“姣花”陈滢mark实赌王儿子何猷亨，M Club七个女仔各自精彩逐个睇！
最近娱乐圈喜事连连
唔知系咪有咁啱得咁桥
《M Club》少女组演员纷纷被私有化
睇来M Club姻缘真系好旺啊
就算之前已经甩拖既都疑似有复合迹象
旧年7月分手既赌王四房大仔何猷亨
同大台小花陈滢再见亦是朋友
近日就有人目击距地同朋友系中环ifc对出天桥睇烟花汇演
报料人话二人并排咁企睇烟花
时不时相视而笑
睇起身就好似一pair情侣咁
距地之前已经拍过半年拖
当时有指陈滢想逼婚
心急嫁入何家做豪门新抱
但何太好似更中意10A港姐麦明诗
分手后，猷亨喺澳门选立法会
陈滢仲着埋件竞选黄Tee贴相喺facebook帮手拉票
二人嘅感情真系好扑朔迷离
睇来赌王家族既情史真系精彩过连戏剧
现年27岁嘅陈滢，于加拿大长大
回流返港后做模特儿
其后更加入大台演出《M Club》
饰演年轻时期的高傲校花「容丹丹」
虽然唔系主线角色，但演出已经好抢眼
2015年播出嘅《四个女仔三个BAR》中成功上位
系《全职没女》里面陈滢BB着女仆装令人惊艳
难怪获封为「新一代宅男女神」
究竟陈滢最后可唔可以如愿嫁入何家呢
就要过些时日先知道啦
而因为M Club而成为好姐妹的各位年轻演员呢家又有咩着落呢？
M Club饰少女李若彤
踏入人生新阶段既27岁陈嘉宝Anjaylia
有个大佢八年，身家有半亿的圈外男友黄颂祈
今年4月已经喺社交网站宣布封盘
「邦民女」Anjaylia自从早年喺大台拍《女人俱乐部》中饰演李若彤少女版而人气急升
之后再同郑嘉颖、谢安琪等人拍摄剧集《殭》
已经能够成功入屋
Anjaylia和男友两人都系虔诚基督徒
拍拖多年保持有爱冇性嘅关系
呢家终于可以拆开呢份礼物啦~
M Club饰少女张慧仪
赖慰玲今年7月宣布未婚陀B 5个月
上个月28号低调签纸
同舞台剧工作者梁子峰结婚
件婚纱仲系陈嘉宝拣㗎！
赖慰玲系香港演艺学院表演系学士
距被夸系M Club少女组中最好戏既
喺《殭》里面饰演非常抢戏嘅神婆丘玲梅
家阵仲拍紧新剧《宫心计2·深宫计》
《栋仁的时光》
睇来呢个新科人妻将会开始霸屏模式
M Club饰少女李丽珍
王敏奕系M Club入面戏份最多
距既伴侣亦系少女组里最出名既一个
Venus同曾国祥拍拖多年
已经获得曾志伟肯定
两人频频系IG放闪
单系今年之内，已经数度被媒体目击佢哋拍拖行超巿
sweet到爆
曾国祥执导嘅《七月与安生》两位女主角一起攞金马影后
睇来又系才子配佳人既人生胜利组
M Club饰少女袁洁莹
女子組合Super Girls嘅Cheronna
今年7月宣布同夏雨个仔黄奕晨（Dixon）拍拖
虽然男方被指有未婚妻
但距对男友就表示绝对信任
M Club饰少女陈慧娴
讲到仲有单丁果个
就系刚踏入3字头行列嘅糖妹啦
佢最轰动嘅恋情，就系同鸭王何浩文
可惜两人系2013年分手后
糖妹一直single
最近系《使徒行者2》饰演卧底细批
活泼亮眼
希望真系好似距个生日愿望咁
搵到男朋友同埋减肥成功啦！
睇来M Club都各自各精彩
陈嘉宝赖慰玲sweet做人妻
小叽喳王敏奕热恋中
就剩陈滢BB和糖妹咋
唔知接落来
会系边位成功跑出呢