བཅོ་ལྔའི་ཟླ་བ། ལྷ་སའི་མཚན་ལྫོངས་ཀྱི་པར་གསར། 拉萨的月亮

杷青杷青 Pagchen 2022-07-26

ཁ་སང་ནི་བོད་ལྕགས་གླང་ལོའི་ཟླ་༡ཚེས༡༥རེད། ཆོ་འཕྲུལ་དུས་ཆེན་ཉིན་འདིར། ལྷ་སའི་བར་སྐོར་དང་། གླིང་སྐོར་སོགས་ལ་མི་མང་གི་འཚང་ཁ་ཧ་ཅང་ཆེན་པོ་རེད།

མདང་དགོང་ལྷ་སའི་བཅོ་ལྔའི་ཟླ་བ་ཧ་ཅང་གསལ་ཞིང་། མཚན་མོའི་དུས་ཚོད་དགུ་ཡས་མས་ནས་ལྷ་སའི་གཙུག་ལག་ཁང་གི་ཐོག་ནས་མངོན་པར་བཞད་སོང་། དགོང་མོའི་དུས་ཚོད་བརྒྱད་བརྒལ་རྗེས་བར་སྐོར་དུ་འགྲོ་མི་ཆོག་ནའང་མེ་ཏོག་ལྡུམ་རའི་འགྲམ་ནས་མི་མང་པོ་ཞིག་གིས་ཉ་གང་ཟླ་བ་ལ་རེ་སྒུག་བྱས་འདུག

ཕྱོགས་སོ་སོ་ནས་ཕེབས་པའི་གནས་མཇལ་བ་མང་པོ་ཞིག་གིས་གཙུག་ལག་ཁང་གི་ཡང་རྩེ་ནས་ཤར་བའི་ཟླ་བ་པར་བླངས་ཏེ་སྐུར་གྱིན་འདུག ངའང་མི་ཚོགས་ཀྱི་ཁྲོད་དུ་འཚངས་ཏེ་པར་དང་བརྙན་བླངས་པ་ཡིན། འདིར་པར་ཡག་ཤོས་འགའ་སྤེལ་ཡོད། པར་འདི་དག་ནི་ཁ་པར་གྱིས་བླངས་པས་རྒྱུ་ཆ་དེ་འདྲ་མི་ལེགས་ཀྱང་། པར་ལེན་སའི་གནས་ཁྱད་པར་བ་ཡིན་སྟབས་དགའ་མོས་བྱེད་མཁན་འགའ་རེ་ཡོད་ན་སྲིད་སྙམ་ཏེ་འཕྲིན་སྟེགས་འདིར་སྤེལ་ཡོད། ཐུགས་ཡིད་དང་མཐུན་པར་སྨོན། བཀྲ་ཤིས་བདེ་ལེགས།

-འཕགས་ཆེན་གྱིས།

杷青