ཕྱིར་རྟོག་དང་རྡུལ་ཚོན། འཕགས་ཆེན་གྱི་སྙན་ངག་གསར་པ།
འཕགས་ཆེན་འཕྲིན་སྟེགས།
འཕགས་ཆེན། (ཡུལ་ཤུལ།)
སྙན་
ངག
བོད
ཕྱིར་རྟོག་དང་རྡུལ་ཚོན།
བདག་འཛིན་གྱི་དཀྱིལ་འཁོར་དུ
ཆགས་སྡང་གི་རྡུལ་ཚོན་བླུགས་པ་ནས
འཚར་ལོངས་ཀྱི་ལམ་བར་དུ
གཅུན་སྡོམ་གྱི་དགག་སྒྲ་སྦྱར་བ་ནས
མདོག་ཤོར་བའི་ནམ་མཁའི་དབྱིངས་སུ
སེམས་པ་ཆུ་ལས་གྲང་བའི་གཏམ་རྒྱུད་ཅིག་བྱུང་འདུག
དེ་དུས་ཁ་ཡག་བཤད་མཁན་ཉུང་ནའང
ཐ་སྙད་དམར་པོ་ཞིག་བྲིས་ཏེ
མི་གཤིས་ལ་གཡའ་བཏབ་འདུག
གྲོང་ཁྱེར་འདི་ནས་གཡའ་སེལ་ཇི་ལྟར་བྱེད
ནམ་མཁར་བྱ་རྗེས་མེད་ནའང
གཏམ་རྒྱུད་ཅིག་གི་གོ་རིམ་ནི་རི་མོ་བྲིས་པ་བཞིན
དུས་ཚོད་ཕྱི་ཡོང་མེད་ནའང
ཕྱིར་རྟོག་དང་རྡུལ་ཚོན་ནི་འཇའ་ཚོན་ཤར་བ་བཞིན
འཁྱོགས་ཤིང་བསྣོལ་ཏེ་དོང་ཞབས་མེད་ཅིག་ཏུ་ལྷུང་འདུག
ཕྱིན་དྲན་ནི་རྡུལ་མཚོན་གྱི་གྲུབ་ཆ་ཞིག
ཕ་ཡུལ་ནས་ཞེན་ཆགས་དང་བསྡེབས་ཏེ་ཡོང
ལོ་ངོ་མང་པོའི་དུས་ཚོད་ཀྱི་ཐིག་ཕྲེང་དེ
ད་ལྟ་གོར་ཐིག་ཅིག་ཡིན་སྲིད་པའི་དུས་འགྱུར་འདིར
བཏང་སྙོམས་ཀྱི་ར་བ་ཞིག་ཡོད་སྲིད་དམ
སང་ཉིན་གྱི་ཉི་འོད་མ་ཡིན་པའི་ཕྱིར་རྟོག་དང་རྡུལ་མཚོན
དེ་རིང་གི་བཟའ་བཏུང་མ་ཡིན་པའི་ཕྱིར་རྟོག་དང་རྡུལ་ཚོན
ཁ་སང་གི་གྲིབ་མ་ཙམ་དུ་གྱུར་བའི་ཕྱིར་རྟོག་དང་རྡུལ་ཚོན
ད་ལྟ་སྐྱ་ཤུར་ཤུར་གྱིས་དུས་ཚོད་ནང་དུ་འཛད་ཀྱིན་འདུག
2020/7/11ཉིན་ཚིག་ཇ་ཁང་ཞིག་ནས་བྲིས།
རྩོམ་བརྡ།
ངེད་ཀྱི་འཕྲིན་སྟེགས་སུ་རྩོམ་ཡིག་ལེགས་པོ་རེ་བསྐུར་བར་ཞུ། དེ་ལ་ངེས་པར་འཕྲིན་སྟེགས་གཞན་ལ་མ་སྤེལ་བ་ཡིན་དགོས།
སྙན་ངག་སྐུར་མཁན་དག་གིས་ཆེད་དུ་སྙན་ངག་དང་མཉམ་དུ་རང་ཉིད་ཀྱི་པར་ཞིག་སྐུར་ཤོག ངོ་སྤྲོད་ཡོད་མེད་གང་ཡིན་ན་འགྲིག རྩོམ་ཡིག་བསྐུར་ཡུལ། ཡིག་སྒམ།👇🏻
2863646903@qq.com
མུ་མཐུད་ནས་སྙན་ངག་ལ་གཟིགས།
1 《དུས་ཚོད་སྟོང་ཚུལ་ཞིག》བཙུན་ཆུང་ཀརྨ་ཕུན་ཚོགས་རྗེས་དྲན། འཕགས་ཆེན།
2 ཉི་མ་དེ་དུས། འཕགས་ཆེན་གྱི་སྙན་ངག་གསར་པ།
3 ན་གཞོན་ཚོ། རྨི་ལམ་ཞིག་འགུལ་བཞིན་འདུག འཕགས་ཆེན་གྱི་སྙན་ངག་གསར་པ།
4 ང་རང་དབྱར་རྩྭ་དགུན་འབུས་ངོ་མཚར་དུ་བཅུག་སོང་། འཕགས་ཆེན་གྱི་སྙན་ངག
5 ལམ་གྱི་འཆར་ཡན། འཕགས་ཆེན་གྱི་སྙན་ངག་གསར་པ།
6 སློབ་གྲོཊ་ཚོ། མུ་མཐུད་ནས་ལམ་དུ་ཆས་ཤིག འཕགས་ཆེན་གྱི་སྙན་ངག་གསར་པ།
7 དེ་རིང་གི་སྤྲོ་གསེང་། འཕགས་ཆེན་གྱི་སྙན་ངག་གསར་པ།
一起为高考加油