སྙན་ངག་པའི་རྒྱལ་ཁམས། | འཇུ་སྐལ་བཟང་།

སྙན་ངག་པའི་རྒྱལ་ཁམས།

སྙན་ངག་པའི་རྒྱལ་ཁམས་ནི།

ཚོན་མདངས་སྣ་ཚོགས་འདྲེས་པ་ཁྲ་ཤིག་གེ་བ་ཞིག་མིན་ལ།

དེ་ན་རྟོག་བཏགས་ཀྱི་སྦྲང་ཆར་དང་མཛེས་མའང་མེད།

སྙན་ངག་པའི་རྒྱལ་ཁམས་ན།

ལུང་ཚིག་དང་རྣམ་གཞག་དེ་ཚོ་ཡོད་མ་མྱོང་།

སྙན་ངག་པའི་བསམ་གཞིག་དེ།

ཚགས་མ་རུ་ཆུ་བླུགས་པ་བཞིན།

ཐོལ་གྱིས་ཐོན་ཞིང་ཤར་གྱིས་འགྲོ་བས།

ཞག་མལ་ཡེ་མི་གཏོང་།

ཚོར་བ་སྣ་ཚོགས་ཀྱང་གཙང་ཆེན་རགས་ལས་ཤོར་བ་བཞིན།

གང་ཤར་ལ་འདོར་ལེན་ཐེངས་གཅིག་གིས།

ཐམས་ཅད་ལམ་གཞུང་གཅིག་ཏུ་སྡུད་ཅིང་འགྲོ།

སྙན་ངག་པའི་རྒྱལ་ཁམས་ནི།

སྟོང་བ་འབའ་ཞིག་ལགས་ཏེ།

སྟོང་བ་ཁོ་ནར།

གནམ་ས་ཤོང་ཐུབ།

འཇུ་སྐལ་བཟང་།

(མགོ་ལོག)

ཡོངས་ཁུངས། འཕགས་ཆེན་འཕྲིན་སྟེགས།

རྩོམ་སྒྲིག་པ།：འཕགས་ཆེན།

公众号！©Pagchen杷青

འཕྲིན་སྟེགས་ལ་དོ་ཁུར་བྱོས།

བརྩམས་ཆོས་གསར་པ།