转载|电台讲古算「讲古」吗

（本文转载自羊城网）

上星期，有位自己友私信我，倾咗下佢对「讲古」嘅睇法。

好多谢呢位自己友抽空交流，今日都顺便都回复。

「说书」系中国民间传统嘅艺术表演，运用当地独有嘅语言文化、民间俗语，将一个个故事惟妙惟肖咁呈现出来。一张枱、一块醒木、一把扇、一壶茶，虽然说书人装备简单，但系精彩嘅故事剧情，出众嘅表演力，令台下观众身临其境。

明朝末年，江苏泰州说书大师柳敬亭（1587～1679）出任抗清将领左良玉的幕客，在随军南征时把说书艺术传来广东，此后，广州出现职业说书艺人，并尊柳敬亭为祖师。

柳敬亭说书场景

「说书」南下，广州开始开始有人用粤语喺榕树头、寺庙门口、甚至搭起“街档”讲古！民国时期，讲古进入大气电波，广州人唔使出门，打开收音机同样可以听到讲古佬嘅精彩表演。

我阿爷同我讲过，佢后生嗰时，最想听到嘅一句话系：

↓↓↓

我一直都唔理解，明明每日打开收音机就有得听，而且咁多个电台，几乎全部都有讲古节目。唔通阿爷就咁容易满足？

直到阿爷过咗身，我都未曾理解到。

——————————

21岁嗰年国庆，同屋企人自驾游。阿爸打开收音机，听到林兆明嘅讲古节目，讲紧《大闹广昌隆》。半个钟之后，节目结束。阿爸即刻吩咐：帮我上网搵多几集！

爸：“佢讲得咁好，撩起条瘾。”

我：“有咁好听咩？”

爸：“喺单位日日听，听惯听熟，一日唔听，周身唔聚财！”

我：“你知唔知边个系林兆明，边个系张悦楷啊？”

爸：“鬼知咩，讲得好咪得咯。”

......

下载完《大闹广昌隆》之后，我先明白阿爷同阿爸对「讲古」有几深感情。

阿爷听电台讲古，听咗一世。

阿爸听到依家，都听咗大半世。

「讲古」就好似「装香拜神」一样，已经成为部分人生活嘅一部分。对佢哋嚟讲，讲古嘅魅力大于文化，都大于表演。佢哋可能唔知自己听紧张悦楷、林兆明定梁锦辉，但系佢哋一听就知道，边个讲得好！

我哋成日争论「XXX存在是否合理」或者「XXX是否以正确形式存在」，但我哋忽略咗，对好多人嚟讲，「XXX存在，生活才完整」。

电台讲古只有声音，少咗讲古佬嘅表情、动作，确实略有遗憾。但正如邓小平话斋，不管白猫黑猫，抓住老鼠就是好猫。我哋阿爷所处嘅“工人年代”，工厂里面枯燥无味，收音机系佢哋唯一嘅娱乐工具。而讲古，系全工厂最期待嘅节目；讲古佬，可能就系全工厂嘅偶像！

所以，唔好认为电台讲古冇咗表情动作就会流失魅力，因为讲古本身就好有魅力。正因为缺少咗表情同动作，电台讲古佬更加深入钻研「讲」，将细致嘅表情动作都用「讲」嚟表达，练成呢种功力，都绝非易事。

系嘞，唔记得同你讲，我阿爷最憎听到嘅一句话系

↓↓↓

图文编辑：小灰灰

责任总编辑：老甘