当代最伟大的女性上师康卓·慈玲·秋珑,是我上师蒋扬钦哲的夫人,在她身上可以非常清楚地看到,多年的恭敬心和修持在人类精神中创造出的高贵气质。虽然她总是退居幕后,从不把自己推上舞台,过着古代瑜伽士艰苦的隐居生活,但她的谦逊、善良、朴素、庄重、智慧和温柔,是全西藏人所敬仰的。
——索甲仁波切《西藏生死书》
༄༅།།གདམས་པ་རིན་ཆེན་ཕྲེང་མཛེས་ཞེས་བྱ་བ།
美丽璎珞:心之建言——蒋扬钦哲确吉罗卓致康卓·慈玲·秋珑
རྗེ་བླ་མ་རྣམས་ལ་ཕྱག་འཚལ་ལོ།།ཚེ་མི་རྟག་སྟོན་ཀའི་སྤྲིན་དང་འདྲ།།དུས་ད་ལྟ་ཡོད་པ་ད་ལྟ་མེད།།ལུས་འདི་ནི་ཆུ་ཡི་ཆུ་བུར་བཞིན།།དབུགས་རྒྱུ་བ་རླུང་གསེབ་མར་མེ་མཚུངས།།གྲོགས་བཟང་པོ་ལྷ་བུ་འདྲ་བ་ཡང་།།ཤུལ་དུ་བསྐྱུར་ནས་འགྲོགས་དབང་མེད།།རྒྱུ་ནོར་རྫས་རི་ལྟར་སྤུངས་ཡོད་ཀྱང་།།ཁབ་ཙམ་ཞིག་ཁྱེར་བའི་དབང་ནི་མེད།།ཁོ་འཆི་བདག་གཤིན་རྗེ་ཞེས་བྱ་བས།།དབང་མ་སྟེར་ཕྱི་མའི་ཡུལ་དུ་ཁྲིད།།ལུས་མཛེས་པའི་ལང་ཚོ་བཀྲག་ལ་གསལ།།མཚར་སྡུག་གི་མེ་ཏོག་འདྲ་ན་ཡང་།།དུས་ནམ་ཞིག་མི་རྟག་སད་ཀྱིས་ཁྱེར།།དགྲ་འཆི་བདག་གཤིན་རྗེ་མཆེ་བ་གཙིགས།།ལས་ངན་པའི་ཞགས་པས་དབང་མེད་བསྡམ།།རྒྱོབ་སོད་ཀྱི་གནམ་ས་གང་བའི་དུས།།སྐྱབས་བླ་མ་དཀོན་མཆོག་གསུམ་ལས་མེད།།དུས་ད་ལྟ་རང་དབང་ཡོད་པའི་དུས།།བློ་དམ་པའི་ཆོས་ལ་ཕྱོགས་པས་ན།།ལས་བྱས་པ་དོན་དང་ལྡན་པར་འགྱུར།།རང་སེམས་འདི་རྟ་རྒོད་དང་འདྲ་བས།།ངེས་འབྱུང་ལྕག་གིས་བྲབ་པ་དང་།།ཚེ་འདིར་སྣང་འཁྲུལ་པའི་ཞེན་པ་ཐོངས།།འགྲོ་བ་ཀུན་ཕ་མར་ཤེས་བྱས་ནས།།བྱམས་སྙིང་རྗེ་བྱང་ཆུབ་སེམས་གཉིས་བསྒོམ།།ཐེག་ཆེན་གྱི་བློ་སྦྱོང་འབྱོང་བར་མཛོད།།དྲིན་ཆེ་ལྡན་རྩ་བའི་བླ་མ་དེ།།དུས་ནམ་ཡང་མ་བརྗེད་སྙིང་དབུས་བསྒོམ།།གསོལ་བཏབ་དང་དབང་བླང་ཐུགས་ཡིད་བསྲེ།།向他祈请,接受灌顶,并使你的心和他的智慧心融为一。སེམས་གདོད་ནས་སྐྱེ་མེད་ཆོས་སྐུའི་གཤིས།།གདངས་རང་བཞིན་འོད་གསལ་འགགས་པ་མེད།།རྩལ་སྣ་ཚོགས་ཤར་བ་སྤྲུལ་པའི་སྐུ།།དེ་སྐུ་གསུམ་དབྱེར་མེད་ལྷུན་གྱིས་གྲུབ།།རང་རིག་པའི་གནས་ལུགས་དེ་ཡི་ངང་།།བློས་བཅོས་སླད་མ་བྱེད་ཕྱམ་བརྡལ་ཐོང་།།不要让平庸的念头造作搅坏它,而要放下万缘,以至开阔。རྣམ་རྟོག་གི་རྗེས་སུ་མ་འབྲང་ཞོག།གང་སྣང་ཀུན་རང་གྲོལ་འགྲོ་བར་གྱིས།།ཐུན་མཚམས་སུ་ཁ་འདོན་བཟླས་བརྗོད་དང་།།བཟང་སྤྱོད་སོགས་སྨོན་ལམ་ཡང་ཡང་གདབ།།ཚུལ་དེ་སྐད་གདམས་པའི་ཕྲེང་བ་འདི།།ཚེ་རིང་གི་དམ་ཆོས་སྒྲོན་མ་ལ།།བསམ་པ་བཟང་པོས་གདམས་པ་དགེ།དགེ་བས་བྱང་ཆུབ་མྱུར་ཐོབ་ཤོག།ཅེས་པའང་ཆོས་ཀྱི་བློ་གྲོས་པས་སོ།།