དུས་ཚོད་ཀྱི་མཚོན་ཆ། | འཕགས་ཆེན།

དུས་ཚོད་ཀྱི་མཚོན་ཆ།

འཕགས་ཆེན།（ཡུལ་ཤུལ།）

རི་དེ་ཉི་མ་མེད་པའི་ཀ་བ་ཞིག

གདོང་འདི་ཞྭ་མོ་མེད་པའི་རྡོ་སྐས་ཤིག

འཁོས་ཞན་གྱི་ལྡུམ་ར་རུ་ལྷུང་བའི་མིག་ཟུང་དེས

དུས་ཚོད་ཀྱི་དཀྱིལ་འཁོར་བརྒལ་ཐབས་བྲལ

སྙིང་མེ་རུ་འབར་བའི་ས་མཐའ་འདིར

ལུས་ཤིང་སྡོང་རྒུད་པའི་ཐན་པ་བཏང

གློག་མི་རྟག་འཁྱུག་པའི་སྣང་ཆ་དེས

ཚེ་རྨི་ལམ་གསལ་སྒྲིབ་བྱེད་དམ་ཅི

ལམ་ཆུ་ལྟར་འཁྱོག་པའི་རི་འདབས་ནས

རླུང་གྱེན་དུ་རྒྱུ་བའི་ལམ་སྣ་དྲོངས

ང་འགྲོ་བ་སྐར་མདའ་ཡལ་ཡལ་རེད

ང་འདུག་པ་གད་པ་ཆད་ཆད་རེད

ས་འདི་འདུ་འཛི་མེད་པའི་སྐར་ཁུང་ཞིག

སེམས་འདི་བསྟན་ཐོགས་མེད་པའི་མཚོན་ཆ་ཞིག

གྲིབ་མ་དང་ཉི་མའི་བར་དུ་བདག་མེད་ཀྱི་གླིང་ཀ་བཟོས

གཞི་ནས་སྣང་ཞིང་སྟོང་ལ་སྟོང་ཞིང་སྣང་།

2021/5/29ཉིན་བྲིས།

ཡོངས་ཁུངས། འཕགས་ཆེན་འཕྲིན་སྟེགས།

རྩོམ་སྒྲིག་པ།：འཕགས་ཆེན།

公众号！©Pagchen杷青

འཕྲིན་སྟེགས་ལ་དོ་ཁུར་བྱོས།

སྔར་གྱི་བརྩམས་ཆོས་འོས་སྦྱོར།

1 མི་ལ་ཐོས་པ་དགའ། | འཕགས་ཆེན།

2 ང་ཡི་བླ་མ་རྡོ་རྗེ་འཆང་དངོས་ཡིན། | འཕགས་ཆེན།

3 ཉིན་དེར། | འཕགས་ཆེན།

4 བར་སྐོར་གྱི་གྲིབ་གཟུགས། | འཕགས་ཆེན་གྱི་ལྷུག་རྩོམ་གསར་པ།

5 ལམ་གྱི་འཆར་ཡན། འཕགས་ཆེན་གྱི་སྙན་ངག་གསར་པ།

6 ཟུར་མང་གར་དབང་རིན་པོ་ཆེ་ལ་རབ་འབྱམས་པའི་ཕྱག་ཁྱེར་ཕུལ་བ།

7འཆི་བའི་སྐབས་སུ་སེམས་ཅན་ཀུན་ལ་མཁོ་བའི་ཆོས།文武百尊视频 藏汉双语！

8༄༅། །མི་རྟག་པའི་ཞལ་གདམས་སྙིང་གི་ཐུར་མ། | དཔལ་ཕག་མོ་གྲུ་པ།

ཟུར་མང་གར་དབང་རིན་པོ་ཆེ་ལ་རབ་འབྱམས་པའི་ཕྱག་ཁྱེར་ཕུལ་བ།