[申情申音]念书的美好记忆 来源：新民晚报 作者：

来源：新民晚报

作者：汪芳

改编、推荐：丁迪蒙

朗读：郭莉

图片来自网络

[由于公众号平台赞赏功能规则有变化，如想打赏，可长按打赏码（页面下方倒数第2个二维码），多谢朋友们对“麦唐作”的支持！]

    我个祖父原籍池州殷汇，搿地方山清水秀，是邪气有灵气个南方。无论家族或者时代个变迁，世世代代注重个是教养、念书、习字，而且从来勿放弃对女小囡个文化教育。

方言当中，殷汇人拿读书称之为“念书”；意思是，读书勿能仅止于表面，需要花费心思、有苦思冥想个过程。

    我记得我个姑婆，伊是我祖父同父异母个小妹妹。据说，伊十几岁辰光，从家乡殷汇一路到金陵女子学院去求学，迭个并勿容易。当时几个樵夫挑仔扁担，女佣人还陪勒海，路浪向个周折就是好几天。迭个已经是民国辰光个事体，但是搭祝英台从上虞奔赴杭州求学个样子倒还是蛮像个。

    我念书个习惯从童年开始。当时，我个祖父身浪向还有历史反革命个罪名。勿仅如此，交关年数以来伊一直勒生毛病，伊个辰光是缺医少药个。当然，即使有得优越个医疗资源，就伊当时个状况，也是呒没资格得到救治个。

    勒老房子里，童年辰光读书个景象，老清晰个出现勒我个梦里向。我做梦看见了搿幢青瓦白墙个老屋；也勿止一次，勒我自家个笔下，描写过迭间老屋。我其实并勿想从梦里向醒过来。勒梦里向，我真切个碰到了祖父、祖母，伊拉总归是衣着干净体面个，伊拉安宁慈祥个样子，仍旧勿变个容貌，像煞辰光永远勿会催伊拉老去。我晓得，童年斑斓碎片个记忆，老早已经是我心里向永远盛开勒海个一片向日葵田间。

    长辈个压抑我呒没感受。街坊邻居总归是邪气友好个打招呼，平常辰光，大大小小个事体侪大家相互照应勒海。几乎是每日天，夕阳西下个辰光，总归有阿哥个几个同学过来，一道勒屋里温习功课或者写字。祖父还工整个写了一本颜真卿个楷书字帖，希望子孙后代可以临摹。

    勒家规当中，女小囡侪应该是深居简出个。所以，我勒懵懵懂懂当中断断续续个看了《红楼梦》，也勿理解。随勒年纪个增长阅历个增长，一次又一次再去翻阅。曹雪芹不惜笔墨描写女小人琴棋书画个交关细节，其实是勒讲清代大家族是何等重视女小囡个教育。黛玉刚刚进贾府个辰光，贾母抱牢迭个邪气怜爱个外孙囡，一阵伤心眼泪之后，贾母马上传言话：“请姑娘们侪来。今朝远客刚刚到，侪勿必上学去了。”由此可见，贾府个女小囡，平常侪有专门读书上学个地方，并呒没因为衣食无忧而游手好闲。

    贾母接下来就问黛玉“念啥个书？”黛玉回答：“只是刚刚念了《四书》。”黛玉又问姊妹们读啥个书。贾母讲：“读的是什么书，不过是认得两个字，不是睁眼的瞎子罢了！”其实，满腹诗书才情个黛玉，初次到外祖母屋里，心里晓得自家要自谦个。

    “撕扇子作千金一笑。千金难买一笑，几把扇子能值几何？”贾宝玉搿眼言话栩栩如生，我已经勿晓得品味过多少次了。曹雪芹个文字取悦个勿仅是书中人物，伊还丰富了一代又一代读者个内心。

    我个祖父呒没等到平反昭雪个伊日天，伊根本无法想象国家繁荣昌盛，百姓富足祥和个今朝。

    良好个念书习惯，随便遭遇哪能介个困境委屈；对于知识个孜孜以求，勿去追逐名利，搿个就是祖父给予我伲难能可贵个精神财富。

阿拉最近还发过：

【麦唐作】即“麦小姐”和“唐厂长”的作品，是以沪语（语音口音偏上海市区音；文本表达参照钱乃荣《上海话大词典》及《上海话小词典》）为主打的原创方言专栏。文体、形式自由不羁，力求“做得开心，听得满意”。

“麦唐作”又取“卖糖粥”之谐音，愿为众友献上一份带着生活回甘的“地气美食”。

【申情申音】本栏目以沪语朗读为主打，文字来源可原创，也可选取其他老师的优秀文章进行适度改编（尽量取得原作者的授意，如暂未能及时联络得上，也将尊重其原文著作）。

申音悠悠，好文共赏。

本公众号发布内容（包括音频及未注明“来源”的文字、图片）皆为原创，作者保留对作品的著作权。未经授权允许，不得擅自转载。

非常感谢何东先生和何予西同学、陶嵩飞同学，为“麦唐作”公众号制作、演唱片尾曲。

如有需要转载或其他工作邀约：

可添加微信号：Leslie_0207 

或邮件：[e-mail]

多谢您的支持和欢喜！