【港话】一百蚊的温暖

一百蚊做到咩？

夜晚你系中环坐低食个茶记，有汤有野饮之下，都已经六七十，细个觉得一百蚊好多，如果老豆突然俾一百蚊零用你你会开心到唔知点用，但大个之后，一百蚊好多时你连点洗咗都唔记得。

有一晚我同阿辉收工拍拖，两个人手上面夹埋得返一百蚊，咁当然要去㩒钱啦，点知部死人柜员机坏咗一部，一部无钱拎，净返一条队好似轮米咁长，我就当然炆啦。

阿辉话：“食完饭先再去㩒钱啦。”我心谂，都无办法啦：“咁搵间收八达通或者可以收信用卡嘅食啦。”今时今日无现金其实又唔算好悲，系有少少唔聚财姐。

“一百蚊你信唔信可以一次过满足你三个愿望？” “出奇蛋停售㖞。” “唔系出奇蛋，系食饱你，好食，仲好开心添！” “你唔系想带我食开心乐园餐嘛……” “跟我嚟啦！”

两个人用咗4.6搭叮叮由中环出发去到西湾河，沿途仲捉咗唔少第二代宠物小精灵，你唔好问我点解仲有玩，因为我份人长情啰！当到西湾河我已经知道阿辉想带我食太安楼扫街。

（图：AFP）

坦白讲，作为一个中环OL，追我嘅人带过我食ICC、IFC、文华、半岛，开支酒都要几千银嘅，去旺角食饭我已经觉得好贴地，扫街做一餐，回想起应该要去到十年前中学时代系葵涌广场嘅时候。

三条巷仔，几十间食店，带咗一个新世界俾我。

我哋由串烧开始、再鱼肉翅、手抓饼、炒河、手卷，最后以仙草冰作结。

阿辉问：“都话一次过满足你三个愿望啦。”我笑笑口话：“夹夹埋埋一百一十二蚊，Out Budget㖞！好彩我有散纸姐。”

“虽然呢度唔算卫生，又要企系度食，但我间唔中就会嚟呢度扫吓街。出面餐厅愈来愈多工场做好嘅食物，去到店入面加热就卖，捧到你面前嘅食物硬系有种疏离感。

呢度你可以见到个店主亲手准备、煮、交到你手上，食物系冒住热气，周围嘅人一齐食埋，你唔觉会好温暖咩？”

我嗯咗一声认同。

（图：AFP）

有句我无讲：“同自己喜欢嘅人一齐扫街，你一啖我一啖，呢样先令我觉得最温暖。”

想读懂香港？下面的暗号不容错过~

---

精彩文章，暗号在此：

关注橙新闻，然后在后台回复（需输入简体字）

回复【收监】

看《“港人骄傲”今日“收监待判”！前特首在判决前写下这些话》

回复【骚乱】

看《橙图集｜香港骚乱逾十小时 警察遭围殴向天鸣枪示警! 》

回复【高潮】

看《“有楼才有高潮！”这位拜金港女的话暴击了谁？ 》

回复【24】

看《24万/㎡的香港“豪宅”什么样？看完这篇你幸福指数爆表》

回复【穷人】

看《在香港做穷人不如在大陆做穷人》

回复【差异】

看《15张图秒懂香港人与内地人的差异……》