ལྷ་ཡི་ཕོ་ཉ་ཞིག་ལ་མྱ་ངན་ཞུ་བ། 悼念一位天使

འཕགས་ཆེན་འཕྲིན་སྟེགས།

སྙན་

ངག

1

ལྷ་ཡི་ཕོ་ཉ་ཞིག་ལ་མྱ་ངན་ཞུ་བ།

ཏོག་དབྱིབས་ནད་དུག་འགོག་རྒོལ་ཁྲོད་སྐུ་གཤེགས་པའི་ལྷ་རྗེ་ལི་ཝུན་ལིའང་(李文亮)ལ་རྗེས་དྲན་དུ།

འཕགས་ཆེན།  (ཡུལ་ཤུལ)

མགོ་ཐོག་གི་ནམ་མཁའ་ལ་ལྟ་དུས།

ཉི་ཟླའང་མོག་མོག་པོ།

རྐང་འོག་གི་ས་གཞི་ལ་ལྟ་དུས།

རྩི་ཤིང་ཡང་སྐྱ་ཐིང་ཐིང་།

གློ་བུར་སུ་ཞིག་བུད་སོང་།

གོས་དཀར་གྱོན་པའི་དཔའ་བོ་ཞིག་བུད་སོང

ནད་ཡམས་ལ་རྒོལ་བའི་ཕོ་ཉ་ཞིག་བུད་སོང་།

ཆེས་མཐའ་མའི་སྐད་ཆ་དེ་བཤད་རྗེས།

ཆེས་མཐའ་མའི་དབུགས་རིང་དེ་བཏང་རྗེས།

རྨི་ལམ་ཅི་ཙམ་ལྷག་ཡོད།

སྨྲེང་སེམས་ཅི་ཙམ་ཁྱེར་ཡོད།

ཁྱོད་ནི་ཅི་འདྲའི་འགྲོ་མགྱོགས་པ་ལ་ཨང་།

ཁྱོད་རང་སོང་རྗེས།

ད་དུང་འཆི་བ་ཡོང་གིན་འདུག

གསར་འགྱུར་ཡོང་གིན་འདུག

ནད་ངན་དང་འགྲོགས་ནས་ཡོང་གིན་འདུག

ངས་ད་ལྟ་ཉི་འོད་འཇམ་པོ་ཞིག་ལ་སྒུག་ཡོད།

ས་ཁྲ་དཀར་པོ་ཞིག་ལ་སྒུག་ཡོད།

ཁྱོད་རང་གླེང་དུས།

ཁ་བ་མར་མར་འབབ་ཚུལ་དྲན་སོང་། 

སྤྲིན་དཀར་ཡར་ཡར་ལྡིང་ཚུལ་དྲན་སོང་།

ཁྱོད་རང་འགྲོ་དུས།

ལྷིང་འཇགས་ཀྱི་ནམ་མཁའ་དྲན་སོང་།

ཁྱོད་རང་མེད་དུས།

འཆར་ལ་ཉེ་བའི་དགའ་རོགས་དུས་ཆེན་དེ་དྲན་སོང་།

མཚམས་འདི་ནས།

ངས་ད་དུང་གསར་འགྱུར་ཞིག་གོ་ཐུབ་ན་བསམ།

མི་ཚོགས་འདུ་འཛོམས་ཆོག་པའི་གསར་འགྱུར་ཞིག་གོ་ཐུབ་ན་བསམ།

2020/2/7ཉིན་ཡུལ་ཤུལ་ནས་བྲིས།

2

悼念一位天使

为追悼疫情中离世的医生―李文亮

杷青 著 | 仁增玛 译

看着头顶上的天空

日光朦胧

看着脚下的土地

贫瘠荒凉

突然是谁走了

一个身穿白衣的英雄

一个与病魔斗争的天使

说了最后一句话

叹最后一口气

留下了多少梦

带走了多少哀痛

您走的如此匆忙

您走后

死亡还在来临

新闻不止

随着病毒一同降临

此刻，我在等待一抹暖阳

等待着一张白色地图

提到您

想起漫天雪花

乌云密布的一幕

您走时

想到平静的天空

您不在时

想到即将迎来的情人节

这一刻

我还在期盼一个新闻

一个可以集聚人群的新闻

2020/2/7日  写于玉树

ཨོཾ་མ་ཎི་པདྨེ་ཧཱུྃ། ཨོཾ་མ་ཎི་པདྨེ་ཧཱུྃ། ཨོཾ་མ་ཎི་པདྨེ་ཧཱུྃ།

一起为高考加油