香港万圣节狂欢剧透，玩厌广州不如一起过HK“搅鬼”
虽然2017法定假期就过晒啦
但係我地仲有好多好玩嘅节日啊~！
例如，广受年轻人欢迎嘅万圣节！
话咁快迎来十月中旬
一年一度嘅“哈佬喂”又要到啦~
广州近年过万圣节气氛越来越浓郁
长隆万圣节主题设施、各大商场酒吧活动
都变成好多人嘅“蒲点”之一
但係，喺广州玩得多都会厌
所以今次小编就教大家过香港玩
香港作为亚洲万圣节气氛最浓郁嘅城市之一
每年十月，都会异常热闹
各大游乐园、旅游景点纷纷推出主题活动
酒吧搞鬼魅party、商场大街小巷都换晒万圣节装饰
而今年，香港万圣节
有咩好玩有趣嘅活动？
跟上小编嘅步伐一齐嚟睇下啦~
2017香港万圣节狂欢攻略
海洋公园
哈啰喂全日祭
每年「海洋公园哈啰喂全日祭」
都耗尽心思用最热闹非凡嘅万圣狂欢
今年又逢海洋公园开业40周年纪念
哈喽喂继续挑战大家胆量，惊吓惊喜全面升级
有11个精心布置嘅万圣景点
以及12种「搅鬼」体验令大家玩转万圣节！
全日祭分为
开心万圣主题和极级惊吓主题
其中超级惊悚主打项目包括:
《恐惧斗室》血腥电影主题鬼屋
仲有中国式僵尸突袭「僵尸森冢」
恐怖「城寨惊魂」
妖魔鬼怪会喺日头举行庆典
适合大人细路影相游玩
但係入夜之后就会有各种恶灵出街游荡
就要做好心理准备啦！
开心万圣主题
会有布景以及鬼怪都比较亲和得意
捣蛋糖果工场和灵光万圣祭
有全香港最长嘅万圣节游乐径
可以挑战好玩嘅小游戏、睇鬼怪表演
小朋友都可以玩得好开心~
持有哈啰喂优越门票
仲可以进入最挑战胆量嘅“慌宅17”神秘鬼屋
有两大特别惊恐嘅体验
而且仲会同入面嘅演员有身体接触
包你尖叫不断！
当然，海洋公园仲会照顾到一众吃货
推出哈喽喂主题美食
而海洋冰室都会变身成「巫饭会客室」
食物会比较可爱，唔洗担心食唔落口~
而恐惧斗室嘅主题美食就唔同喇
每款食物嘅造型都惊悚
要食都要鼓起勇气
日期：2017年10月5-8日、13-15日、19-22日、26-29日及31日
开放时间：10:00am-11:00pm
门票﹙网上95折优惠价﹚︰
优越成人票 HK$760﹙非繁忙日﹚、HK$855﹙繁忙日﹚优越小童票 HK$380﹙非繁忙日﹚、HK$428﹙繁忙日﹚
成人 HK$416、小童 HK$208
成人学生票 HK$350﹙只限逢星期四、五及10月31日﹚、小童学生票 HK$175﹙只限逢星期四、五及10月31日﹚
迪士尼
Disney Halloween Time
相比海洋公园嘅惊悚刺激
又惊又想玩嘅朋友就最适合来迪士尼
每年迪士尼万圣节巡游都係最受期待嘅环节
一大班迪士尼经典人物
会换上万圣节服装同大家搞怪互动
而夜晚迪士尼嘅恶人就会齐出动
包括黑巫婆、邪恶皇后、巫师贾方
杰克、虎克船长、红心皇后和库伊拉
今年海女巫乌苏拉就会首度霸气登场加入出巡
怪异教授会布置
「诡迷宫：诡梦实验室新篇」
仲有电影主题嘅特色场景：
《木偶奇遇记》中嘅怪诞篷车
《怪兽公司》嘅惊吓部
《爱丽斯梦游仙境》嘅疯帽子店
令你有全新嘅万圣节体验
玩足一日，就要食翻餐大餐补充体力
而「米奇Halloween大解谜」晚宴
就肯定可以满足大家
日期：2017年9月14日-10月31日
开放时间：10:00am-8:00pm
门票：成人门票 HK$589、小童门票 HK$419
双重节日优惠﹙成人﹚ HK$639﹙2017年12月23日或之前任选2天进入乐园﹚
双重节日优惠﹙小童﹚ HK$455﹙2017年12月23日或之前任选2天进入乐园﹚
兰桂坊
万圣节街头派对
每逢万圣节兰桂坊都会化身为一片鬼魅之地
各大酒吧上演热闹十足惊喜派对
狼人Ralph Junior、南瓜Greedy Jack
iScream 怪异双胞胎以及DJ蝙蝠女等一众鬼怪
出没喺兰桂坊街头，加入人潮喺街上巡游
从晚上6点开始，一直到深夜
大家以各式各样嘅造型来兰桂坊
人潮逼满成条街
喺街头饮酒狂欢，声音响彻兰桂坊！
兰桂坊现场仲会提供万圣节化妆服务
由专业化妆师巧手打造
人人都可以带上邪恶妖魅嘅妆容参加巡游
自己再加少少点缀，全场焦点仲唔係你！
热闹之余，再加上街灯诡异嘅灯光色调
气氛十足！
地点：香港中环兰桂坊
时间：10月31日下午6时开始
费用：免费入场
乐富广场
潜航凶间
觉得主题乐园门票太贵嘅话
可以选择去乐富广场嘅免费万圣节活动
今年万圣节，商场将为大家带来全新惊吓体验！
「潜航凶间」鬼屋以环保为主题
参加者扮演搜索队员，潜入海底废弃船
去寻找 拯救人类嘅资源，同时搵出逃脱机关
好考验大家喺阴森恐怖嘅环境下如何逃生
可以讲係恐怖版嘅密室逃脱
当行入船舱之后就可以开始搜索
有各种场景，充满陷阱大家一定要小心！
例如血腥屠房会吊满恐怖尸体
不断摇来摇去，好难避开
而木桥随时会断裂，仲要 小心随时出现嘅鬼怪
仲有灯光诡异、尸体遍布嘅致命鱼网阵
令你亲身感受到绝望嘅处境
几得人惊！
地点：乐富广场 A 区美食坊
举办日期：2017年 9 月 16 日至 10 月 31 日
潜航嘉年华 - 逢星期六、日、公众假期及万圣节正日
时间：下午 1 时至 9 时
冲锋队时段 - 逢星期六、日、公众假期及万圣节正日
时间：下午 1 时至 4 时
搜索队时段 - 逢星期五、六、日、公众假期及万圣节正日
时间：下午 4 时 30 分至 9 时
门票：免费
康怡广场&山顶广场
万圣大魔头
山顶广场鬼屋係出名嘅劲恐怖路线
最适合大胆中意刺激嘅朋友
但係今年万圣节山顶广场无开设鬼屋
反而同几个商场联手打造「万圣大魔头」主题派对
以及巡游表演
唔知恐怖嘅气氛拍唔拍得住之前嘅鬼屋呢？
康怡广场同山顶广场将会被
「南瓜苏波荣」、「骷髅白舞士」
以及「眩惑女巫」占据
几个大型鬼魅装置同「万圣大魔头」
将分布于商场唔同角落等大家发掘
加上各项精彩活动，让大家全情投入万圣月
10月28日众鬼怪会齐集康怡广场
举行「魔头大巡游」
连同扭扭万圣气球、哗鬼面部彩绘
以及拍立得大放送等精彩节目
大人小朋友都可以感受万圣节嘅热闹气氛
魔头集会
时间：9月29日至10月31日 上午10时至晚上10时
地点：康怡广场北座M楼
魔头大巡游
时间：10月28日下午2时至8时
地点：康怡广场北座地下
魔头派对
时间：10月29日 下午3时至5时 10月31日 下午7时至9时
地点：康怡广场
共融世界Halloween Go 2017
时间：10月28日 下午4时至8时
地点：山顶广场
魔头派对
时间：10月29及31日 下午2时至7时
地点：山顶广场
九龙东
万圣节街跑
万圣节当然唔只有鬼屋玩
其实去跑步都係一个唔错嘅选择
而且仲有机会可以全副武装「扮鬼扮马」
梗係要跑多几圈做下万人焦点啦！
届时会有打扮成牛头马面嘅工作人员领跑
一路跑匀九龙东各区，包括：
观塘海滨长廊、观塘工业区同大街小巷
以至启德邮轮码头
而且呢次街跑係一个慈善筹款活动
锻炼自己嘅同时仲可以做公益
呢个万圣节係咪好有意义呢~
除咗跑步晚上仲可以参加嘉年华
晚上六点到九点
将会巨型户外音乐会为
出演嘉宾包括：Kolor、MastaMic、黄靖、Blaster、Mr. Rocket Head (火箭头先生乐团)、神奇胶等等
嘉年华仲有美食摊位、面部彩绘等精彩纷呈嘅活动
地点：观塘海滨道反转天桥底一号场
日期：10月29日（星期日）
时间 : 下午1时至晚上10时
街跑报名地址：http://runour.city/hs17reg
黄埔新天地
星际反斗乐园
大人就话玩鬼屋姐
咁小朋友可以玩咩呢？
今年万圣节，黄埔新天地将举办黄埔万圣节
专门设置咗星际反斗乐园
带领一众反斗小朋友喺星空宇宙中
开万圣节弹弹床派对
最适合家长们带住小朋友一起过趣味万圣节！
而且为咗迎接小朋友
整蛊做怪准备咗「Pumpkin层层塔」
考验大家嘅眼力及力量
快啲攞起木槌将南瓜塔逐层击破啦！
除咗层层塔，仲有星级弹弹床
小朋友可以选择「弹」到木星、金星或火星
旁边有注满陨石及南瓜嘅海绵池
可以随意从弹床跳起再跌落海绵池入面
喺活动期间
仲可以同神出鬼没嘅外星哗鬼及太空恶魔狂欢
小朋友肯定中意呢个万圣节~
地点：香港红磡黄埔花园黄埔新天地时尚坊地库
时间：2017年10月14日 ‑ 29日 (每日) 10:00 ‑ 22:00 (12小时)
Pumpkin层层塔
时间： 10月14至15日、21至22日 及28至29日 (星期六及日) 下午1时至7时
参加方法： 于黄埔新天地任何商舖消费满港币100元，凭即日单一机印发票，即可参加「Pumpkin层层塔」一次。于指定时间内击落所有南瓜层层塔，即可获得精美小礼品一份。
星际弹弹床
日期： 10月14至15日、21至22日 及28至29日 (星期六及日) 下午1时至7时
参加方法： 于黄埔新天地任何商舖消费满港币200元，凭即日单一机印发票，即可参加「星际弹弹床」一次。
注： 参加者身高须为80厘米至140厘米及体重75公斤或以下
香港万圣节咁多节目
快啲趁周末约埋班friend
老友鬼鬼，一起去玩啦~