劲有同感！电影院犯众憎嘅七种行为！

上星期《蜘蛛侠：英雄归来》热都未过

今个星期又有《猩球崛起3》啦

有大片上映嘅周末真係令人期待~

去睇电影本来係一间好享受嘅事

但係去电影院总係会遇到一啲奇葩！

经常做啲犯众憎嘅事

睇下以下罪名，你最顶唔顺边样！？

第一罪

个手机屏幕光到好似电筒！

成出戏睇手机屏幕嘅时间仲多过睇银幕

睇2D电影仲好啲

3D嘅话手机D光直接越果眼镜折射入眼...

发微信、刷朋友圈、发微博

真係唔係有心偷睇你隐私

但係喺咁黑嘅电影院，你用plus屏

想唔睇都唔得

最夸张嘅喺仲有人喺电影院打王者荣耀

......

第二罪

全场讲电话！

一阵打个电话讲工事

一阵接个电话同女朋友汇报睇咩电影

 最攞命嘅係从来都唔教静音

呢种人，就算全场人望住佢

佢都feel唔到嘎，照讲自己嘅电话，犀利..

第三罪

同一排条友成日去厕所！

 其实如果肾唔好

不如睇电影嘅时候唔好饮咁多水

两个钟嘅电影行出行入四五次

 仲要坐得入先衰喔

出去一次就惊动成排....

第四罪

一路睇一路问！

边个嚟嘎？

（啱啱咪介绍咗囖！）

点解男主角要杀咗佢嘅？

（前面咪讲咗囖！）

咁大个人仲好似问题儿童咁

睇完睇唔明先再上网查再问人唔得咩？

仲有啲就一路睇一路讲：

漫画係XXXX..漫画入面佢会XXXXXX

你知咁多仲做乜嚟睇呢？

最紧要嘅係：

大佬，我係黎睇电影嘎！你讲古仔行埋边啦~~

第五罪

喺电影院开大食会！

喂，要唔要可乐啊？食唔食薯片啊？

特别係喺安静嘅时候

响起拆薯片袋嘅声音.......

嚼薯片、咬爆谷、饮到最后吸唔上嚟嘅可乐声

真係唔明，点解会有人居然可以将爆谷

食出骨肉相连嘅声音...

仲有成桶炸鸡攞出嚟嘅人

香到啊...

究竟有无谂过隔离减紧肥嘅人感受啊！

第六罪

踢凳！

唔知大家有无试过

睇睇下电影，张凳係咁震係咁震

你拎转身啤佢一眼

可能会“收脚”五分钟

但係一到电影高潮部分，一脚两脚三脚...

呢个时候

你可能仲想摞张电影飞出嚟

睇下自己係咪睇紧4D动感电影

如果，你后边个阿叔着人字拖，咁就难顶囖

距边踢，果对人字拖就边响……

真係好想问啊叔一句：

“你屋企係咪开缝纫铺嘎！”

第七罪

成个后尾枕遮住字幕

唔係歧视人地生得高

只不过希望佢地可以唔坐咁直条腰得唔得

好唔容易买到个中间靓位

点知成个后尾枕遮住咗中间段字幕

最可怕嘅仲要係

生得高+gel埋头嚟睇电影！

- 补充罪名 -

荷尔蒙爆发

电影院最多係咩？当然係情侣啦！

次次男女主角一要sweet嘅时候

佢地又要sweet埋一份

男女主角锡你地又锡

成出电影都喺度你侬我侬

唔通两个钟都忍唔到咩

一关灯荷尔蒙就开始爆发？

如果嗰日你唔好彩

仲有可能听到某个角落传来一把女仔声叫：

“唔好啦”

乜都会吓一餐

佢地係恐怖片爱好者嘅克星

开枪，尖叫！

楼梯摇摇欲坠，尖叫！

随机嘅拍摄角度，尖叫！

毛骨悚然嘅音乐，更加尖叫！

对佢地嚟讲，一切都係产生尖叫嘅原因

高调迟到

开场10分钟先到

来咗又搵唔到位置，坐错位...再换...

本身过道就唔阔

又唔识轻手轻脚，开住电筒嚟搵位

终于搵到位坐低又开始讲嘢：

前面讲咗啲咩啊？我都唔知啊？

呢个边个嚟嘎？我都唔知啊？

坐佢隔离嗰个比佢地咁搞咗十分钟

可能连男主角阿哥点死都无睇到

以上犯众憎行为

相信大家肯定经历过

仲有无啲小编无提到，有好黑人憎嘅

欢迎大家留言补充！要坚决抵制！