གནས་རི་དང་རང་བྱུང་ཁམས།

ནང་ཆེན་རྫོང་ནི་མཚོ་སྔོན་ཞིང་ཆེན་ཡུལ་ཤུལ་ཁུལ་ལ་གཏོགས་ཤིང་།རྫོང་འདི་ལ་གཙང་གསུམ་འགོ་ཁུངས་ཀྱི་མུ་ཏིག་རྡོག་གཅིག་ཅེས་པའི་མཚན་སྙན་ཀྱང་ཐོབ་མྱོང་བ་རེད།རྒྱུ་མཚན་གནས་འདི་རུ་བོད་བརྒྱུད་ནང་བསྟན་གྱི་དགོན་པ་མང་པར་མ་ཟད།གྲུབ་མཐའ་མང་ལ།གནས་རིའང་ཧ་ཅང་མང་པོ་ཡོད་པ་ལ།ཡར་སྔོན་གནས་འདི་ནི་སློབ་དཔོན་པདྨ་འབྱུང་གནས་ཀྱིས་སྒྲུབ་གནས་ཡིན་པ་རེད།ཐེངས་འདིར་ང་ཚོའི་གངས་རི་གནས་མཆོག་གི་ལས་བྱེད་མི་སྣ་བོད་ཁུལ་དུ་སོང་ནས་རྒྱལ་མཚན་བཟང་བོ་དང་ཁ་བརྡ་བྱས་པས།ང་ཚོས་གནས་རི་ཡི་ཕན་ནུས་རྟོགས་པར་མ་ཟད།ད་ལྟའི་ན་གཞོན་རྣམས་ཀྱིས་གནས་རི་ལ་ལྟ་ཚུལ་ཇི་འདྲ་ཞིག་བཟུང་ཡོད་པའི་སྐོར་ལ་རྒྱུས་ལོན་བྱེད་པའི་གོ་སྐབས་ལྡན་པ་རེད།༡ ནང་ཆེན་རྫོང་གི་གནས་རི།ཆོས་ལུགས་ལོ་རྒྱུས་སྟེང་ཟིན་ཐོར་བཀོད་པ་ལྟར་ན།ཡར་སྔོན་གནས་འདི་ནི་སློབ་དཔོན་པདྨ་འབྱུང་གནས་ཀྱིས་སྒྲུབ་གནས་ཡིན་པ་རེད།ཁོང་སང་གིས་སྒྲུབ་སྦྱོང་བྱས་ཚར་རྗེས།མདོ་ཁམས་ཀྱི་གནས་མཆོག་ཉེར་ལྔ་ཡི་དཀར་ཆགས་སྡེ་དགེ་ས་ཁུལ་གྱི་གནས་རི་དཔའ་བོ་དབང་ཆེན་ནས་གཏེར་སྦས་བྱས།རྗེས་སུ་ཁོང་སང་གི་དགེ་ཕྲུག་ཆོས་རྒྱལ་གླིང་པས་གཏེར་ནས་བཏོན།ཁོང་ཚང་གི་དགེ་སྤུན་མཁས་གྲུབ་ཡོན་ཏན་རྒྱ་མཚོས་དཀར་ཆགས་དེ་ལ་བརྟེན་ནས་མདོ་ཁམས་ས་ཁུལ་གྱི་གནས་རི་དེ་དག་འཚོལ་ཞིབ་བྱས།ཡིན་ནའང་དུས་ཚོད་ཀྱི་དབང་གིས་ས་གནས་ལ་ལའི་ས་མིང་ལ་འགྱུར་ལྡོག་བྱུང་ཟིན་པའང་ཡོད་པས།མཇུག་མཐུར་ས་གནས་ལ་ལ་གཏན་འཁེལ་བྱེད་མ་ཐུབ་པའང་ཡོད།མདོ་ཁམས་གནས་མཆོག་ཉེར་ལྔ་ནི་གཙོ་བོ་ཡུན་ནན།བོད་ལྗོངས།མཚོ་སྔོན།སི་ཁྲོན་སོགས་སུ་ཡོད་ལ།དེ་དག་གི་ཁྲོད་གནས་རི་ཆེས་མང་ས་ནི་སྡེ་དགེ་རྫོང་དང་ནང་ཆེན་རྫོང་རེད།མདོ་ཁམས་གནས་ཆེན་ཉེར་ལྔ་ཡི་ཁྲོད་ཡུལ་ཤུལ་ས་ཁུལ་དུ་བཅུ་གཅིག་ཡོད་པ་རེད།

 གནས་རིའི་སྟེང་གི་དར་ལྕོག

༢ གནས་རིའི་ཐོན་ཁོངས།གནས་རིའི་སྐྱེ་དངོས་ཀྱི་སྣ་མང་རང་བཞིན་ནི་ཧ་ཅང་ཆེ་ཞིང་།རྒྱུན་ལྡན་གྱི་རི་བོ་དང་བསྡུར་དུས་ཁོའི་ཁྱད་པར་རང་བཞིན་དེ་ད་གཟོད་མངོན་ཐུབ།དེའང་རང་ཉིད་ཀྱི་དད་མོས་ལའང་འབྲེལ་བ་ཆེན་པོ་ཡོད་ཅིང་།བླ་མ་དགེ་བཤེས་དང་སྐྱེས་ཆེན་དམ་པ་ཚོས་སྒོམ་སྒྲུབ་མཛད་དུས་གནས་རི་དེ་ལ་རྣམ་ཤེས་དང་བྱིན་རླབས་བསྩལ་ཡོད།གནས་དེའི་མི་རྣམས་ཀྱིས་ཀྱང་མ་བསྐུལ་དང་བླང་གིས་དེ་ལ་སྲུང་སྐྱོབ་བྱེད་ཅིང་།ས་དེའི་མཐའ་འཁོར་གྱི་རྩི་ཤིང་མེ་ཏོག་ལ་གནོད་སྐྱོན་མི་བཟོ་པ་མ་ཟད་གནས་དེ་ནས་དབྱར་རྩྭའང་མི་བརྐོའོ། ། སློབ་དཔོན་པདྨ་འབྱུང་གནས་བོད་དུ་ཕེབས་ནས་སྒོམ་སྒྲུབ་མཛད་པའི་ལོ་རྒྱུས་ལྟ་བུ་དཔེ་བཀོད་ནས་ས་དེའི་མི་རྣམས་ལ་གནས་རིའི་གཏམ་རྒྱུད་བཤད་པ་ཡིན།སྔོན་ཆད་ཀྱི་མི་རྣམས་ད་ལྟའི་མི་དང་མི་འདྲ་པར།ཁོ་ཚོའི་སེམས་པ་ནི་ཧ་ཅང་སླད་མེད་ཅིང་མི་གཤིས་ཀྱང་དྲང་།དེ་བས་གཞན་པས་ཁོ་ཚོ་ལ་གཏམ་རྒྱུད་འདི་འདྲ་བ་དག་བཤད་དུས་ཁོ་ཚོས་བསམ་པའི་སྟེང་ནས་གནས་རི་ལ་དད་མོས་དང་གུས་པ་བྱེད་བཞིན་ཡོད་དོ། ༣  གཞོན་པ་ཚོས་གནས་རི་ལ་བཟུང་བའི་ལྟ་ཚུལ།དད་མོས་པ་ཚོས་འདི་ལྟར་གནས་རི་ལ་དད་པ་ཆེན་པོ་བྱེད་པ་ནི་གནས་རིས་ཁོ་ཚོ་ལ་ཡིད་ཆེས་དང་བྱིན་རླབས་སྦྱིན་པས་ཡིན་ལ།ཁོ་ཚོས་གནས་རི་ལ་བཟུང་པའི་དད་གུས་ཀྱི་རྣམ་འགྱུར་ཡང་རྒྱུན་ལྡན་གྱི་འཚོ་བའི་ནང་དུ་མངོན་པར་གསལ་ལོ། །རྒྱལ་མཚན་བཟང་པོའི་བཤད་ཚུལ་ལྟར་ན།ད་ལྟའི་དུས་སུ་གནས་རི་འགངས་ཆེན་དག་ལ་བསང་གཏོང་བ་དང་བསྐོར་བ་བྱེད་པ།ཡང་ན་མཚམས་ཁང་དུ་སྒོམ་སྒྲུབ་བྱེད་མཁན་ལོ་རེ་བཞིན་ཇེ་ཉུང་དུ་འགྲོ་ཡི་འདུགཉེ་བའི་ལོ་འགའི་རིང་མི་རྣམས་ཀྱིས་གནས་རི་འགངས་ཆེན་དག་ལ་བཟུང་བའི་དད་སེམས་ཡང་ཡུན་གྱིས་མེད་པར་གྱུར་གྱིན་འདུག།ད་ལྟའི་ན་གཞོན་ཕལ་ཆེ་བས་སྔོན་བྱོན་མེས་པོ་ལྟར་གནས་རི་འགངས་དང་ཆོས་ལུགས་བྱེད་སྒོ་ལ་རྒྱུས་ལོན་དང་དོ་སྣང་བྱེད་པ་ཕར་ཞོག།ཐ་ན་རང་གི་དད་མོས་ཀྱང་གསལ་བོ་ཞིག་ཤེས་ཀྱིན་མི་འདུགསྔོན་ཆད་འུ་ཅག་གི་ཕ་མེས་དག་གིས་སྲོལ་རྒྱུན་གྱི་ལྟ་བ་འདི་མི་ཚེ་གང་བོར་སྲུང་འཛིན་བྱས་ཡོང་ནའང་རྒྱུས་ལོན་ཆེར་ཡོད་པ་མ་རེད།དེ་ལྟ་ནའང་ཁོང་ཅག་གིས་སྲོལ་རྒྱུན་གྱི་ལྟ་བ་དེར་དོགས་གཞི་བློ་འགལ་མེད་པར་མ་ཟད་སྔོན་དང་བསྡུར་ནའང་དད་སེམས་ཇེ་དྲག་ཏུ་གྱུར།ཡིན་ནའང་ད་ལྟའི་ན་གཞོན་ཕལ་ཆེ་ཤས་ལ་ཕྱི་རོལ་གྱི་བསམ་བློས་ཤུགས་རྐྱེན་ཐེབས་པ་དང་།ཁོ་ཚོའི་དངོས་པོ་གསར་བ་ལྷུར་ལེན་མ་བྱས་སྔ་རོལ་ལ་་རིག་གནས་ཀྱི་བག་ཆགས་གསལ་བོ་ཞིག་ཆགས་མེད་རྐྱེན་ཡོད་ཚད་ཕར་བསྲེས་ཚུར་བསྲེས་བྱས་འདུགད་དུང་སྤྱི་ཚོགས་དང་ལས་ཞུགས་སོགས་ཀྱང་ཁོ་ཚོར་མཚོན་ན་ཤིན་ཏུ་ཐེག་དཀའ་བའི་གནོན་ཤུགས་ཤིག་ཅི་ལ་མིན།ཁོ་ཚོའི་གདོད་མ་ནས་ཁོ་ཚོར་དབང་བའི་གནས་རི་འགངས་དག་ལ་རྒྱུས་ལོན་དང་བདག་པོ་མ་རྒྱབ་ཚེ།གནས་རི་འགངས་ཆེན་དག་གི་ངོ་མཚར་བའི་རིག་གནས་དང་ལོ་རྒྱུས་སོགས་ཤེས་མཁན་ཇེ་ཉུང་དུ་ཕྱིན་ཏེ་དུས་གཏན་དུ་འབོར་ཉེན་ཆེ་ཨང་།

རྒྱལ་མཚན་བཟང་བོ་མདོ་ཁམས་ཀྱི་གནས་ཆེན་ཉེར་ལྔའི་ནང་གི་ནང་ཆེན་རྫོང་དུ་གནས་པའི་ན་བུན་རྫོང་དུ་ཡོད།

ཆ་འཕྲིན་སྣ་མང་ཅན་དང་དཔལ་འབྱོར་གྱི་བརྡབ་གསིག་འོགད་ལྟ་གངས་སྐོར(གནས་བསྟོད་མཆོད་འབུལ།)དུ་འགྲོ་མཁན་ཇེ་ཉུང་དུ་གྱུར་ཡོད་ཅིང་།གང་དེའི་དོན་སྙིང་ཤེས་མཁན་ཉུང་བར་མ་ཟད།དེའི་རྒྱུ་མཚན་སོགས་རྒྱས་པར་བཤད་ཐུབ་མཁན་ཀྱང་ཀུན་ཏུ་དཀོན་པོ་ཆགས་ཡོད།དེར་མ་ཟད་གཏེར་འདོན་པའང་ཇེ་ཉུང་དུ་གྱུར་ཡོད་པ་རེད།སྔོན་ཆད་གཏེར་འདོན་མཁན་པོ་ཚོས་གནས་རི་ནས་ཆོས་ཆས་དང་ཆོས་དཔེ་མང་པོ་གཏེར་ལས་འདོན་སྲིད་པར་མ་ཟད།ས་གནས་དེ་གའི་མི་རྣམས་ཀྱིས་གང་དེར་གསོལ་ཅིང་མཆོད་པར་བྱེད་སྲོལ་འདུགདེ་ཡིས་ང་ཚོར་རིག་གནས་རྒྱུད་འཛིན་གྱི་ལམ་ཡག་ཁ་པོ་ཞིག་བསྐྲུན་པར་མ་ཟད།གནས་རི་ལ་སྲུང་སྐྱོབ་བྱེད་པའི་འདུ་ཤེས་ཀྱང་རང་ཤུགས་སུ་སྐྱེ་རུ་འཇུག་པ་ཡིན།འོན་ཀྱང་ད་ལྟའི་བསམ་བློའི་འདུ་ཤེས་སྣ་ཚོགས་སྔོན་ཆད་དང་མི་འདྲ་བས།གནས་རིའི་གཏམ་རྒྱུད་མང་པོ་ཞིག་ཀྱང་ཁྱོད་ཀྱིས་ཐོས་ཐབས་བྲལ།དེ་བཞིན་མ་བསྐུལ་དང་བླངས་སྒོས་གང་དེ་སྔོག་འདོན་དང་རྒྱུས་ལོན་བྱེད་མཁན་ཡང་ཕལ་ཆེར་མི་འདུག།ལྡོག་སྟེ་མི་མང་པོས་གནས་རིར་འགོས་ནས་དབྱར་རྩྭ་བརྐོ་བཞིན་ཡོད་ལ།གནས་རིའི་སྟེང་གི་སྔོ་ཁེབས་དང་རི་སྐྱེས་སྲོག་ཆགས་ལ་ཡང་གཏོར་བརླག་བྱེད་བཞིན་ཡོད་པ་རེད།དེ་ལས་དཔེ་མཚོན་གསོམ་པོ་ཞིག་ནི་དཔལ་ཡུལ་རེད།(དཔལ་ཡུལ་ནི་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་ཁོངས་སུ་ཡོད།)དེ་གར་གནས་རི་འགང་ཆེན་ཞིག་ཡོད་དེ།སྔོན་ཆད་དེ་ནི་སྐད་གྲགས་ཆོད་པ་ཞིག་ཡིན།ད་ལྟ་དེ་གར་གནས་བསྟོད་མཆོད་འབུལ་ལ་འགྲོ་མཁན་གཅིག་ཀྱང་མེད་ལ།རང་གི་དུས་ཚོད་དང་ནུས་ཤུགས་བཀོལ་ནས་དེར་རྒྱུས་ལོན་བྱ་མཁན་ཡང་མི་འདུགདེ་བས་གང་དེའི་བྱིན་རླབས་ཀྱི་རང་བཞིན་ཡང་རིམ་གྱིས་ཉམ་རྒུད་དུ་འགྲོ་ཡི་ཡོད་པ་རེད།འདི་མ་ཐེ་བའི་གནས་རི་མང་པོ་ཞིག་ཀྱང་འདི་ལས་མ་འདས་སོ།།རྒྱལ་མཚན་བཟང་པོས་བཤད་པ་ལྟར།ད་ལྟའི་གནས་རི་མང་པོ་ཞིག་མིའི་རང་བཞིན་ཅན་འབའ་ཞིག་དུ་འགྱུར་གྱི་ཡོད་པ་རེད།ཁྱོད་ཀྱིས་གནས་རི་འདི་ལ་ཅི་ཙམ་མཆོད་ན། གནས་རི་གང་དེས་ཀྱང་ཁྱོད་ལ་དེ་བསྟུན་གྱི་དངོས་གྲུབ་བསྩོལ་སྲིད། དེ་བས་ན་གཞོན་མང་པོ་ཞིག་གནས་བསྟོད་མཆོད་འབུལ་དུ་འགྲོ་ཞིང་།རླུང་རྟ་སྦུར་བ་དང་དར་ལྕོག་འཐེན་པའི་འདུན་པའང་སྔར་ལས་ཇེ་དྲག་ཏུ་སོང་ཡོད།དཔེ་ཞིག་བཞག་ནས་བཤད་ན།རྒྱུགས་ལེན་པའི་དུས་སུ་གནས་བསྟོད་མཆོད་འབུལ་ལ་འགྲོ་ཞིང་དེ་འབྲེལ་གྱི་ཆོས་ལུགས་ཀྱི་བྱེད་སྒོ་སྤེལ་མཁན་ནམ་རྒྱུན་ལས་མང་པ་ཡོད།ཡང་ན་མི་རྣམས་འཚོ་བའི་ཁྲོད་ཀྱི་དཀའ་ངལ་དང་གནད་དོན་གང་ཞིག་འཕྲད་ཚེ་བླ་མའི་བཀའ་ལུང་ལྟར་གནས་རི་ལ་གསོལ་བ་འདེབས་པ་དང་ཡང་ན་སྐོར་བར་འགྲོ་བ་སོགས་མཛད་སྒོ་སྣ་ཚོགས་སྤེལ་གྱི་ཡོད།དེ་བས་དམིགས་བསལ་གྱི་ཉིན་མོ་མ་གཏོགས་མི་རྣམས་ཀྱིས་གནས་རི་ལ་དད་ཅིང་གུས་པའི་བསམ་པ་དང་སྐྲག་ཅིང་བཀུར་བའི་བསམ་པ་ད་དུང་སྲུང་ཞིང་སྐྱོབ་པའི་འདུ་ཤེས་དེ་རིམ་བཞིན་ཉམ་ཞན་དུ་གྱུར་ཟིན་ཡོད་པ་རེད།

གནས་རིའི་སྟེང་གི་རླུང་རྟ།༤  གནས་རིའི་རིན་ཐང་།བཅར་འདྲི་བྱེད་སྐབས།རྒྱལ་མཚན་བཟང་པོས་ཀྱང་གལ་ཏེ་ང་ཚོས་གནས་རི་སྲུང་སྐྱོབ་ཡག་པོ་བྱེད་ཐུབ་ན་ང་ཚོ་རང་ཉིད་ལ་སྲུང་སྐྱོབ་ཡག་པོ་བྱེད་ཐུབ་སོང་བ་རེད་ཅེས་བཤད།རྒྱུ་མཚན་ནི་ང་ཚོའི་མཐའ་འཁོར་གྱི་སྐྱེ་ཁམས་ཁོར་ཡུག་ཇེ་ལེགས་སུ་སོང་ཚེ་ས་གནས་དེ་གའི་ནོར་ལུག་དང་ཆུ་ཁུངས།སྐྱེ་དངོས།རྩྭ་ར་བཅས་ཀྱིས་ཀྱང་སྔར་ལྟར་ང་ཚོར་སྟབས་བདེ་མང་པོ་བསྐྲུན་སྲིད།འོན་ཀྱང་།གལ་ཏེ་སྲུང་སྐྱོབ་ཡག་པོ་མ་བྱས་ན་གནས་རིས་ང་ཚོར་ཉེས་ཆད་གཅོད་རྒྱུ་དེ་ང་ཚོའི་བློ་ཡུལ་དུ་འཆར་དཀའ་བ་ཞིག་ཏུ་འགྱུར་སྲིད།གནས་དེའི་མི་རྣམས་ཀྱིས་ཀྱང་གནས་རི་སྲུང་སྐྱོབ་བྱེད་པར་བྱེད་ཐབས་མང་པོ་སྤྱོད་ཀྱིན་ཡོད་དེ།དཔེར་ན།ལོ་འདི་གར་གནས་རིའི་ཉེ་འགྲམ་དུ་མཛེས་ལྗོངས་ཁུལ་བཙུགས་ཡོད་ལ།དེ་ནས་དུས་བཅད་ལྟར་ཆོས་ལུགས་བྱེད་སྒོ་རེ་སྤེལ་བས་མི་མང་པོ་རང་ཤུགས་ཀྱིས་གནས་མཇལ་ལམ་གནས་སྐོར་ལ་ཡོང་བ་རེད།ན་གཞོན་མང་བོ་ཞིག་ལ་གནས་རིའི་གཏམ་རྒྱུད་དང་ཡང་ན་གནས་རི་དེའི་རང་བྱུང་གི་འབུར་བརྙན་སོགས་བཤད་ནས་མཆོད་འབུལ་བྱེད་པ་དང་བསང་གཏོང་བ་སོགས་བྱས་ཏེ་གནས་རིའི་གནས་བདག་ལ་མཆོད་པ་ཕུལ་ནས་མི་དེ་བས་མང་བོ་ཞིག་ལ་བྱ་བ་འདི་འདྲ་བསྒྲུབ་ཏུ་འཇུག་གི་ཡོད།འོན་ཀྱང་།ལྗང་མདོག་སྲུང་སྐྱོབ་ཀྱི་འདུ་ཤེས་ཀྱང་ཁྱབ་གདལ་གཏོང་དགོས་ཏེ།དཔེར་ན།རླུང་རྟ་གཏོར་བ་དང་དར་ལྕོག་འཐེན་པར་ཚད་བཀག་དགོས་ལ་དུས་ལྟར་གད་སྙིགས་གཙང་སེལ་དང་བེད་མེད་དངོས་རྫས་མེད་པར་བཟོ་བ་སོགས་དར་སྤེལ་གཏོང་དགོས།འདི་ལྟར་བྱས་ན་གནས་རི་སྲུང་སྐྱོབ་ཐུབ་པ་མ་ཟད་སྐྱེ་ཁམས་ཁོར་ཡུག་ཀྱང་སྲུང་སྐྱོབ་བྱེད་ཐུབ་ལ།གནས་དེའི་མི་རྣམས་ཀྱི་འཚོ་བའི་ཆུ་ཚད་ཀྱང་དེ་མཚུངས་ཀྱི་མཐོ་རུ་འགྲོ་གིན་ཡོད།མ་དཔེའི་ཐབས་འདི་རིགས་ལ་ཁས་ལེན་ཐོབ་ཚེ་རྗེས་ཕྱོགས་འདི་ལས་མང་བའི་གནས་རི་ལའང་མ་དཔེའི་ཐབས་འདི་རིགས་ལ་བརྟེན་ནས་སྲུང་སྐྱོབ་བྱེད་ཐུབ་པར་སྲིད།ན་གཞོན་དེ་ལས་མང་བོ་ཞིག་ལ་འདུ་ཤེས་འདི་མུ་མཐུད་རྒྱུན་འཛིན་བྱེད་དུ་བཅུག་ན་མཐར་ཡོང་འབབ་དེ་བས་མང་བ་ཐོབ་མཁན་ནི་སྔར་བཞིན་ང་ཚོ་འགྲོ་བ་མིའི་རིགས་རང་ཉིད་ཡིན།

 རྡོ་ཐོག་ལ་བྲིས་པའི་མ་ཎི་ཡིག་དྲུག

༥  རྩོམ་སྒྲིག་པའི་མྱོང་ཚོར།གནས་དེའི་འབྲོག་པས་རང་བྱུང་ཁམས་ལ་བཅངས་པའི་བླ་ན་མེད་པའི་དད་གུས་འདུ་ཤེས་ལ་བབ་ཆགས་པའི་སྐྱེ་ཁམས་འདུ་ཤེས་ཀྱིས་ཁེངས་ཡོད་ཅིང་།དེའི་ཁྲོད་ཀྱི་གནས་རིའི་འདུ་ཤེས་ནིདེ་བས་ཀྱང་མངོན་གསལ་ཡིན།གནས་བདག་ལ་མཆོད་འབུལ་བྱ་རྒྱུ་ནི་ང་ཚོ་སངས་རྒྱས་ཆོས་ལུགས་ལ་དད་མོས་བྱེད་པའི་སྲོལ་རྒྱུན་གྱི་འདུ་ཤེས་ཤིག་ཡིན་པ་དང་གནས་རི་དེར་དད་པ་དང་གུས་བཀུར་བྱ་རྒྱུ་དེའང་གནས་དེའི་མི་རྣམས་ཀྱི་འཚོ་བའི་ཁྲོད་ཀྱི་ཆ་ཤས་ཤིག་ཏུ་གྱུར་ཡོད།ང་ཚོས་ལྷག་པར་འདུ་ཤེས་དེ་རྒྱུན་འཛིན་དང་སྲུང་སྐྱོབ་བྱེད་དགོས།གནས་རིའི་འཛེམ་བྱ་དང་སྲུང་སྐྱོབ་འདུ་ཤེས་དག་ལྡོག་ནས་བལྟས་ནའང་ཕྱི་རོལ་ཡུལ་དང་མཐུན་པའི་སྒོ་ནས་བོད་ཁུལ་གྱི་སྐྱེ་ཁམས་སྲུང་སྐྱོབ་བྱས་ཡོད།སྐྱེ་ཁམས་ཀྱི་གནད་དོན་ཉིན་བཞིན་ཛ་དྲག་ཏུ་འགྲོ་བའི་ད་སྐབས།བོད་ཁུལ་གྱི་གནས་རི་སྲུང་སྐྱོབ་ཀྱི་འདུ་ཤེས་ཀྱིས་འཕེལ་རྒྱས་ཁྲོད་ཀྱི་མི་དང་རང་བྱུང་ཁམས་བར་གྱི་ཞི་མཐུན་གྱི་འབྲེལ་བ་ཇི་ལྟར་འཛུགས་རྒྱུ་དང་སྐྱེ་ཁམས་ཁོར་ཡུག་སྲུང་སྐྱོབ་བྱ་རྒྱུར་བློ་སྒོ་འབྱེད་པ་དང་དཔྱད་གཞིར་འཛིན་པའི་ནུས་པ་ངེས་ཅན་ཞིག་ལྡན་ཡོད།ལྗང་མདོག་འཕེལ་རྒྱས་དེ་ད་ལྟའི་སྤྱི་ཚོགས་ཀྱིས་ཚད་མཐོའི་ངང་དར་སྤེལ་གཏོང་བའི་ཁོར་ཡུག་སྲུང་སྐྱོབ་ཀྱི་འདུ་ཤེས་ཤིག་ཏུ་གྱུར་ཡོད་ལ།ཉིན་རེར་ཛ་དྲག་ཏུ་འགྲོ་བཞིན་པའི་སྐྱེ་ཁམས་ཁོར་ཡུག་སྦགས་བཙོག་གི་གནད་དོན་དང་རང་བྱུང་ཁོར་ཡུག་གནོད་སྐྱོན་གྱི་གནད་དོན་སོགས་སྣང་ཚུལ་འདི་དག་གིས་ང་ཚོར་བསམ་བློ་ཟབ་མོ་གཏོང་དུ་འཇུག་ཐུབ།འདི་ལྟ་བུའི“དཀའ་ཁག་གི་གནས་ཚུལ”ནི་མི་རྣམས་ཀྱིས་འཕེལ་རྒྱས་ཀྱི་བརྒྱུད་རིམ་ཁྲོད་ཁོར་ཡུག་སྲུང་སྐྱོབ་སྣང་མེད་དུ་བཞག་པ་དང་འབྲེལ་བ་དམ་པོ་ཡོད་པ་ཤེས་ཐུབ།ང་ཚོའི་ཁོར་ཡུག་སྔོ་ཞིང་དྭངས་བའི་རི་ཆུ་ཀླུང་གསུམ་གྱིས་བསྐོར་ཅིང་སྲོག་ཆགས་ཀྱི་ཅ་ཅོའི་སྒྲ་དང་འགྲོགས་ཡོད་དུས་སྐྱེ་ཁམས་སྲུང་སྐྱོབ་བྱ་རྒྱུ་དེ་འཕེལ་རྒྱས་ཀྱི་སྔོན་འགྲོའི་ཆ་རྐྱེན་དུ་གྱུར་ཡོད་ལ།ཕྱོགས་གཅིག་ནས་སྐྱེ་ཁམས་ལེགས་པོས་ས་དེའི་མི་རྣམས་ལ་ཁོར་ཡུག་འཚམ་པོ་ཞིག་བསྐྲུན་པ་དང་ཕྱོགས་གཞན་ཞིག་ནས་ད་དུང་མི་རྣམས་ལ་དཔལ་འབྱོར་གྱི་ཁེ་ཕན་བཟང་བོ་ཞིག་ཁྱེར་ཡོང་ཡོད་པས་ཆེས་བདེ་སྐྱིད་ལྡན་པ་ནི་མིའི་རིགས་རང་ཉིད་ལས་མ་འདས།མདོ་ཁམས་ཀྱི་གནས་ཆེན་ཉེར་ལྔ་འབྲི་བའི་ཐོག་མའི་བསམ་འདུན།ཉེ་བའི་ལོ་ཤས་རིང་ལ་བོད་ཁུལ་གྱི་རི་ཆུ་ཐམས་ཅད་ཟིན་ཐོར་འགོད་པ་ནི་གནས་རིའི་རིག་གནས་སྔོག་འདོན་དང་ཁྱབ་སྤེལ་བྱེད་པའི་ཆེད་དུ་ཡིན་པ་མ་ཟད་བོད་ཁུལ་གྱི་འབངས་མི་སེར་ལ་ཁྲིད་སྟོན་ཧུར་ཐག་བྱས་ཏེ།གནས་རི་གཞི་རྟེན་དུ་བྱས་ནས་བབ་ཆགས་ཀྱི་ཆོས་ལུགས་དད་མོས་དང་སྐྱེ་ཁམས་ཁོར་ཡུག་སྲུང་སྐྱོབ་ཀྱི་འདུ་ཤེས་སྔར་ལས་ལྷག་པར་ཟུང་འབྲེལ་བྱས་ཏེ་དད་མོས་དང་ཁོར་ཡུག་སྲུང་སྐྱོབ།དེ་བཞིན་ཕྱོགས་གཞན་དག་བར་གྱི་འབྲེལ་བ་ཐག་གཅོད་ཡག་པོ་བྱེད་དགོས་ལ།འདི་ཉིད་བྱ་སྤྱོད་ཀྱི་རང་རྟོགས་དང་བསམ་བློའི་རང་རྟོགས་ཤིག་ཏུ་འགྱུར་བར་བྱེད་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཏོན་པའིདྭངས་ཤིང་གཙང་བའི་རི་ཆུ་ཀླུང་གསུམ་ནི་གསེར་རི་དངུལ་རི་ཡིན་པའི་འཐབ་ཇུས་ཀྱི་བསམ་བློ་དང་ལེགས་གཅིག་མཐོ་གཉིས་ཀྱི་འཐབ་ཇུས་ཀྱི་བསམ་བློ་ལག་ལེན་ཡག་པོ་བྱེད་དགོས་ཤིང་།གནས་རིའི་རིག་གནས་དང་གཙང་ཆབ་སྔོན་མོ་ཤར་ཕྱོགས་རྒྱུག་ཅིང་གནས་རིའི་རིག་གནས་དང་སྔོ་ལྗང་སྐྱེ་ཁམས་སྲུང་ཡོལ་མཚོ་སྔོན་གྱི་ལྷོ་སྒོ་ཆེན་མོར་འགྱེང་ངེར་གནས་སུ་བྱེད་དགོས།

བཅར་འདྲི་བྱ་ཡུལ་ངོ་སྤྲོད།རྒྱལ་མཚན་བཟང་བོ།མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ནང་ཆེན་རྫོང་གི་འབྲོག་ཤོག་ཤང་དུ་སྐྱེས།༢༠༡༡ལོར་ལྷོ་ནུབ་མི་རིགས་སློབ་ཆེན་གྱི་མཚན་ཉིད་རིག་པའི་རབ་འབྱམས་པའི་ཞིབ་འཇུག་སློབ་མ་ནས་མཐར་ཕྱིན།ད་ལྟ་ནང་ཆེན་རྫོང་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་དང་ནང་ཆེན་རྫོང་རིག་རྩལ་ཡུལ་སྐོར་རླུང་འཕྲིན་གློག་བརྙན་ཅུའུ་ཡི་ཅུའུ་ཀྲང་གཞོན་པ་གཉིས་ཀྱི་འགན་གཅིག་ལྕོགས་སུ་འཁུར་ཡོད།སྔ་རྗེས་སུ《གཙང་གསུམ་མགོ་ཁུངས་ཀྱི་སྐྱེ་ཁམས་ཡུལ་སྐོར་གསར་སྤེལ་སྐོར་གླེང་བ》དང《བོད་ཁུལ་དུ་ཚད་མ་རིག་པ་རྒྱུན་འཛིན་བྱེད་པ་རགས་ཙམ་གླེང་བ》སོགས་དཔྱད་རྩོམ་བཅུ་གྲངས་སྤེལ་ཞིང་། ༢༠༡༣ལོར་མཚོ་སྔོན་མི་རིགས་དཔེ་སྐྲུན་ཁང་དུ《མདོ་ཁམས་ཀྱི་གནས་ཆེན་ཉེར་ལྔ》（དེབ་སྟོད་སྨད）ཞེས་པ་དཔེ་སྐྲུན་བྱས།

རྒྱལ་མཚན་བཟང་བོ་མདོ་ཁམས་ཀྱི་གནས་ཆེན་ཉེར་ལྔའི་ནང་གི་དཔའ་ལུང་རྫོང་དུ་གནས་པའི་གནས་ཆེན་ཏན་ཏིག་ཏུ་ཡོད་པ།

上篇翻译：拉毛才让，青海海西人，青海师范大学民族师范学院在校生

下篇翻译：羊增吉，青海省海南州同德县人，现就读于青海民族大学法学院

如果您恰好是三江源当地老百姓或是本地兽医，希望你可以扫描下方二维码，参与野生动物救助的调查问卷，帮助我们找到最优的解决方案。

欢迎大家扫描填写【三江源地区野生动物救助的调查问卷】

也欢迎你扫码支持雪境的野生动物救助众筹项目

帮助我们每一个生命都能共享雪山圣境

温馨提示：欢迎大家转发

转载或应用文字和图片请与我们联系！