其他
སྤྱོད་འཇུག་ཐོགས་འགྲེལ། ཉིན་ {༣༦}
ཉིན་སོ་དྲུག་པ།
ཆོས་རྗེ་ཡིད་བཞིན་ནོར་བུས།
རང་གི་སྲོག་ལ་ཐུག་ཀྱང་བླ་མ་དཀོན་མཆོག་གསུམ་ནམ་ཡང་སྤང་མི་རུང་། བྱང་ཆུབ་སྒྲུབ་པ་ལ་དམ་བཅའ་རྡོ་རྗེའི་བྲག་རི་ལས་ཀྱང་བརྟན་དགོས། འགྲོ་བ་མཆོག་དམན་ཀུན་ལ་བསམ་པ་དཀར་པོ་འཆང་ནས་གཞན་སེམས་མ་དཀྲུག དེ་གསུམ་ང་གསོན་ན་ཁ་ཏ་ཡིན་ལ། ཤི་ན་ཁ་ཆེམས་ཀྱང་ཡིན།
རྟེན་ཅིང་འབྲེལ་བར་འབྱུང་འདི་རྒྱལ་བ་ཡི།།
གསུང་གི་མཛོད་ཀྱི་གཅེས་པ་ཟབ་མོ་སྟེ།།
གང་གིས་འདི་ཉིད་རྣམ་པར་མཐོང་བ་དེས།།
སངས་རྒྱས་དེ་ཉིད་རིག་པའི་རྣམ་མཆོག་མཐོང་།།
འདིས་མཚོན་དུས་གསུམ་ལེགས་བྱས་སྣང་བའི་རྒྱུན།།
མཁའ་མཉམ་ལུས་ཅན་འགྲོ་བའི་ཕྱིར་འབྲངས་ཏེ།།
སྟོབས་བཅུའི་རྒྱལ་ཐབས་མཆོག་ལ་དབུགས་ཕྱུང་ནས།།
ཉེར་བདུན་ཕྲིན་ལས་དཔལ་གྱིས་ཕྱུག་པར་སྨོན།།