《超时空男臣》盖世宝离开儿童组变孤儿 合约剩半年：有心理准备

 

《超时空男臣》首周平均收视24.5点，第一集试过最高27点，成绩不错，对于很多观众来说，剧中最熟悉、最亲切的不是萧正楠、田蕊妮，而是剧中饰演姑姐的盖世宝，由《闪电传真机》《至net小人类》到《放学ICU》，盖世宝当儿童节目主持18年，儿歌《小司机Noddy》、《魔法小美穗》陪伴过不少小朋友成长，她是继谭玉瑛姐姐后，主持时间最长的主持人，但2014年儿童组改革，盖世宝由儿童组转去剧集组，重新来过，以前每天稳定有工开，「爆骚」是基本，但现在连开工都随时不足。

盖世宝原来是真名，她自己都觉得名字有霸气，但她担心有人知道名字，却没有人认识她的样子。

盖世宝今天出席《超时空男臣》活动，更担任司仪，虽然少做了主持，但今天在活动上挥洒自如，她接受记者访问时说：

我一直有心理准备，唔会一世做儿童节目，但最震憾系全部人都解散，嗰下感觉大啲，系㗎，人哋对我做儿童节目主持印象太深，当时根本就唔敢用我，好多人都唔知我由儿童组出咗嚟，但好彩出嚟嘅时候，监制潘嘉德俾机会我，我同佢讲：「我出咗嚟，有冇嘢可以俾我参与下呀？」跟住佢安排我拍《拆局专家》，我好感激佢，之后有监制叶镇辉、黄伟声都有用我，我叫做吊到命啰。

盖世宝剧中饰演姑姐，为人踏实，低调，和她本人性格差不多。

儿童节目中的盖世宝，口齿伶俐、唱儿歌和小朋友玩、完全没难度，你会觉得她是主动的人，但她其实相当被动，即使她需要主动才可以在剧集组生存，盖世宝都选择被动，她说：

可能性格决定命运，大家见我做司仪好active，其实我好被动，唔识social，尤其敲监制房门入去倾几句，我唔系介意，我自己都觉得唔舒服，「Hi监制，我系盖世宝。」下一句我都唔知讲乜喇，「得閒多多关照？」定系讲「可唔可以用下我？」人哋都唔舒服啦。我好支持人哋咁做，我知或者有回报，敲门未必有机会，但唔敲就一定冇，我好明呢啲道理，但我真系唔识做，呢个系我个人问题。其实我都敲过㗎，有次周志康陪我，嗰次大家咁啱喺７楼（制作大楼）攞剧本，佢叫我敲下门啦，佢话呢啲真系要做㗎，嗰次我介绍下自己，但个监制冇咩反应，哈哈……其实我乜角色都唔介意，今次《超》剧角色好好，起码有个名字，有时角色系同事A、B、我都唔介意，只不过系一个工作，最紧要有人搵我，我有工开。

 安德尊、盖世宝、杜大卫、三位都曾经是儿童节目主持。

适者生存，尤其在大机构工作，盖世宝不求上位，只求有工开，但原来这个愿望要实现都不容易，她说：

或者我豁出去多啲敲门，可能会多啲收入呢，但我冇行呢步，咁我咪要承受呢个结果，因为我明白，所以平衡到自己心态，人人都有唔开心㗎啦，每个人都有烦恼，唯有自己去谂办法啰，自己唔好谂到咁差，好多人喺无线都有机会赚人仔，可能就系喺电视见过你，或者讲唔出你嗰名，但就系认得你，因为有电视剧，但我喺电视剧就系唔稳定，所以冇人搵过我返去赚人仔，讲真，大人真系可以唔睇儿童节目㗎，你做咗几多年都可以冇人识，拍剧始终入屋，你就算睇过套剧，再喺街见到我，一时之间你都未必认得我啦。

盖世宝今年38岁，但依然保持得不错，心境保持开朗好重要。

盖世宝人生最青春的时间奉献了给儿童节目，现在在剧集组重新来过，她被动性格也担心自己前途，她说：

剩返半年约，其实有定心理准备，我唔知公司簽唔簽我，但系….我睇唔到前景呀，我有心理准备公司唔再簽我，可能佢哋见到我呢几年都系咁。我唔会心淡，好多人都系咁㗎啦，由儿童主持到而家重新嚟过，我冇难过，因为预咗，形式系唔同儿童组，间唔中有一两句对白，睇自己心情点tune啦，但我要嘅系骚，我要工作先至有骚还，我唔可以拣工作，我冇乜人用，唔通仲去拣咩？我而家簽紧一年五十几个骚，但我而家得几个咋。

盖世宝一入儿童组就和谭玉瑛姐姐合作，共事18年，盖世宝更以亲人来形容谭玉瑛。

在儿童节目的18年，她和谭玉瑛是不少人的集体回忆，但不知何时，开始传出二人不和，在Google打上二人名字，第一个弹出的搜寻结果是「究竟盖世宝同谭玉瑛有咩恩怨?」内容是指盖世宝在最后一集《放学ICU》录影，好像说话顶撞了谭玉瑛，传闻「似层层」，不过一直没人求证。到2015年《放学ICU》结束，二人也离开工作了18年的岗位，盖世宝接受记者的访问，问到她和谭玉瑛姐姐其实有没有不和，她表示绝对没有，也觉得传闻好好笑，她更以朋友、亲人、前辈来形容谭玉瑛。

《放学ICU》最后一天录影，盖世宝表示当天是2014年12月22日，冬至，下班后大家一起唱K。（图片：盖世宝提供）

她说：

同佢共事十几年，片段同回忆也是太多了⋯⋯工作、心事、感情也会分享。佢因为大过我哋，所以好多时都会用人生或生活经验教导我哋，当然佢亦好玩得，佢其实讲野系几好笑㗎。

谭玉瑛姐姐原来搞笑？真的完全想像不到，而对两位来说离別当然最深刻的，她说：

最深刻嘅，当然系收到佢要先离开儿童节目的一日，当日我等了一个我同佢都break嘅时间，我叫佢同我倾下计，我叫佢唔好理我咩情绪，我系好易喊，佢当然惯咗我系咁啦，我问佢到底咩一回事，佢一路讲我一路喊，继续问继续倾...

谭玉瑛、沈卓盈、盖世宝、王少萍、陈佩思，五位做完儿童节目后，成为好朋友，经常相约一起吃饭。（图片：盖世宝提供）

提起谭玉瑛这件事，盖世宝特別感触，她说：

记得出事之前那几个星期，佢讲过话留番长少少d头发，但佢突然又剪短、又少左闹我哋，所谓闹我哋，我哋系唔会惊嗰只、而家谂返佢系有啲唔同.....而我，同佢共事咁耐、识左咁耐，系好应该要发现到，我觉得系我对佢疏忽咗...令她独自面对...呢个突如其来的心情.....

盖世宝离开儿童组变孤儿　合约剩半年：有心理准备

用WhatsApp访问盖世宝，叫她说一下跟谭玉瑛的关系，结果不算emoji她总共写了656字，可见谭玉瑛在盖世宝心目中的地位，盖世宝很记得和她的一点一滴，她说：

有一曰要返公司倾之后去向，我当曰决定陪着佢，所以在公司等佢，接佢离开，之后我哋去左茶餐厅饮杯野、车佢去大学攞野、再带她去了穿耳环，因为佢之前终于觉得想穿番个耳窿，而我哋劝咗佢好多年，佢当时话迟d先，我叫佢攞团火出想做就做啦⋯⋯终于，佢穿咗耳窿。

盖世宝和一众节目主持关系要好，而萧徽勇在最后一集《放学ICU》为大家带来惊喜。

谭玉瑛在2014年4月18日离开《放学ICU》，之后去了《东张西望》，剩下来的盖世宝变了「大家姐」，不过节目也在半年后完结，变了现在的《Think Big天地》，她说：

佢走咗之后大约半年，我哋未解散，我哋觉得冇咗佢嘅带领，我哋仲要做得更好！但大家其实系唔开心.....之后幕后炒剩一个，心情就更难捱，终于，去到《放学ICU》嘅last day ....我哋食晏开咗个简单的party，竟然，在萧徽勇哥哥的安排下，谭玉瑛突然出现，我喊到爆炸，我知佢明明系开紧工㗎、但我好想佢出现，就系咁……我哋嘅last day就变得好完满⋯⋯呢个surprise好多谢萧徽勇。

盖世宝的名字，连Ben sir节目也有恶搞，她也不介意。

至于在谭玉瑛最后一集《放学ICU》盖世宝对她说了什么？为何网民这么大反应？片段已在YouTube删除，但盖世宝仍然记得，她说：

嗰日监制叫谭玉瑛姐姐，对我哋每人讲啲类似勉励说话，袋钱落你袋嗰啲，我好似叫佢唔好讲咁样，其实熟先会大家窒对方嘅啫，因为大家真系好close。

除了谭玉瑛，提起盖世宝一定会想起那句粗口，她亦一早知道，她说：

其实冇咩感觉㗎、好耐之前已经有同事咁玩过我，我都觉得好顺口，我都好支持押韵㗎。

撰文：林通贤

推荐阅读

如果深入交流，请加八叔私人微信hkhk27 ,

微博：@八卦香港

合作：

WhatsApp：[phone]

QQ：2212341880

八叔

想知道去香港应该怎样玩？

八叔推荐你关注「香港玩乐指南」

↓想玩转香港？点这里就够了↓