依几句话，一秒就可以激嬲我地广州人

其实我地广州人

大部分都几好老皮的

但係

好老皮≠所有时间都好老皮≠你讲乜都好老皮

特别係有啲人，好钟意用

“你地广州人.......”的句型嚟惹我地

以下几句话，可以一秒激嬲广州人

（请广州人下滑前深呼吸）

“你地广州人讲的粤语，係鸟语嚟的！”

每次听到有人话粤语係鸟语

广州人都会火冒三丈

内心os：你识条铁咩！

你同广州人讲依句话，真係会好容易俾人

又或者请你食...

粤语係我地的母语

粤语有几神奇，只有我地知道

粤语音多，连爆个粗闹人都特别多词汇

粤语(cantonese)被联合国定义为语言

与普通话同属于汉语

使用人数 6600万~1.3亿

世界排名 第16 位

粤语！係正正规规得到认证的语言！

并唔係咩鸟语！

讲真嗰句，粤语音多又博大精深

你听唔明，我地真係唔会怪你

广州人係包容亦都係开放的

我地啲普通话虽然讲得好一般

但係都唔会话唔愿意让下你

用普通话嚟交流

但係如果你唔尊重我地的语言

仲要话佢係鸟语

就真係佛都有火了！

“你地广州人，咩都吃噶嘛”

呢句话真係好多外地人讲

有时候都听到我地麻木咗了

但係你讲一次，我笑下当无听到

讲两次，我大人有大量唔同你计较

讲几十万次，你係有病定无病？

讲真，虽然我地广州人的饮食范围係好广

但係真係唔代表我地咩都食

特别係宜家广州年轻的一代

好多嘢我地都已经唔食噶了

可唔可以，唔好指住条蜈蚣

就问我地会唔会想吃

我行过俾老鼠吓一跳

你又话“你地广州人，唔係连老鼠都食的咩”

广州的菜名好多的确係比较特别

例如“煲仔饭”“老公饼”“老婆饼”“人头饭”

但每样嘢都唔係表面意思噶嘛！

唔识，你可以问我地

但唔好一直唔会我地

仲成日嗱依句话嚟同我地讲笑得唔得呢...

“在出面吃饭前洗碗的动作，好多余”

喺餐厅食饭，钟意用滚水嚟过下啲婉

係每个广州人食饭前的指定动作

当然我地都知道依个动作唔可以

百分百消灭晒啲细菌

但冲一冲肯定会俾唔冲干净啊嘛

但係就係有啲人

偏偏钟意diss我地依个习惯

喂，大佬你有你的习惯

我地有我地的习惯，你凭咩喺度啊支啊咗？

之前有人喺我地的推送里面留言

diss依个指定动作

睇右上角的赞，就知道民心所向啦！

睇评论都知

依句话真係好点起我地广州人把火

“你地广州，咩都学香港”

如果你唔想俾广州人打

你真係唔好随便讲依句话

如果你真係要讲

都记得人少少先好讲

如果唔係会分分钟俾人群殴

我地广州虽然同香港隔得近

讲的都係同一种语言

但因为地域隔得近，有相近的文化

好出奇咩？

我地钟意睇TVB，会受到佢地的文化影响

好出奇咩？

咩叫做学香港遮？

可唔可以了解下广州本土独特的文化

先嚟BB遮？

我地广州有自己的骑楼文化

老西关文化、粤剧文化、饮食文化等等

一方水土养一方人

你唔识你真係唔好乱讲！

广州人对住广州人讲普通话

恩，依句话虽然听落去好拗口

但就经常喺生活中发生

有时喺啲餐厅

服务生以为个客喺外地人

就习惯性讲普通话

个客又以为个服务生係外地人

又礼貌咁用翻普通话回应

明明大家都讲粤语

偏偏就都讲起咗普通话

但咁都算啦，依个只能算係一个误会

更多的情况係

我知你识讲广州话

我都用咗广州话应你

你都仲系坚持同我讲普通话

咁就好容易令人唔耐烦啦！

可以粤语交流的

我地尽量唔好讲国语，ok？

只要你唔好讲类似以上依啲撩交打的话

嚟激我地广州人

其实我地都係好好老皮，好包容的

尊重依家嘢，係双向噶嘛

你话係咪先？