吴语诵读《滩渡》

滩

TAN DU

渡

滩渡，河滩边专供洗衣用的石阶。

一头连着岸，头伸向水中，

用石头垒成阶梯式，方便取水、淘米。

吴语转写

      滩渡垃吴越各地叫法勿同，又称水桥、水脚、踏渡、踏渡琴、水踏渡、埠头、河埠头、河滩头。

       看到搿个大家自然会得想起周庄、西塘等江南古镇，伴随个必定是小桥流水、深巷老宅以及廊街岸柳。垃岸边廊棚下坐脱一个下昼，一头同同伴呷呷茶茄茄山河，一头刷刷手机，刷来衰瘏仔，抬头望望河当中船夫摇仔游船缓缓行过，可以消磨一下昼个辰光。

       搿是属于小镇个风情，不过我要讲个呢是乡下头生活里向个滩渡。

      江南个房子呢通常临水而建。以前没水龙头，一般性每一间房子附近，会得有一只滩渡。普通人家个一幢房子里可能蹲好几户同姓人家，共享一只滩渡；有点铜钿个人家，会得用专门个滩渡石修。可以话，老早乡下头人个每一日呢，侪是紧紧围牢滩渡——汏菜、淘米、汏衣裳，甚至是捎马桶，侪要到箇只滩渡浪去。大清老早，妇女汏完仔一家门个衣裳就要上班去；到仔黄昏头，妇女侪下班归来了，隔开条河淘米汏菜、嬉笑闲谈，话话宅基头上个趣事，又或者互相交流各种家务农事个心得。

       老家个河道浅，沿牢滩渡下去直接就好立垃河头里。伴随个是几个小囡追逐嬉戏。大人就经常会得叮嘱勿要玩水，常怕落水出事体。大一眼个就会得跟牢大小囡或者爷咾阿叔咾去河头里浴身汏浴。直到夜饭光景，宅基上各家屋顶一缕缕炊烟袅袅，阿妈阿奶就会得垃岸头上喊男小囡归来吃饭。白相心重个男小囡游到岸边，爬上滩渡，揩干净身体，担散落地上个衣裳套上，着好拖鞋，甚至就介能赤仔脚，匆忙朝自家宅基奔去。阿婆公公也挥仔竹竿赶自家个鸭上岸，嘴巴里向喌喌喌勿停：棚里棚里棚里棚里箇能叫。随仔水越来越浑，大家也老早习惯用屋里向个自来水来汏衣裳淘米，小囡也勿会得在河头里浴身啊唻，乡下头个滩渡也逐渐废弃。老早闹猛个滩渡，真个只有留垃记忆里向了。

译文

      滩渡在吴越各地叫法不同，又称水桥、水脚、踏渡、踏渡琴、水踏渡、埠头、河埠头、河滩头。

       看到这个很多人会自然想起周庄、西塘等江南古镇，伴随的必定是小桥流水、深巷老宅以及廊街岸柳。在岸边的廊棚下坐一下午，一边和同伴喝茶聊天，一边刷手机，刷累了，抬头看着河中船夫摇着乌篷船缓缓行过，可以消磨一下午的时光。

       那是属于景区的风情，而我要说的是乡下生活里的滩渡。

       江南的房子通常临水而建。以前没有水龙头，一般每一座房子附近，都会有一个滩渡。普通人家的一幢房子里可能同时住着好几户同姓的家庭，共用一个滩渡；而有钱的人家，会用专门的滩渡石修滩渡。可以说，旧时江南乡下人的每一天，都紧紧围绕着滩渡——坐船、洗菜、淘米、洗衣服，甚至是刷马桶，都要到滩渡去。清晨，妇女们洗完了一家子的衣服就要赶着去干活；到了中午，妇女们回了家，隔着河淘米洗菜、嬉笑闲谈，说着宅基上的趣事，又或者互相交流各种家务农事的心得。

       家乡的河道浅，顺着滩渡下去直接就能站在河里。伴随着的是几个小孩追逐嬉戏。大人们就经常会叮嘱不要玩水，生怕落水出事。大一点的就会跟大孩子或者父亲叔伯去河里游泳洗澡。直到晚饭光景，宅基上各家屋顶一缕缕炊烟袅袅，妈妈就会在岸上喊男孩子归家吃饭。贪玩的男孩子也游向岸边，爬上滩渡，擦干净身体，把散落地上的衣裤套上，穿上拖鞋，甚至光着脚，匆忙朝自家宅基奔去。阿婆公公也挥着竹竿赶着自家的鸭子上岸，嘴里喌喌喌不停：棚里棚里地呼唤着。随着水越来越浑，人们也早已习惯在家里的自来水来洗衣淘米，孩子们也不会在河边游泳了，乡下的滩渡也逐渐废弃。昔日滩渡的热闹，真的只能留在记忆里了。

排版：良伊

音频：神死慟瞑

（太湖片苏沪嘉小片）

文：神死慟瞑、良伊

图：神死慟瞑、阿城

本文为语保志愿者推文创作大赛参赛作品

—语保志愿者—

—语宝—