广州人年初一至年初七的禁忌，别说我没告诉你！

提示：点击上方↑↑"广州美食玩乐"关注我！

俗语有话

年廿六，洗福碌，

年廿七，洗疚疾，

年廿八，洗邋遢，

年廿九，洗箩柚。

相信呢D风俗大家都知道 小编就唔多讲啦

但其实年初一至年初七

有咩风俗习惯需要注意？

又系时候等小编帮你地补下课

认真听喇~

忌洗衣服

细细个老人家就教落，大年初一早上系忌洗澡、洗头、洗衣物嘅，如果唔系就会将你呢一年嘅财富同财运洗走。

宜放生

旧时大年初二清早，天未光，小贩就会担住两大桶活生生嘅鲤鱼，穿街过巷，大声呼叫：“好生鲤，大生鲤，金银鲤……”就係可以畀街坊喺食过开年饭之后，放生鲤鱼，祈祷生意兴旺，人口平安。

不宜出门拜年

每年嘅农历正月初三係俗称嘅“赤口”，相传喺呢一日，“熛怒之神”赤狗会带来不吉，所以呢一日各人都唔会外出向亲友拜年，只留喺屋企祭祀神明，以免同人发生口角争执，招惹口舌是非。

不宜出远门

初四係民间习俗嘅接神日，迎接众神明、灶王爷同家神到家守护家人，灶王爷会点名，所以不宜外出。

接财神

正月初五就系你地最中意嘅财神爷生日，亦都系财神爷最为“风光”嘅时候。所以系呢一日，发财嘅朋友（好似无边个唔想...），都会迎财神。

送穷神

而喺年初六呢一日，就要将过年期间所制造嘅垃圾清扫干净，即係所谓嘅“送穷”，系古代民间一种好有特色嘅岁时风俗，如果唔清理干净，就会带嚟穷困。

人日

初七就系人日，意思姐系人人生日。呢一日传统习俗要食用七种菜做成嘅羹，以此来取吉兆，据闻呢个七宝羹有去除邪气、医治百病嘅功能~

以上呢几个习俗

只係广东人过年嘅其中一部分

仲有正月十一“子婿日”等讲究

虽然好多年轻一辈嘅人已经唔知道有呢回事

但係，呢D都係我哋中国春节嘅习俗

宁可信其有，不可信其无

祝大家2017年都顺顺利利！

来源：广州笋嘢益街坊

商务合作，请联系QQ/微信：543516722

联系电话：[phone]