ལྷ་བབ་དུས་ཆེན་གྱི་ངོ་སྤྲོད། 殊胜吉祥日——恭迎佛陀天降
སྟོན་པ་ལྷ་བབས་དུས་ཆེན།
佛陀殊胜节日
བོད་ཟླ་༩བའི་ཚེས་༢༢ཉིན་ནི་ལྷ་བབས་དུས་ཆེན་ཡིན་ཞིང་།ལྷ་བབས་དུས་ཆེན་ནི་སྟོན་པ་ཐུབ་པའི་དབང་པོས་གདུལ་བྱ་རྣམས་ཐར་པ་དང་ཐམས་ཅད་མཁྱེན་པའི་གནས་སུ་འཁྲིད་ཐབས་སུ་མཛད་པ་བཅུ་གཉིས་སོགས་མཛད་པའི་རྣམ་གྲངས་མང་པོ་ཞིག་བསྟན་གནང་ཡོད་པའི་ནང་ཚན་ཞིག་ཡིན་ཞིང་།
བོད་མི་རྣམས་ཀྱིས་ཉིན་དེར་སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པར་ངོས་བཟུང་ནས་རང་རང་གནས་ཡུལ་གྱི་དགོན་ཁག་ལ་མཆོད་མཇལ་དུ་འགྲོ་བ་དང་།ཕྱག་མཆོད་འབུལ་བྱེད་པ་སོགས་རྣམ་དཀར་དགེ་བའི་ལས་ལ་བརྩོན་པ་དང་། དེ་ཡང་སྟོན་པ་ཤཱཀྱ་ཐུབ་པ་མངོན་པར་སངས་རྒྱས་ནས་གདུལ་བྱ་མང་པོ་ཆོས་ལ་བཀོད་དེ་དགུང་ལོ༤༡ ལ་ཕེབས་པའི་ལོར།
རང་ཉིད་ཀྱི་ཡུམ་སྒྱུ་མ་ལྷ་མཛེས་མི་ཡུལ་ནས་ཚེ་འཕོས་ཏེ་འདོད་ལྷར་སྐྱེས་པ་དེ་ཉིད་གཙོ་བར་གྱུར་བའི་ལྷ་བགྲང་ལས་འདས་པ་ཞིག་གི་རྒྱུད་ལ་རྣམ་དཀར་ཐར་པ་ཆ་མཐུན་གྱི་དགེ་བའི་རྩ་བ་ཡོད་པ་རྣམས་སྨིན་གྲོལ་གྱི་གནས་སུ་འགོད་པའི་དུས་ལ་བབས་པ་མཁྱེན་ནས།སངས་རྒྱས་འཁོར་དང་བཅས་པ་ལྷ་གནས་སུམ་ཅུ་རྩ་གསུམ་དུ་ཕེབས་ནས།
ལྭ་བ་དཀར་པོ་ལྟ་བུའི་རྡོ་ལེབ་ཀྱི་སྟེང་དུ།ཤ་རིའི་བུ་དང་འོད་སྲུངས་སོགས་དགྲ་བཅོམ་པ་བརྒྱད་སྟོང་གི་འཁོར་གྱི་དབུས་སུ་དབྱར་གནས་མཛད་པར་མ་ཟད་ཡུམ་སྒྱུ་མ་ལྷ་མཛེས་ཀྱི་སྐུ་སྐྱེ་སོགས་ལྷ་ཡི་རིས་ཀྱི་གདུལ་བྱ་རྣམས་ལ་ཆོས་སྟོན་བཞིན་བཞུགས།
དེའི་དུས་སུ་རྒྱ་གར་གྱི་ཡུལ་མཉན་ཡོད་ཅེས་པར།རྫུ་འཕྲུལ་ཅན་གྱི་མཆོག་གྱུར་འཕགས་པ་མོའུ་འགལ་གྱི་བུ་ལ་སོགས་པའི་ཚངས་པར་སྤྱོད་པའི་དགེ་སློང་དུ་མ་ཐབས་གཅིག་ཏུ་དབྱར་གནས་མཛད་བཞིན་བཞུགས་པ་ན།རྒྱ་གར་ཡུལ་དབུས་ཀྱི་རྒྱལ་པོ་གཟུགས་ཅན་སྙིང་པོ་གཙོས་རྒྱལ་པོ་གསལ་རྒྱལ་ལ་སོགས་པའི་མི་རྣམས་ཀྱིས་བཅོམ་ལྡན་འདས་གང་དུ་བཞུགས་པ་མ་ཤེས་པས།འཕགས་པ་མོའུ་འགལ་གྱི་བུའི་དྲུང་དུ་སོང་ནས་དྲི་བ་ཞུས་པའི་ལན་དུ།
མོའུ་འགལ་གྱི་བུས་བཅོམ་ལྡན་འདས་ལྷ་ཡི་གནས་སུ་བཞུགས་ཡོད་ཅེས་གསུངས།དེ་ནས་ཞག་དགུ་བཅུ་འདས་པའི་དུས་སུ་གོང་གསལ་རྒྱལ་པོས་དབུས་པའི་མི་རྣམས་ཀྱིས་ཡང་བསྐྱར་མོའུ་འགལ་གྱི་བུ་ལ།འོ་ཅག་གིས་སྟོན་པ་ཐུགས་རྗེ་ཅན་གྱི་སྐུ་མ་མཐོང་ཞིང་། གསུང་ཡང་མ་ཐོས་པར་ཡུན་རིང་སོང་བས།འཕགས་པ་རྫུ་འཕྲུལ་ཅན་ཁྱེད་ཀྱིས་བཅོམ་ལྡན་འདས་ལ་ཞུས་ལ་འཛམ་གླིང་དུ་སྤྱན་དྲོངས་རོགས་ཞེས་གསོལ་བས།འཕགས་པ་མོའུ་འགལ་གྱི་བུས་ཀྱང་སྐད་ཅིག་དེ་ཉིད་དུ་ལྷའི་གནས་སུ་བྱོན་ཏེ་སངས་རྒྱས་ལ།
མིའི་འགྲོ་བ་རྣམས་ལྷའི་ཡུལ་ལ་འོང་བར་དཀའ་ཡང་།ལྷ་རྣམས་ནི་འཛམ་བུའི་གླིང་དུ་འོང་བར་དཀའ་བ་མེད་ན། སྟོན་པ་ཐུགས་རྗེ་ཅན། མིའི་རིགས་ཀྱི་འགྲོ་བ་རྣམས་ལ་བརྩེ་བས་དགོངས་ནས་འཛམ་བུ་གླིང་དུ་བྱོན་རོགས་ཞེས་གསོལ་བ་བཏབ་པ་ལྟར།སྟོན་པ་མཆོག་གིས་ཀྱང་།
བདུན་ཕྲག་གཅིག་ནས་གསལ་ལྡན་གྱི་གྲོང་གི་ལ་བ་ཛ་རའི་ནགས་སུ་ཨུ་དུམ་ཝ་རའི་ཤིང་དྲུང་དུ་བྱོན་པར་ཞལ་གྱིས་བཞེས།མོའུ་འགལ་གྱི་བུས་སྐད་ཅིག་ཉིད་ལ་སླར་མི་ཡུལ་དུ་བྱོན་ནས་མི་རྣམས་ལ་གསུངས་པས་མི་རྣམས་ཡིད་རབ་ཏུ་མགུ་ནས་ས་ཕྱོགས་གང་དེར་བྱི་དོར་དང་།མཆོད་པའི་ཚོགས་རྒྱ་ཆེན་པོ་བཤམས་ཏེ་ཕེབས་སྒུག་ཞུས།
སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པའི་ཉིན་མོར།ལྷ་ཡི་དབང་པོ་བརྒྱ་བྱིན་གྱིས་ལྷའི་བཟོ་བོ་བིཤྭ་ཀརྨ་ལ་བཀའ་གནང་སྟེ་རི་རབ་ཀྱི་རྩེ་མོ་སུམ་ཅུ་རྩ་གསུམ་ནས་མི་ཡུལ་བར་དུ་དཀྱིལ་ལ་རིན་ཆེན་བེཌཱུརྱའི་ཐེམ་སྐས་དང་།དེའི་གཡས་ཕྱོགས་སུ་གསེར་དང་། གཡོན་དུ་ཤེལ་ལས་གྲུབ་པའི་ཐེམ་སྐས་བཙུགས།
ལྷ་ཚངས་པས་རིན་པོ་ཆེའི་རྔ་གཡབ་སངས་རྒྱས་ཀྱི་སྐུ་ལ་གཡོབ་བཞིན་སྐུའི་གཡས་ཕྱོགས་ཀྱི་གསེར་གྱི་ཐེམ་སྐས་ནས་འོངས་ཤིང་།ལྷ་དབང་བརྒྱ་བྱིན་གྱིས་ལྷ་ཡི་གདུགས་རྩིབས་སྟོང་ཅན་ལག་ཏུ་བཟུང་སྟེ་སངས་རྒྱས་ཀྱི་སྐུའི་གཡོན་ཕྱོགས་ཤེལ་གྱི་ཐེམ་སྐས་སྟེང་ནས་འོངས།སངས་རྒྱས་འཁོར་དང་བཅས་པ་རྣམས་བེཌཱུ་རྱའི་ཐེམ་སྐས་ནས་ཕེབས། དེ་ཡང་བཅོམ་ལྡན་འདས་ཀྱི་ཞབས་ས་ལ་རེག་ཏེ་ཕེབས་ན།ཕྱི་རོལ་བ་ལ་སོགས་པའི་སྐྱེ་བོ་ངན་རྟོགས་ཅན་རྣམས་ཀྱིས། ད་དགེ་སྦྱོང་གོ་ཏ་མ།
མཐུ་དང་རྫུ་འཕྲུལ་ཉམས་སོ་ཞེས་ལོག་རྟོག་ངན་པ་སྐྱེ་བར་གྱུར་བ་དང་།ཆོ་འཕྲུལ་ཁོ་ནས་ཕེབས་ན། ལྷའི་བཟོ་བོ་རྣམས་ཀྱི་བསོད་ནམས་འཕེལ་བར་མི་འགྱུར་བ་མཁྱེན་ནས་སྐབས་རེ་རྫུ་འཕྲུལ་དང་།སྐབས་རེ་ཞབས་ས་ལ་རེག་པའི་ཚུལ་གྱིས་བྱོན།
མིའི་དྲི་མི་ཞིམ་པ་དེས་ལྷ་རྣམས་ཉེ་འཁོར་དུ་འོང་མི་བཟོད་པ་དང་།མིས་ལྷ་དངོས་སུ་མཐོང་ན་དེ་དག་ལ་གཡེང་ནས་ཆོས་ཀྱི་དོན་ལ་སེམས་མི་གཏོད་པ་མཁྱེན་ནས་སངས་རྒྱས་ཀྱིས་མིའི་དྲི་རྣམས་ཙན་དན་གྱི་དྲི་དང་།མི་རྣམས་ལ་ལྷའི་བུ་དང་བུ་མོ་མི་མཐོང་བར་བྱིན་གྱིས་བརླབས་ནས་ཡུལ་གསལ་ལྡན་གྱི་གྲོང་ཁྱེར་དུ་བྱོན་ཏེ་སེང་གེའི་ཁྲིའི་སྟེང་དུ་བཞུགས་ནས་འགྲོ་བ་མཐའ་ཡས་པ་ལ་སྐལ་བ་དང་འཚམ་པའི་ཆོས་ཚུལ་དུ་མ་བསྟན་པར་མཛད་དོ།།
གཟུངས་སྔགས་ནི། ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧཱ།
བསྔོ་སྨོན།
འཇམ་དཔལ་དཔའ་བོས་ཇི་ལྟར་མཁྱེན་པ་དང༌། །
ཀུན་ཏུ་བཟང་པོ་དེ་ཡང་དེ་བཞིན་དེ། །
དེ་དག་ཀུན་གྱི་རྗེས་སུ་བདག་སློབ་ཕྱིར། །
དགེ་བ་འདི་དག་ཐམས་ཅད་རབ་ཏུ་བསྔོ། །
དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །
བསྔོ་བ་གང་ལ་མཆོག་ཏུ་བསྔགས་པ་དེས། །
བདག་གི་དགེ་བའི་རྩ་བ་འདི་ཀུན་ཀྱང༌། །
བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །
藏历九月二十二（11/15）
佛陀上天宫为母说法
七十九岁的佛陀当时从祗树给孤独园的香室升到忉利天，佛陀为报母恩，亲自前往三十三天——在忉利天的波利质多树下，为母亲摩耶夫人宣讲《地藏本愿经》，共九十日，全经十三品，详说三世因果，六道苦空，普度众生的大慈大悲，统万类而靡遗，亘古今而无尽。
所以佛教门徒皆以此经为报答亲恩的唯一孝经。佛陀还讲述了《大白伞盖陀罗尼经》、《尊胜佛顶陀罗尼经》等经典，使无量众生发起菩提心或证得果位，摩耶夫人以此得证须陀洹果。人间的弟子好久未见到佛陀，心中有无限思念，纷纷造佛像忆念佛陀，并且加倍用功修行，一心祈请佛陀早日回到人间，慈悲的佛陀说法圆满后，允诺弟子将回到人间。弟子无不欢欣雀跃，准备迎接佛陀回到人间！
佛陀从忉利天下降人间
佛陀深感末法时代人心沉沦，佛法末微，众生不要说证果，了脱生死，就是不堕落三恶道，已是十分难得了。为此，佛升天到忉利天宫为母说法，其主要目的是把末法时代的众生托付给地藏菩萨，不让众生堕落诸恶道中。
按记载，佛陀在忉利天宫说法是三个月。佛陀说法结束后降回人间，并不是在舍卫国返还，而是在僧伽施国，即当今印度北部的法鲁巴德县，降落地点就在该县不远桑基萨村，以前此有一大寺院，在佛陀返回时，还有一件无比殊胜的事情发生。
佛陀说《地藏本愿经》结束后，雨降天花和珠璎，帝释为了表达对佛的无上崇敬，施展神通从忉利天宫善法堂到人间之间，变现了三道宝阶。这三道宝阶由黄金、白银、水晶做成，中间宝阶为黄金，左面宝阶是水晶，右面宝阶是白银做成，佛陀从善法堂起身，从中间的黄金宝阶下，天神大众后面跟从，帝释手拿宝盖从水晶宝阶侍奉在左侧而下，大梵天王手执白拂从白银宝阶侍奉在右侧而下，天神天女腾空散落天花赞美。佛陀为了让幻造天阶的天神高兴，一步步地走完了天阶一半的路程，另一半是示现神变而下。据说，佛回人间后几百年，在僧伽施国还存有数百尺此神奇无比的三宝台阶，后全部陷落，周围各国国王不愿意此无比殊胜的胜迹消失，就在此建寺院，寺院中在故基上重建宝阶，模拟从前的三宝阶装饰珍宝，台阶顶上还建有寺庙，中有佛陀像，左有帝释，右有梵天王，犹如下走的样子。
唐玄奘到此游历时，还看到此模拟的台阶和寺院，他是这样记载的：“伽蓝大垣内有三宝阶，南北列，东面下，是如来自三十三天降还所也。”