老细贴埋钱请你打车嚟食桑拿菜，同场加映霸气侧漏钓大鱼，仲唔约？！🎣

桑拿菜，从上年开始入侵广州人嘅眼球，继而迅速流行起嚟，皆因大家都觉得呢种食法新奇又健康。市面上食桑拿菜嘅店越嚟越多，但食法同食物质量都不尽相同，质素参差不齐。喺小编呢种挑剔嘅食货眼入面，睇上去越简单嘅嘢越难做得完美，一餐优质嘅桑拿菜绝对唔係就咁滚水蒸嘢食咁简单。

首先，锅底要靓，因为我食完仲要饮埋啲汤。最重要嘅当然係食材够鲜味啦，最好做到唔使点酱料都已经好好味。然后要新鲜，因为单纯靠蒸，稍微唔新鲜好容易食得出。万事俱备，最后当然唔少得提鲜嘅酱料同精确嘅蒸制时间，细节都好影响大局。

终于搵到间可以满足我咁多要求嘅桑拿菜专门店：新胜利鱼庄。店铺位于穗盐路，听落好似好远，但其实真係离芳村好近，而且交通方便，喺花地湾地铁站B出口坐565，迎海国际茶都站落车即到。喺芳村地铁站打车过嚟都喺十几分钟，15蚊左右。重点嚟啦，你可以连打车钱都悭翻！

老细任性优惠

凡打滴滴，优步，的士过嚟食饭嘅顾客，出示相关打车截图可获得车费补贴，20蚊封顶，每台限一次此优惠，该优惠可同店铺其他优惠共享。

老细咁有诚意，请埋你打车过嚟，都係为咗大家唔好错过正宗嘅桑拿菜。新胜利鱼庄2014年6月已经开业，一开始就专业做桑拿菜，可以称得上係广州桑拿菜嘅先锋队。老细认为桑拿菜嘅精髓在于食材嘅原味，要食得清淡。即使出面越嚟越多桑拿菜店搞出好多唔同嘅花臣，有啲甚至整到好油腻，一啲都唔清淡，但新胜利依然不忘初心，坚持做最原汁原味嘅桑拿菜，此处应有掌声！

唔係我吹水，真係有好多名人都慕名而来，好似卢海潮，李达成，七十二家房客众演员，广州众DJ。

重磅优惠

为庆祝店庆两周年，每日中午都会推出一款河鲜半价！

店里面嘅环境可以用别有洞天嚟形容，蔚蓝嘅天幕，潺潺流水嘅“护城河”，一派江南水乡嘅景致。

“护城河”入面除咗观赏用嘅锦鲤，竟然仲有鸭嘴鱼同皖鱼！坐喺河边真係可以随时睇啱边条就食边条，好过瘾！

 

坐唔到河边嘅位置都无所谓，因为仲有别具特色嘅仿渔船雅座，一样咁有风味！

睇下呢个咁大嘅海鲜池，种类繁多，任君选择，重点係保证新鲜。

店家仲推出一啲自家制嘅周边产品，如果食过翻寻味可以买啲翻去。

以为中餐厅嘅饮料来来去去都係汽水啤酒王老吉？呢度刷新你三观，居然有好多进口饮料，啱晒年轻人口味。

大家估下呢个钩係用嚟做咩嘅？

无错！就係用嚟做今日嘅重头戏：钓！大！鱼！

我和我的小伙伴们都惊呆了！下面我哋再从唔同角度欣赏钓大鱼。

近睇鱼身，肉质厚实，色泽诱人，

肥美鲜嫩，

未食已经睇得出新鲜。

唔好以为钓住条鱼係贪好玩，其实係有个好人性化嘅作用咖。条水库鱼有成七斤几，足够五六个人食，肯定无咁快食得晒。如果一下子成条鱼放晒落煲度滚，食唔切就会越滚越老，食到最后都变鱼蓉粥啦。所以钓鱼呢个方法就可以滚到边食到边，而且仲全程有服务员为你剪鱼服务添。

水库鱼由拥有三十几年经验嘅师傅主刀，鱼腩爽滑，鱼头鲜嫩，无泥味，够新鲜所以就算无腌过都唔会腥。

番茄鱼汤锅底用咗三斤新鲜番茄榨汁，配上鲮鱼骨慢慢熬制而成。天然无添加，无靠番茄酱增味，本身就已经係一锅好好味嘅小清新番茄浓汤，加上大鱼同其他食材嘅洗礼之后鲜味进一步升华，那味道简直了！

中意川味更有麻辣汤底可供选择，至啱喜欢食辣嘅朋友，简直大快人心！🎉

白贝

明虾

白贝只只都肉质饱满，好鲜甜。贴心嘅店家将明虾去头同开边，更加快熟同容易食。

啱上台嘅时候啲虾脚仲识郁咖，新鲜睇得见！

金黄色嘅成品，色香味俱全，睇见都食欲大增！

鲮鱼

滑

自家制手打鲮鱼滑，香葱点缀，爽口弹牙。

鲜

牛肉

牛肉同番茄汤底真心绝配，味道超夹。牛肉片厚薄适中，非常松软，嫩滑到一啲渣都无。

有咁好嘅食材，蘸料当然唔可以逊色。精选海天海鲜酱油加上姜葱丝，瞬间提鲜。

咁丰富嘅顺德公钓鱼套餐，足够六个人食。既享受到视觉嘅冲击，又满足到味蕾，都唔使400蚊，抵到烂！

桑拿菜

锅底喺桑拿菜入面起到好重要嘅作用，好嘅锅底可以令蒸嘅食物更加好味，而食物嘅鲜味亦会滴入锅底，水乳交融，互利共生，食完桑拿菜可以饮埋碗充满精华嘅汤先算不枉此行。

锅底

桑拿菜锅底包含原只鸡骨，萝卜，马蹄，淮山杞子，仲有矜贵嘅姬松茸，菇味浓郁，滚起身马上弥漫起菇嘅清香。老细仲嫌锅底唔够甘甜，另外再点农夫山泉水，喺正你面前打开，无花无假。

老细怕每张台都用计时器会好嘈，令到食客们一惊一乍，所以特别设计咗呢个三分钟嘅漏斗，而多数食物都係三分钟食得，真係好贴心。

双拼丸

正宗手打猪肉丸加牛肉丸。猪肉丸里面包含马蹄，木耳，香葱，更添爽脆，口感丰富。牛肉丸充满香茜味，牛味香浓。

清远鸡

新胜利嘅清远鸡係散养嘅走地鸡，养足180日先可以上台。鸡皮真係惊艳到我，超级爽脆，一啲皮下脂肪都无。鸡肉嫩滑，蒸完桑拿渗出浓浓鸡汁。调味都非常天然，用虫草花嘅甜代替糖，用均安榨菜嘅咸代替盐，令桑拿鸡更加鲜美。

一鱼

三食

1

顺德皖鱼生

皖鱼生非常讲求师傅嘅刀功，你睇师傅切得薄到几乎透明，就知道有几犀利。配搭埋七彩缤纷嘅佐料，一碟鱼生就食尽人生百味，酸甜苦辣咸尽在口中迸发。

2

豉汁头尾骨

严选阳江豆豉，加上鲜椒提味，独创秘制豉汁，惹味到想吮埋啲骨。

3

胜瓜鱼蓉粥

食完浓味嘅豉汁，最啱嚟翻碗清清哋嘅鱼蓉清下味蕾。胜瓜为鱼蓉粥增添咗一丝小清新，令粥水更加鲜甜。

脆皮咸猪手

咸猪手肥瘦均匀，肥嘅部分都唔会漏，口感软糯。最特别係配上独家鲜橙芥末酱，酸酸甜甜，芥末味唔浓，唔会攻鼻，点一点即刻解腻。

北海煎墨鱼饼

全人工手打墨鱼饼，咬落仲有惊喜，因为醸咗大大粒嘅墨鱼粒同马蹄粒喺入面，口感满分。

三丝炒面

火候十足，喷香扑鼻，丝丝分明，充满萝卜丝，火腿丝，洋葱，芽菜。

伦教糕

饭后嚟翻个甜品先係最完满嘅！呢个伦教糕并唔係一般嘅伦教糕，係老细特别引进嘅欢姐伦教糕，相信专业嘅食货都听过欢姐嘅大名，不得不再一次佩服老细对细节嘅重视。

新胜利鱼庄

 

地址：佛山市南海区穗盐路迎海国际茶都美食街A1-2铺

电话：89370292

【声明】本文由粤滋味揾食团编辑组原创，转载请联系。

滋味哥个人微信：yueziweiKOL

新浪微博@粤滋味揾食团 

广州本地美食资讯百万粉丝认证微博

华南区NO.1的KOL团队核心成员

QQ 523983313