འབར
གཙང་གི་དཀར་པོ་ཆིག་ཐུབ
ཁམས་ཀྱི་བདེ་གཤེགས་སྙིང་པོ
ཁྱེད་ཀྱི་རྣོ་དབལ་ལྡན་པའི་ཤེས་རབ་དང
ཞི་འཇམ་ལྡན་པའི་བྱམས་བརྩེའི་སྟོབས་ཤུགས་ཀྱིས
གངས་དཀར་པོའི་རྩེ་ལ་ཤེས་རིག་གི་དར་ཆ་བསྒྲེངས་ཡོད
ས་ཆེན་པོའི་སྒང་ལ་ཤེས་བྱའི་མཚོ་མོ་བསྐྱིལ་ཡོད
ཙོང་ཁ་པ
ཁྱེད་ཀྱིས་ཨ་མ་དྲན་པ་བཞིན
ཨ་མས་ཁྱེད་རང་དྲན་པ་བཞིན
ལོ་ཟླ་ཇི་ལྟར་སོང་ནའང་ཁྱེད་ནི་བརྗེད་མེད་ཀྱི་ནོར་བུ་ཞིག
མི་སེམས་ཇི་ལྟར་འགྱུར་ནའང་ཁྱེད་ནི་རྟག་བརྟན་གྱི་རྒྱབ་རི་ཞིག
དུས་ཚོད་ཀྱིས་མ་ཐེག་པའི་གསེར་གྱི་ཕ་བོང་ཆེན་པོ
སྟོང་དང་རྟེན་འབྲེལ་གྱི་ཁུར་ཆེན་འདེགས་པའི་གྲྭ་རྐྱང
ཁྱེད་ནི་གཞན་དོན་དུ་སྐྱེ་བ་བཞིན་གཞན་དོན་དུ་གཤེགས་སོང་ནའང
ད་དུང“གངས་ཅན་མཁས་པའི་གཙུག་རྒྱན་ཙོང་ཁ་པ”ཞེས་འབོད་ཀྱིན་འདུག
2019/12/20ཉིན་བྲིས།
0
དགའ་ལྡན་ལྔ་མཆོད།
༄༅།།དམིགས་མེད་བརྩེ་བའི་གཏེར་ཆེན་སྤྱན་རས་གཟིགས།
དྲི་མེད་མཁྱེན་པའི་དབང་པོ་འཇམ་པའི་དབྱངས།
བདུད་དཔུང་མ་ལུས་འཇོམས་མཛད་གསང་བའི་བདག
གངས་ཅན་མཁས་པའི་གཙུག་རྒྱན་ཙོང་ཁ་པ།
བློ་བཟང་གྲགས་པའི་ཞབས་ལ་གསོལ་བ་འདེབས།
དགའ་ལྡན་ལྔ་མཆོད་ཆེན་མོ་བསུ། 纪念伟大的宗喀巴大师 [藏汉双语]
长
按
解
锁
关注我们
获得更多精彩内容