༧ཀརྨ་པའི་ཤིས་ཚིག༽ འབའ་རོམ་གསེར་ཕྲེང་ཞལ་ཐང་ཆེན་མོ་བཞེངས་པ།

དུས་གསུམ་རྒྱལ་བ་རྒྱ་མཚོ་གཤེགས་པའི་ཤུལ། །

བཀའ་ལུང་མན་ངག་བྱེ་བའི་སྙིང་པོའི་དོན། །

རྩེ་གཅིག་སྒྲུབ་པས་ཟུང་འཇུག་ས་བརྙེས་པ། །

བཀའ་བརྒྱུད་གྲུབ་ཐོབ་རྒྱ་མཚོའི་ཞབས་ལ་འདུད། །

བཀའ་བབས་གདམས་ངག་ཟབ་མོའི་རྒྱུན་འཛིན་ཅིང་།།

ཉམས་རྟོགས་ནོར་བུའི་མཛོད་ལ་དབང་འབྱོར་བས། །

འགྲོ་ལ་འཆི་མེད་སྟེར་བའི་མགོན་གཅིག་པུ། །

འབའ་རོམ་བཀའ་བརྒྱུད་གསེར་རིའི་ཕྲེང་བ་རྣམས། །

འཛམ་གླིང་རྒྱན་གཅིག་ཀརྨའི་སྒར་རིས་སྲོལ། །

ཚོན་དང་རི་མོའི་སྒྱུ་རྩལ་མི་དམན་པས། །

དངོས་སུམ་སྣང་བ་ལྟ་བུར་འཁྲུལ་ནུས་པ། །

ངོ་མཚར་རི་མོའི་འདུ་བྱེད་འདི་ན་བཀྲ། །

ལེགས་བྱས་འདི་ཡིས་རྩ་བརྒྱུད་བླ་མ་རྣམས། །

ཐུགས་ཀྱི་དཀྱིལ་འཁོར་དགྱེས་པའི་དཔལ་གྱུར་ཏེ། །

འཛད་མེད་བྱིན་རླབས་བདུད་རྩིའི་དགའ་སྟོན་གྱིས། །

ཕན་བདེ་ལོ་ཏོག་ཅི་ཡང་རྒྱས་གྱུར་ཅིག །

བཀའ་བརྒྱུད་གྲུབ་ཐོབ་རྒྱ་མཚོའི་བྱིན་རླབས་དང་། ། 

ཡི་དམ་རྒྱལ་བ་རྒྱ་མཚོའི་ཐུགས་བསྐྱེད་དང་། །

དམ་ཅན་ཆོས་སྐྱོང་རྒྱ་མཚོའི་མཐུ་རྩལ་གྱིས། །

འབའ་རོམ་བསྟན་པའི་རྒྱ་མཚོ་རྒྱས་གྱུར་ཅིག །

དུས་ཆེན་སུམ་འཛོམས།

ས་ག་ཟླ་བ།

萨噶达瓦

 དེ་རིང་བོད་ཟླ་༤ པ། ཚེས་༣ 

今天是藏历4月初3

2021年5月14日

དགེ་སྒྲུབ་སྡིག་སྤོང་།

རྩོམ་སྒྲིག་པ།：འཕགས་ཆེན།
公众号！©杷青Pagchen

སྔར་གྱི་བརྩམས་ཆོས་འོས་སྦྱོར།

1 མི་ལ་ཐོས་པ་དགའ། | འཕགས་ཆེན།

2 ང་ཡི་བླ་མ་རྡོ་རྗེ་འཆང་དངོས་ཡིན། | འཕགས་ཆེན།

3 ཉིན་དེར། | འཕགས་ཆེན།

4 བར་སྐོར་གྱི་གྲིབ་གཟུགས། | འཕགས་ཆེན་གྱི་ལྷུག་རྩོམ་གསར་པ།

5 ལམ་གྱི་འཆར་ཡན། འཕགས་ཆེན་གྱི་སྙན་ངག་གསར་པ།

6 སྒྲ་བསྒྱུར་མར་པ་ལོ་ཙཱའི་མགུར་ཆེན་བརྒྱད་ཀྱི་ཐོག་མ། རྟོགས་མགུར།

7 ༄༅། །སྨྲ་བའི་ལྷ་མོ་དབྱངས་ཅན་མར་བསྟོད་པ་ངག་གི་ཟློས་གར།｜བོད་མཁས་པ།

8 ༄༅། །བར་དོ་འཕྲང་སྒྲོལ་གྱི་སྨོན་ལམ་དང་བར་དོ་རྩ་ཚིག་བཞུགས་སོ། །

འཕྲིན་སྟེགས་ལ་དོ་ཁུར་བྱོས