徐天堂的好,郑淑梅不懂
小编最近睇《使徒行者2》睇得好心塞,剧情令人心塞,里面的郑淑梅也令人心塞。
心塞在于捻唔明点解徐天堂撩天撩地,撩动咗电视机前面千万少女的心,却偏偏撩唔到郑淑梅。
而阿梅,作为一个卧底你已经蠢到加零一噶啦。
蠢就算啦,点解你连拣男人的眼光都可以咁差。
差到每个女人都喺佢身上睇到自己的犯贱过去:放住一个爱你,对你好的人唔要,偏偏去追求嗰个对你爱理不理的人。
徐天堂有咩唔好?
徐天堂咩都好,但好从来都唔代表可以得到。
根据多年的追剧经验,企错cp的后果一般都好凄惨。
痴心踏地的男二从来都係注定得不到女主的爱,而追剧的我们只能眼巴巴的睇住自己喜欢的角色被虐得死去活来。
但徐天堂,又同以往的男二角色有啲唔同。
佢成日着到好似个男公关咁,咩衫花俏就着咩衫。
佢口花花,无离正经,自带挑逗属性,对住佢你成日都唔知应该笑好定嬲好。
但係咁样的徐天堂,会喺郑淑梅危急的时候跳出嚟帮佢。
会喺佢唔开心的时候,唱歌氹佢开心。
佢明知道郑淑梅钟意的係乐少,都一如既往地深情守护。
咁样的一个徐天堂,喺我地观众的心目中,都唔知好过乐少几多倍。
但可惜依啲嘢,永远都係旁观者清,当局者迷。
郑淑梅唔会睇到,徐天堂每次为咗救佢,都可以将条命豁出去。
佢只会一心牵挂住乐少,千叮万嘱徐天堂要救乐少出嚟。
郑淑梅亦都唔会睇到,徐天堂花花FitFit的背后,对佢的死心塌地。
唔会知道佢乐观的背后,有几多心酸难过。
睇住自己爱的人,为其他人难过、紧张,本身就係一种折磨。
但更折磨的係,你要收起自己的心酸,去为佢考虑。
因为你爱佢,就甚至将对方的情绪,摆喺自己的更前面。
就好似徐天堂咁,为咗郑淑梅,愿意舍身去救情敌。
最深刻的一幕係徐天堂以为郑淑梅买情侣头盔,有一个係要送俾自己的。
后来睇到乐少送阿梅翻嚟,先发现,原来无论头盔定係阿梅的心,都属于乐少。
佢笑笑口咁话:“噢,咁样啊。咁未再去睇过个头盔囖。”
声音听上去云淡风轻,眼里面却有藏不住的失落。
徐天堂令人心疼的点就在于,佢不争不抢,亦都唔计较付出几多。
即使失望、难过的时候,都只会笑笑口带过。
对于佢爱的人,佢会全力付出。
而即使得不到,佢都唔会声嘶力竭,只係坦然接受。
原来有时候,笑係真係可以俾喊,更加令人心疼。
唔止徐天堂,其实大家都係咁噶啦。
爱而不得的时候,都係日日扮到好似个无事人咁上班上学,嬉皮笑脸说说笑笑。
然后将所有的难过眼泪,都留俾深夜。
有时候我地笑,并唔代表我地真係快乐。
徐天堂其实真係好好。
生得靓仔,肌肉爆棚,幽默风趣,可以氹到郑淑梅开心,亦都可以将佢保护得好好。
古惑得嚟仲一身正气,醒目,智商情商双高。
但郑淑梅的唔爱佢,再好又有咩用呢?
就正如其实郑淑梅都对乐少好好,会努力氹佢笑,周围求人去救佢。
但喺乐少的心目中,却有太多比郑淑梅重要的嘢。
所谓的好,要用在对的人,懂珍惜的人身上,先叫好。
不然,就只係多余。
而大多数的不幸,其实唔係因为你无爱到嗰个“好”的人。
而係因为你爱咗个,唔属于你的人。
就正如郑淑梅之于徐天堂,乐少之于郑淑梅。
我地会闹郑淑梅,点解对咁好的徐天堂视而不见。
但现实中,类似的事情明明就喺自己身上,身边的人不断发生。
他爱她,她却爱他。
就好似爱情除咗会带嚟开心、幸福,亦都会伴随住伤心、难过。
真係好可惜啊,爱情从来都唔係单方面的事。
付出与收获亦都唔会对等。
相爱太难,如果你爱的人也刚好爱你,记得好好珍惜。
亦都愿你的好,终有一个人懂。