感受到广州的秋天了吗？！未来几天大风+降温持续，仲有雨雨雨！

话说前几日

听到广州要降温的消息的时候

小编的内心係非常之不屑的

30度左右就叫有冷空气？就叫降温？

唔好玩啦

咪又係热到出晒汗

人地的降温

係零下几度，係飘起茫茫白雪

而我地的降温係...

（图片源于@神经病人的游戏）

但唔知係咪琴日早上大家吐槽所谓的冷空气

吐槽得太犀利

到咗昨日夜晚的时候

冷空气的存在感强烈咗好多！

平时盖开毛巾被的人今朝早分分钟被冻醒！

终于啲长袖衫可以拿翻晒出黎着了！

终于我地可以着翻次秋装了！

广州的秋天简直就係短暂的花火

大家为咗着秋装都就快一日换3套衫了

但按照广州天气的尿性

冷空气一般唔会持续好耐

但今次唔同！

有台风加持的冷空气

有望喺广州留多几日~

只鸡比，都有望绿多几日~

20号台风加持冷空气

是的，台风又又又来了

依个“卡努”琴日仲喺菲律宾

今日就已经来势汹汹

有可能会从8级升到12级

仲会对广州有重大影响

当冷空气遇上台风

就係负负得正！

台风除咗带来破坏同雨雨雨之外

都有个额外的福利就係会为冷空气加持！

冻多几日不是梦！

今个冷空气唔单止会陪我地渡过周末

15-16日受弱冷空气和南海热带气旋

共同作用，有雷阵雨局部大雨降水过程

气温会再小幅下降！

前后加埋

今次个冷空气可能会陪足我地一个星期！

未来广东地区天气情况

广州天气

其他地方天气

所以简单来讲

未来几日广州的天气除咗会

凉凉地、冻冻地之外

仲会係雨雨雨

所以大家除咗要拿翻啲长袖衫出嚟

出门口都记得带伞

唔好感冒啦！