རྗེ་མི་ལ་རས་པའི་མགུར་ལས་སྙིང་པོ་དམ་ཆོས་བྱེད་པར་དམ་བཅའ་བའི་གླུ།
རྗེ་བཙུན་མི་ལ་རས་པའི་མགུར་ལས་སྙིང་པོ་དམ་ཆོས་བྱེད་པར་དམ་བཅའ་བའི་ཕྱ་མ་ཕྱོ་ཡི་གླུ།
རྗེ་མི་བསྐྱོད་ཀྱི་ངོ་བོ་ཐུགས་རྗེ་ཅན།།
སྒྲ་སྒྱུར་མར་པའི་བཀའ་ལུང་བཞིན།།
ཕ་ཡུལ་བདུད་ཀྱི་བཙོན་ར་རུ།།
མི་རྟག་སྒྱུ་མའི་སློབ་དཔོན་བྱུང་།།
སློབ་དཔོན་བཟང་པོ་འདི་ཉིད་ལ།།
ངེས་ཤེས་འདྲོངས་པར་བྱིན་གྱིས་རློབས།།
སྤྱིར་སྣང་ཞིང་སྲིད་པའི་ཆོས་རྣམས་ཀུན།།
མི་རྟག་མི་བརྟན་འགྱུར་ཞིང་འགྲོ།
སྒོས་འཁོར་བའི་ཆོས་ལ་སྙིང་པོ་མེད།།
སྙིང་པོ་མེད་པའི་བྱ་བྱེད་པས།།
སྙིང་པོ་ལྷ་ཆོས་བྱེད་དུ་འགྲོ།།
དང་པོ་ཕ་ཡོད་ཙ་ན་བུ་ང་མེད།།
བུ་ཡོད་ཙ་ན་ཕ་ཡང་མེད།།
གཉིས་ཀ་འཛོམ་རུང་སྙིང་པོ་མེད།།
བུ་ང་སྙིང་པོའི་ལྷ་ཆོས་བྱེད།།
བྲག་དཀར་རྟ་སོར་སྒོམ་དུ་འགྲོ།།
མ་ཡོད་ཙ་ན་བུ་ང་མེད།།
བུ་ངས་སླེབ་ཚེ་མ་རྒན་གུམ།།
གཉིས་ཀ་འཛོམ་རུང་སྙིང་པོ་མེད།།
བུ་ང་སྙིང་པོའི་ལྷ་ཆོས་བྱེད།།
བྲག་དཀར་རྟ་སོར་སྒོམ་དུ་འགྲོ།
སྲིང་མོ་ཡོད་ཚེ་མིང་པོ་མེད།།
མིང་པོ་སླེབས་ཚེ་སྲིང་མོ་འཁྱར།།
གཉིས་ཀ་འཛོམས་རུང་སྙིང་པོ་མེད།།
བུ་ང་སྙིང་པོའི་ལྷ་ཆོས་བྱེད།།
བྲག་དཀར་རྟ་སོར་སྒོམ་དུ་འགྲོ།
དམ་ཆོས་ཡོད་ཚེ་ཞབས་ཏོག་མེད།།
ཞབས་ཏོག་སླེབས་ཚེ་ཐིགས་པས་གདུངས།།
གཉིས་ཀ་འཛོམས་རུང་སྙིང་པོ་མེད།།
བུ་ང་སྙིང་པོའི་ལྷ་ཆོས་བྱེད།།
བྲག་དཀར་རྟ་སོར་སྒོམ་དུ་འགྲོ།
ཁང་པ་ཡོད་ཚེ་བདག་པོ་མེད།།
བདག་པོ་སླེབས་ཚེ་ཁང་པ་རལ།།
གཉིས་ཀ་འཛོམས་རུང་སྙིང་པོ་མེད།།
བུ་ང་སྙིང་པོའི་ལྷ་ཆོས་བྱེད།།
བྲག་དཀར་རྟ་སོར་སྒོམ་དུ་འགྲོ།
བཤོས་ཞིང་ཡོད་ཚེ་བདག་པོ་མེད།།
བདག་པོ་སླེབ་ཚེ་འཇག་སྐྱས་འཕྱུར།།
གཉིས་ཀ་འཛོམ་རུང་སྙིང་པོ་མེད།།
བདག་པོ་སྙིང་པོའི་ལྷ་ཆོས་བྱེད།།
བྲག་དཀར་རྟ་སོར་སྒོམ་དུ་འགྲོ།
ཕ་ཡུལ་ཕ་ཁང་ཕ་ཞིང་སོགས།།
འཁོར་བ་སྙིང་པོ་མེད་པའི་ཆོས།།
སྙིང་མེད་སེམས་ཅན་སུ་དགའ་ཁྱེར།།
རྣལ་འབྱོར་ཐར་པ་སྒྲུབ་ཏུ་འགྲོ།།
ཕ་དྲིན་ཅན་མར་པ་ལོ་ཙཱ་བ།།
སྤྲང་རི་ཁྲོད་ཟིན་པར་བྱིན་གྱིས་རློབས།།
མུ་མཐུད་ནས་ནང་དོན་གསར་ཤོས་ལ་གཟིགས།
1 འགྱུར་བརྒྱ་རྩ་བརྒྱད་ཀྱི་དེབ་གསར༼འབྲུག་སྒྲ༽འགྲེམས་སྤེལ་ཁྱབ་བསྒྲཊ།
2 “འབྲུག་སྒྲ་”ཞེས་པའི་བོད་འགྱུར་པར་སྐྲུན་ལས་བརྩམས་པའི་བསྒྲགས་གཏམ།
3 ༧ཆོས་རྒྱམ་དྲུང་པའི་རྣམ་ཐར། བརྙན།邱阳创巴仁波切的时代与生命
4 ཕྱིར་རྟོག་དང་རྡུལ་ཚོན། འཕགས་ཆེན་གྱི་སྙན་ངག་གསར་པ།
5 《དུས་ཚོད་སྟོང་ཚུལ་ཞིག》བཙུན་ཆུང་ཀརྨ་ཕུན་ཚོགས་རྗེས་དྲན། འཕགས་ཆེན།
6 སློབ་གྲོཊ་ཚོ། མུ་མཐུད་ནས་ལམ་དུ་ཆས་ཤིག འཕགས་ཆེན་གྱི་སྙན་ངག་གསར་པ།
7 དེ་རིང་གི་སྤྲོ་གསེང་། འཕགས་ཆེན་གྱི་སྙན་ངག་གསར་པ།
གཤམ་གྱི་རི་མོ་དང་མེ་ཏོག་སྟེང་ལན་རེ་ནོན་མཛོད།