【港话】港女OL如何与“卡路里”作战？

跑数？基本上每个OL都有一条数要跑，唔理你系唔系Sales都好，呢条数叫“卡”“路”“里”！！！

知唔知一个成年人每日消耗几多卡路里？

女＝655 + (9.6 x 体重kg) + (1.8 x 身高cm) – (4.7 x 年龄)

（图：AFP）

如果你系28岁，50kg，165高的话，每日你正常会用到1300卡，前提系你唔做任何额外消耗。

想知一个中环OL系唔系Fresh好简单，你睇佢Lunch食咩就知，如果系初入行的话，食野通常都系高热量，愈系资深，愈会食得健康，上网好多咩极邪恶芝士拉丝XXX，姐望到的不高兴，而系一个天文数字。

美国有个调查，穷人同痴肥有正关系，因为平野通常都系三高又唔健康，一餐麦当劳，以我最喜欢嘅双层芝士汉堡餐，再另外叫两件鸡翼的话，估下有几多卡？系1100啊！差唔多你一日用量！

有好多同事电话都有个卡路里Apps，食乜都计过度过先食，为乜？唔好超标！比起公司业绩？我哋更在乎呢条自己数。你知唔知行出行入中环，周街都OL，你拎个H袋又点？你成个冬瓜咁都唔会有人望多你两眼，呃……我修正，会望吓你个袋啰。

人比人系女人天性，特别系中环呢个斗兽场，你想系中环地铁站踩住High Heel不时有西装友回头望吓？定系人哋望住你系觉得你肥丝大只阻住地球转？

同事个妹系某间专做小学餐饮嘅公司做推广，你知唔知佢同班小学生Sell乜？Sell健康啊！咩多菜少肉，我心谂BULL SHIT，人地小朋友有乜？有Quota啊！鸡脾炒面汽水薯片就最好，鬼唔知愈健康愈难食咩！同小朋友讲健康，呢个Marketing要拎去打啦！

计我话，OL先系健康最大市场，只要打出个健康旗号，大家就二话不说Take my money！明明以成本计，健康食物成本比起唔健康仲要低，你少肉多菜同人哋一大旧肉比一定平啦，但佢就可以叫高价，无它，因为佢哋深明我哋呢班OL为跑数无所不用其极。

公司Pantry长年都有唔少零食同杯面汽水之类嘅野，但永远都只有男同事食，女同事都敬而远之，好似好健康，但转个头有同事请食Lady M，女同事们就忘记咩卡路里，俾男同事串就会话：“女人食甜品系第二个胃！”

然后男同事就会回一句：“做运动咪唔驶就住就住啰！”

我心谂，鬼唔知咩，废话，就系唔想做运动先节食嘛！

想读懂香港？下面的暗号不容错过~

---

精彩文章，暗号在此：

先关注，然后在后台回复

回复【24】

看《24万/㎡的香港“豪宅”什么样？看完这篇你幸福指数爆表》

回复【高潮】

看《“有楼才有高潮！”这位拜金港女的话暴击了谁？ 》

回复【骚乱】

看《橙图集｜香港骚乱逾十小时 警察遭围殴向天鸣枪示警! 》

回复【穷人】

看《在香港做穷人不如在大陆做穷人》

回复【年轻】

看《香港年轻一代是井底之蛙？》

回复【差异】

看《15张图秒懂香港人与内地人的差异……（最后亮了！）》