【八卦】2017香港小姐競選 首輪面試大包圍！有圖有真相！

1

《2017香港小姐競選》首輪面試大包圍

一年一度選美盛事《2017香港小姐競選》今日舉行首輪面試，大會安排過百位女士參加，當中有高有矮、有肥又有瘦、有高質素亦有騎呢怪誕， 總之包羅萬有。下面畀小小相大家睇睇~

香港小姐亦吸引國內佳麗參加~

陪跑一族？

多倫多混血兒Kelly表現淡定，極具冠軍相。

（圖片向左滑動繼續查看）

你地又覺得呢屆質量掂唔掂？

2

金剛都要離開TVB

獎門人家族仲有邊位可以留低？

「嘩，不得了喇！」聞說這句就是TVB搞笑能手金剛的口頭禪，但睇怕之後都未必再有機會聽到。事關金剛早前約滿，並且離開TVB，有傳聞指金剛將會往內地發展。當網民得悉金剛不再為TVB服務，一致對消息感到可惜，不單止話「真係好突然」，而且表示「之前《迷》仲做得好好㗎喎」，更有網民聯想到TVB內在鬥爭：「金剛係曾志偉嘅Friend，離開係為咗共同進退」，似乎另有所指，總之唔係太想金剛離開。

講起金剛，能夠在香港打響知名度，最大恩人就是曾志偉。最初他於2002年在台灣娛樂圈發展，雖然後來加入過TVBS，爭取曝光率，可是事與願違。他長期只是上綜藝節目做嘉賓，沒有發圍的機會。志偉眼見金剛耐勞，所以向他建議到異地發展。最後2007年決定向香港進發，最初都是上上綜藝節目，但因為台灣人身份關係，他就可以一口唔鹹唔淡的廣東話引觀眾發笑，並以此走搞笑路線，漸漸就有香港人認識他，仲成為曾志偉的愛將。

金剛的代表作，就是與小儀合作的《街坊食神》系列。亦因為金剛與小儀主持時互塞、打情罵俏，而擦出新火花，「有森美就會有小儀」的定律亦被打破了。兩人雖然有傳過緋聞，但能夠引起注意，絕對是金剛成功之作。除此之外，金剛身為「志偉幫」，2010年開始有機會主持《超級無敵獎門人》，以及近期的《我愛香港》等。雖然他在節目裏要做下把位，經常被曾志偉、一眾主持又窒又糟質，但觀眾都一樣受落。除了綜藝節目，金剛2016年第一次做男主角，同小儀拍《愛情食物鏈》，以及上年出街的《迷》，金剛飾演笨賊，都被網民大讚做得出色，只可惜金剛離巢，未出街的《降魔的》成為他在TVB最後一套劇。

到如今，只能希望他有更好的發展及天空！

3

囝囝首度曝光？周杰倫晒昆凌錫B相！

台灣天王周杰倫嘅老婆昆凌之前先後誕下一仔一女，成功湊夠個好字！呢一家可以講得上係幸福美滿，但佢哋一向都唔多會晒囡囡嘅相出嚟，就算晒都係遮晒Emoji咁！而未滿月嘅囝囝更加係從未曝光！但呢一日凌晨，周杰倫突然喺社交網站貼咗張昆凌同兩個小朋友嘅相，相入面仲見到昆凌錫其中一個bb嘅額頭，畫面有愛到不得了！周杰倫嘅留言就話：「姐姐寫的「前世情人」沒入圍，之後只好靠媽咪的前世情人幫姐姐爭一口氣囉，金曲獎可能沒辦法參加了，謝謝所有歌迷朋友的關心啦。月子中心陪着母子看金曲獎感覺好特別。哈哈 俗話說的好「娶妻前，生子後」賭運會比較好…喂！不是啦，是運氣會比較好。」喺周杰倫字裏行間，都令粉絲估相入面嘅係咪佢個囝囝。而因為要陪住昆凌喺月子中心坐月，周杰倫都預告有可能缺席6月24號喺台灣舉行嘅《第28屆金曲獎》，但就會同老婆一齊睇金曲獎。都啱嘅，老婆生完梗係要畀多啲心機去照顧喇！

真的羨煞旁人！！！

4

Billboard力撐GD新專輯銷量計入榜

太陽獲選平昌奧運宣傳大使

韓國天團BigBang隊長G-Dragon（GD）最新Solo專輯《權志龍》以USB取代CD，卻遭韓國公信榜Gaon Chart判定為不是專輯，不被計入排行榜一事，但美國Billboard就力撐GD，認為無論是CD或是USB，都沒有必要去區分界定其性質，Billboard Chart會將GD的USB專輯銷量計算入榜，並指出：「GD或許將成為韓國音樂榜單歷史上的犧牲者，技術的飛速發展使得時代快速變化，適應新網絡時代的新收聽方法正在出現，政策和規定也需要重新界定。」

另一成員太陽被選為2018年平昌奧運會宣傳大使之一，明日（21日）就會舉行特別記者會，太陽到時會被授予紀念獎牌和大型名片，並會有答問環節。另外，BigBang所屬的YG娛樂將製作類似《Produce 101》的新選秀節目，GD和太陽都有可能擔任評審。

立撐我們的GD，他是王者，不是犧牲者。

本期八卦新聞放送完畢，

大家記得留言或點個like，愛你們~

精彩回顧

廣告&聲明