[麦唐作]卖炭翁

文、音：唐厂长

编辑、诗文抄写：麦小姐

主图来自网络

“卖炭翁，伐薪烧炭南山中。满面尘灰烟火色，两鬓苍苍十指黑。卖炭得钱何所营？身上衣裳口中食。可怜身上衣正单，心忧炭贱愿天寒。夜来城外一尺雪，晓驾炭车辗冰辙。牛困人饥日已高，市南门外泥中歇。

翩翩两骑来是谁？黄衣使者白衫儿。手把文书口称敕，回车叱牛牵向北。一车炭，千余斤，宫使驱将惜不得。半匹红绡一丈绫，系向牛头充炭直！”

刚才我读个迭首诗是唐朝诗人白居易所写个，相信交关朋友侪比较熟悉，因为我伲小个辰光侪曾经学过、背过甚至默写过。伊主要写卖炭翁辛苦烧炭，却被太监强行收购个经过，揭露当时官市个黑暗横暴。其中写到：“一车炭，千余金”脱“半匹红绡一丈绫”，反衬出当时官市掠夺的残酷。

或许有朋友要问，诗中所提到个“半匹红绡一丈绫”，迭个“绡”脱“绫”是啥物事呢？“绡”，也就是生丝，是中国古代个一种生丝个织物，采用桑蚕丝或者人造丝，以平纹或者变化平纹织成个轻薄透明个高档丝织物。适宜做女式个晚礼服、连衫裙以及披纱、头巾咾啥。绫呢？也是中国另外个一种传统丝织物，是辣绮个基础浪发展而来个。伊个质地光滑、软熟、轻薄，用于制作衬衫、睏衣以及装裱高档个图画、书籍以及高档礼品匣等等等等。

由此可见，迭个两种料作辣当时也是比较高档个面料。根据史料记载，辣唐朝个辰光，所有丝织品统称绢帛，绢帛辣当时辰光是一种货币，是一种硬通货。埃个辰光一匹个计量单位差勿多是十二米左右，伊个价值辣两千文左右浮动。也就是讲，诗中所讲个“半匹”脱“一丈”加起来相当于十米，也就是一千多文个价值，并勿是我伲所想象当中个一文不值。

由此想到了之前南通个市场管理者对一位卖甘蔗个老人个抢夺行为，通过网友个手机拍了之后发到网浪向。看了迭段录像心里向真个老勿是味道个。白居易活辣唐朝，伊手里向呒没手机，呒没办法拍，但是伊用文字记录了当时个社会形态。当时个“黄衣使者白衫儿”用现在个行话来讲，应该相当于现在个公务员得事业编制人员[口伐]。当时至少是官吏，伊拉是名正言顺个出来征收物资，勿管是用半匹红绡一丈绫调迭个一车炭，是勿是价值相等，但是至少生活是做齐了。勿像现在，不由分说，一群黑衣裳个人盯牢一个老头子抢，迭个算啥个意思呢？真个勿晓得是社会个进步还是退步啊！

我相信白居易假使活到现在，看到迭副场景勿晓得伊会哪能写，当时伊是写个“翩翩两骑来是谁，黄衣使者白衫儿”，看到南通迭个情况，伊会勿会写：开来两部皮卡车，下来一群墨黜黑！

（20211212）

阿拉最近还发过：

如何搜索我号已发布的文章：

方法一：按分栏子菜单搜索（如下图）

方法二：按关键字/词搜索（如下图）

【麦唐作】即“麦小姐”和“唐厂长”的作品，是以沪语（语音口音偏上海市区音；文本表达参照钱乃荣《上海话大词典》及《上海话小词典》）为主打的原创方言专栏。文体、形式自由不羁，力求“做得开心，听得满意”。

“麦唐作”又取“卖糖粥”之谐音，愿为众友献上一份带着生活回甘的“地气美食”。

本公众号发布内容（包括音频及未注明“来源”的文字、图片）皆为原创，作者保留对作品的著作权。未经授权允许，不得擅自转载。

非常感谢何东先生和何予西同学、陶嵩飞同学，为“麦唐作”公众号制作、演唱片尾曲。

如有需要转载或其他工作邀约：

可添加微信号：Leslie_0207 

或邮件：[e-mail]

多谢您的支持和欢喜！