2018年2018年TVB剧集名单出炉!《鸟纹身的男人》、《陈皮梅与山楂饼》,我係咪睇咗个假嘅TVB?
TVB台庆剧《老表毕业喇》及《使徒行者2》进入尾声
好唔好睇就见仁见智啦
播完之后陆续仲有《降魔的》及《溏心风暴3》播出
反正今年年尾就大把剧追啦!
至于一直係度宣传从未间断嘅
《宫心计2之深宫计》同《大帅哥》
虽然已经完成拍摄阶段
但估计要到2018年年初先会播出
睇TVB大嘅人都知
通常台庆颁奖礼之后就会开始播“炮灰剧”
皆係一D制作成本低、剧本又麻麻哋嘅戏
咁2018年又係咪“照旧”咧?
最近网上就爆出一份疑似TVB的《2018TVB节目巡礼》名单
wait,wait
小编睇完之后即刻O晒嘴
乜《鸟纹身的男人》,《陈皮梅与山楂饼》係电视剧名嚟噶咩?
好彩旁边都有句剧集主题解释
未小编真係以为自己睇紧“科教频道”嘅节目单
究竟2018有无剧集好睇?
小编同你剧透一下~
01
《果栏中的江湖大嫂》
香港果栏一直係男人嘅地头
而失婚过气女星与杀校小学女教师
誓要成为新一代果栏话事人
睇嚟係一出热血励志女强人嘅电视剧
2017年节目巡礼就已经有宣传片
有陈炜、岑丽香、王浩信拍住上
但有依家都未有排期
希望快D有得出街啦!
宣传片
▼
02
《陈皮梅与山楂》
一开始睇到仲以为係TVB要拍《山楂树之恋》咁清纯文艺嘅电视剧
后来先知原来係《on call36小时》嘅青春中药版
TVB医疗剧终于重出江湖啦!
不过就未必係on call原班人马:马明、杨怡出演
但都值得期待!
03
《白色强人》
另外一出医疗剧都好把炮咁
係《律政强人》嘅延续篇
咁都几大可能会搵翻方中信与廖启智演出喔!
但係个剧名係咪有抄《白色巨塔》嘅感觉咧?
04
《坚离地对坚离地》
哩出剧前排啱啱开始试造型
由张振朗与龚嘉欣首次担正男女主角
更会发展出超级“宅男”与“富二代”的爱情故事
张振朗今次扮“宅男”唔锺意畀人掂到
一掂佢就会有反应
希望佢有龚嘉欣会有新火花啦!
而黄心颖以女仆造型示人好Q好诱惑喔~
05
《是咁的,法官阁下》
上年《三个女仔一个BAR》中四个女仔演出令人眼前一亮
原来新血都可以担正做主角
今次TVB决定拍延续篇,继续讲律师
有王君馨、关礼杰及黄智贤拍档出演三角恋
黄智贤仲延续《三个女人》出演“范大状”
哩出剧已经开拍啦!係咪好期待咧?
06
《跳跃生命线》
师奶杀手马德钟终于又拍剧啦!
今次扮演救护人员,上山下海救人~
成身制服冇得show肌,认真辛苦
出剧仲有同何广沛、崔建邦、刘佩玥、陈滢合作
围绕救护员的生涯,救伤扶危,争分夺秒
07
《李克勤,梁荣忠Variety show》
综艺节目入面都有好多值得期待嘅
2005年由李克勤,梁荣忠主持《残酷一叮》
口号「全城尽兴,残酷一叮」相信好多人都记得
希望今次佢哋都可以整翻个搞笑、全城参与嘅综艺节目
而曾经连任几集嘅“莫生”都已经18岁!
岁月係把杀猪刀
不过莫生真係要减下肥啦~
08
《曾志伟大玩派》
自从曾志伟话唔再拍奖门人系列
小编对TVB综艺已经失去信心
但依家奖门人又翻嚟啦!
虽然唔再係以前嘅套路,换咗个名
不过一定都会有好多好玩游戏带俾大家
09
《女王华丽50年》
今年係汪明荃入行50周年
早前TVB就有讲过阿姐将开拍剧集《汪明荃》来祝贺
唔知《女王华丽50年》系咪之前讲嘅
talk show《汪明荃今夜我最精彩》正式节目名呢?
而最搞笑嘅《鸟纹身的男人》同《最陌生的熟悉人》
题材分别是古装武侠和时装悬疑
仲有穿越剧《青蛇》
睇到人out晒头
TVB改嘅戏名真係越嚟越奇呢啊!
anyway
TVB总算有D新进步新改变
唔再係用翻《on call36小时3》、《律政先锋5》、《医护强人》依D纯套路剧名啦~