ئاش تۇزى باھاسى 2017-يىلدىن باشلاپ ئومۇميۈزلۈك تۆۋەنلەيدۇ

تەرەققىيات ۋە ئىسلاھات كومىتېتى: ئاش تۇزى باھاسى 2017-يىلدىن باشلاپ ئومۇميۈزلۈك تۆۋەنلەيدۇ

تەمىناتنىڭ مۇقىملىقىغا كاپالەتلىك قىلىدۇ

مەنبە: خەلق تورى

خەلق تورى ئۇيغۇرچە قانىلىنىڭ 10-ئۆكتەبىر بېيجىڭدىن بەرگەن تېلېگراممىسى: تۇزچىلىق تۈزۈلمە ئىسلاھاتى لايىھەسىنىڭ بىر تۇتاش ئورۇنلاشتۇرۇشى بويىچە، دۆلەت تەرەققىيات ۋە ئىسلاھات كومىتېتى 2017-يىلى 1-ئاينىڭ 1-كۈنىدىن باشلاپ، ئاش تۇزىنىڭ زاۋۇتتىن چىقىش، توپ سېتىش ۋە پارچە سېتىش باھاسىنى ئومۇميۈزلۈك تۆۋەنلىتىشنى قارار قىلدى. دۆلەت تەرەققىيات ۋە ئىسلاھات كومىتېتى 9-ئۆكتەبىر جەمئىيەت كۆڭۈل بۆلىدىغان ئاش تۇزى باھاسىنىڭ تۆۋەنلىشىگە ئائىت مەسىلىلەرگە جاۋاب بەردى، ئالاقىدار مەسئۇل كىشى كۆپ خىل تەدبىر قوللىنىپ ئاش تۇزى بازىرى ۋە باھاسىنىڭ ئاسىي جەھەتتىن مۇقىم بولۇشىنى قوغدايدىغانلىقىنى بىلدۈردى

　　قىسمەن كىشىلەرنىڭ ئاش تۇزى باھاسىنى قويۇۋەتكەندىن كېيىن ئۆرلىشى مۇمكىن دېگەن ئەندىشىسىگە قارىتا، تەرەققىيات ۋە ئىسلاھات كومىتېتىنىڭ ئالاقىدار مەسئۇلى مۇنداق دېدى: تۇزچىلىق تۈزۈلمە ئىسلاھاتى لايىھەسى يولغا قويۇلغاندىن كېيىن، ئومۇمىي جەھەتتىن قارىغاندا، تۇز بازىرىنىڭ تەمىناتى تولۇق كاپالەتلىنىپ، ئادەتتىكى ئاش تۇزىنىڭ باھاسىدا پەۋقۇلئاددە ئۆزگىرىش بولمايدۇ. ئېلىمىزنىڭ تۇز بايلىقى ئىنتايىن مول بولۇپ، كۆپ يىلدىن بۇيان تۇزچىلىق كەسپىدە تۇزنىڭ ئىشلەپچىقىرىشى سېتىلىشىدىن كۆپ بولدى. 2015-يىلى ئېلىمىز 113 مىليون 450 مىڭ توننا يىرىك تۇز ئىشلەپچىقىرىپ، ئىستېمال مىقدارى 88 مىليون 760 مىڭ توننا بولدى، بۇنىڭ ئىچىدە ئاش تۇزىنىڭ ئىستېمال مىقدارى 10 مىليون توننا ئەتراپىدا بولدى. شۇنىڭ بىلەن بىرگە، ئېلىمىز ئاش تۇزى بازىرىنىڭ تەمىنات سۇبيېكتى بىر قەدەر كۆپ، تىزىملاپ رويخەتكە ئالدۇرغان تۇزچىلىق ئىشلەپچىقىرىش كارخانىسىدىن 300 ئەتراپىدا، تۇزچىلىق ئوبوروت كارخانىسىدىن 4000دىن ئارتۇقى بار

精彩回顾

来源：人民日报维吾尔版

投稿邮箱：[e-mail]

投稿热线：0998-3628355