༧ ཁང་སར་བསྟན་པའི་དབང་ཕྱུག་གི་མཐོང་སྣང་སྐལ་བཟང་རིག་གི་དགའ་སྟོན།
ཨ་ཙརྱ་རིག་གཞུང་འཕྲིན་སྟེགས།
ཨ་ཙརྱ་རིག་གཞུང་འཕྲིན་སྟེགས་ནི་བོད་ཁུལ་དེང་རབས་ཀྱི་བརྡ་འཕྲིན་བརྒྱུད་ལམ་གསར་བ་ཞིག་ལ། འདིར་གར་དེངས་རབ་ཀྱི་རྩིས་འཕྲུལ་དང་བརྡ་འཕྲིན་ཤེས་བྱ་སྣ་ཚོགས་ངོ་སྤྲོད་བྱེད་བཞིན་ཡོད་ལ། ལྷག་པར་བོད་ཀྱི་རིགས་གནས་སློབ་གསོ་དང་། འཚོ་བའི་གྲུ་གར་གླན་པའི་གློག་བརྙན་སྣ་ཚོགས་རོ་མྱོང་བྱེད་ཐུབ་ལ། མ་ཟད་སྤྲོ་དགའི་སྣང་བ་སྟེར་བའི་གླུ་བྲོ་དང་བཞད་གར། དགའ་སྐྱོ་རྟོགས་འགྱུ་གཟུགས་སུ་ཕབ་པའི་སྙན་རྩོམ་སོགས་མདོར་ན་སྔོན་དང་ད་ལྟའི་བོད་ཀྱི་ངག་ཐོག་རིག་གནས་གང་མང་རྒྱུས་ལོན་དང་ལོངས་སུ་སྤྱོད་ཐུབ། མ་ཟད་འཕྲིན་སྟེགས་འདི་ནི་གནའ་དེང་གི་རིག་གནས་སྣ་ཚོགས་གསོག་ཉར་བྱ་སའི་བརྡ་འཕྲིན་གྱི་འཇིག་རྟེན་ཆུང་ཆུང་ཞིག་དང་ཡིད་འོང་གི་གར་སྟེགས་ཤིག་ཀྱང་ཅི་ལ་མིན།
大密前译教法明灯 深密大圆满无上瑜伽士 大悲藏至尊康赛仁波切 文智丹贝旺旭之法性光明净相 密严布达拉山持洲圣者刹土见闻——善缘弟子喜宴
མཚམས་སྤྱོར་པ། ཕྱོགས་ལས་རྣམ་རྒྱལ།
སྔོན་གྱི་དུས་ནས་སངས་རྒྱས་འོད་དཔག་མེད་ཀྱིས་ཤིན་ཏུ་གསལ་བར་ལུང་བསྟན་པ་བཞིན་རྒྱལ་ཀུན་སྙིང་རྗེའི་རང་གཟུགས་འཕགས་མཆོག་སྤྱན་རས་གཟིགས་དབང་དེ་ཉིད་བྱང་ཕྱོགས་ཁ་བ་ཅན་གྱི་རྒྱལ་ཁམས་སུ་འགྲོ་བ་སེམས་ཅན་གྱི་དོན་ལ་འབྱོན་དགོས་པར་བསྐུལ་མ་བྱས་པས་འཕགས་པ་ཐུགས་རྗེ་ཆེན་པོས་ཞལ་གྱིས་བཞེས་ཏེ་བསིལ་ལྡན་གངས་ཀྱི་རི་བོའི་ཡུལ་ལྗོངས་སུ་ཕེབས་པའི་ཚུལ།
如是世尊宣说授记之后， 劝说大悲观世音应赴往雪域高原利益众生。
དེ་ནས་སྔོན་གྱི་སྨོན་ལམ་དང་ཐུགས་བསྐྱེད་རྨད་དུ་བྱུང་བའི་དབང་གིས་འཕགས་པ་སྤྱན་རས་གཟིགས་དང་རྗེ་བཙུན་སྒྲོལ་མ་གཉིས་ཀྱིས་སྤྲུལ་པ་བཀྱེས་ཏེ་སྤྲེལ་སྒོམ་བྱང་ཆུབ་སེམས་དཔའ་དང་། བྲག་སྲིན་མོ་གཉིས་སུ་གྱུར་ནས་གངས་ཅན་བོད་ཀྱི་ཡུལ་གྲུ། བར་དབུས་གཙང་རུ་བཞིའི་ཡ་གྱལ། རྩེད་ཐང་མགོན་པོ་རིའི་ཚལ་དུ་སྐུ་འཁྲུངས་པའི་ཚུལ།
大悲观世音与圣尊度母分别化现为修道的猕猴以及岩罗刹女。
དེ་ནས་སྤྲེལ་སྒོམ་བྱང་ཆུབ་སེམས་དཔའ་དང་བྲག་སྲིན་མོ་གཉིས་ཁྱོ་ཤུག་ཏུ་གྱུར་ཏེ་རིམ་བཞིན་སྤྲེལ་ཕྲུག་མང་དུ་འཕེལ་ཞིང་སྤྲེལ་ཕྲུག་རྣམས་འཚོ་བས་ཕོངས་སྐབས་སྤྲེལ་རྒན་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་སྐུ་དྲུང་དུ་བྱོན་ནས་ཞུས་པས་འཕགས་པ་སྤྱན་རས་གཟིགས་ཀྱི་ཐུགས་རྗེས་འབྲུ་རིགས་སྣ་ལྔའི་ཆར་ཕབ། དེ་ལ་ལོངས་སྤྱོད་བྱས་པས་སྤྲེལ་ཕྲུག་རྣམས་ཀྱང་རིམ་བཞིན་མིར་གྱུར་ནས་ཞིང་ལས་སོ་ནམ་བྱས་ཏེ་བདེ་སྐྱིད་ཀྱི་འཚོ་བར་རོལ་པའི་ཚུལ།
此后两者结为夫妇并共同生活，不久便生育了许多幼猴。
由于幼猴们生活贫困，故而向大悲观世音询问解救之法，于是圣尊菩萨以神变降下如雨谷类。
此后猕猴逐渐转变为人类,开始种植谷类庄稼
དེ་ནས་བོད་ཀྱི་ཡུལ་དུ་ཆོས་རྒྱལ་གཉའ་ཁྲི་བཙན་པོ་ནས་མངའ་བདག་ཆོས་ཀྱི་རྒྱལ་པོ་རྣམས་རིམ་པར་བྱོན་པ་ལས་འཕགས་མཆོག་ཕྱག་ན་པདྨོ་མི་རྗེ་ལྷའི་རྒྱལ་པོའི་རྣམ་པར་བྱོན་པ་ཆོས་རྒྱལ་སྲོང་བཙན་སྒམ་པོ་སོགས་ཆོས་རྒྱལ་མེས་དབོན་རྣམ་ངསུག་གྱིས་མངའ་ཐང་གི་རྒྱ་བསྐྱེད་དེ་འཛམ་གླིང་སུམ་གཉིས་ཙམ་ཆབ་འབངས་སུ་བསྡུས་ནས་སངས་རྒྱས་ཀྱི་བསྟན་པའི་སྲོལ་བཙུགས་ཏེ་རྒྱལ་ཁམས་དཀར་པོའི་ཆོས་ལ་བསྒྱུར་ཞིང་སྐྱེ་དགུ་བདེ་ལ་བཀོད་པའི་ཚུལ་ཏེ་བོད་ཐོག་མའི་བྱུང་བ་མདོ་ཙམ་བསྟན་པའོ། །
藏王松赞干布是大悲观世音的化身,以大悲利他心创建了藏传佛教,安置雪域之国于福乐地。
ཆོས་ཉིད་འོད་གསལ་དག་པའི་སྣང་ཆར་འོག་མིན་རི་བོ་པོ་ཏ་ལའི་ཞིང་དུ་ཕེབས་པའི་ཚེ་མཁའ་འགྲོ་སྡེ་ལྔ་མངོན་སུམ་དུ་བྱོན་ནས་འཇའ་སྤྲིན་གྱི་ལམ་ནས་དར་ཚོན་སྣ་ལྔ་དང་སྣ་ཚོགས་མཆོད་པའི་རྫས་ཀྱིས་སྣ་དྲངས་ཏེ་བསུ་མ་བྱས་པའི་ཚུལ།
至尊上师仁波切于净相中赴往持舟山刹土，尔时空中有五部空行前来迎接。
དེ་ནས་རི་བོ་གྲུ་འཛིན་གྱི་ཕྱིའི་ཡུལ་ལྗོངས་སུ་འོད་ཟེར་སྤྲིན་གྱི་སྐྱེད་མོའི་ཚལ་ཞེས་པ་མཛེས་སྡུག་ཡིད་དུ་འོང་བའི་གནས་སུ་ཆོས་ཀྱི་གྲོགས་པོ་དམ་པ་ཆོས་དཔལ་ཞེས་པ་དང་མཉམ་དུ་འབྱོར་བའི་ཚེ་ན་རིན་པོ་ཆེའི་བྲག་རིའི་ངོས་རྣམས་སུ་འཕགས་པ་རིགས་གསུམ་མགོན་པོ་རང་བྱོན་འབུར་དོད་དུ་འདུག་པ་རྣམས་ལ་མཆོད་པའི་ལྷ་མོ་རྣམས་ཀྱིས་མར་མེ་དང་བདུག་སྤོས་སོགས་འདོད་པའི་ཡོན་ཏན་རྣམ་ལྔ་འཇའ་དང་འོད་ཟེར་གྱི་ཀློང་ནས་མངོན་པར་སྤྲོ་བར་མཇལ་ཞིང་། དེ་ལས་ཀྱང་རི་བོ་གྲུ་འཛིན་གྱི་ཞིང་གི་ཤར་ཕྱོགས་ཀྱི་ནམ་མཁར་ནོར་བུའི་སྤྲིན་གྱི་ཕུང་པོ་ལང་ལོང་དུ་འཁྲིགས་པའི་དབུས་ནས་གཙུག་ལག་ཁང་གི་ཕྱེད་ཙམ་མཐོང་བ་རྒྱང་རིང་པོ་ནས་མཇལ་བའི་མོད་ལ་དད་པའི་སྤུ་ལོང་གཡོ་བཞིན་གཟིགས་པའི་ཚུལ།
仁波切抵达持舟山刹土时，在“光芒云层林苑”处遇见道友“法德”，两人共同朝圣珍宝山岩上的“天然三怙主”（文殊，观世音，金刚手菩萨）。
仁波切又抬头仰望持舟山刹土的东方，见到空中珍宝云层中布达拉宫的半边。
དེ་ནས་ཆོས་ཀྱི་གྲོགས་པོ་དྷརྨའི་མཚན་ཅན་དང་མཉམ་དུ་མཚོ་གླིང་ཉམས་དགའ་བའི་དབུས་སུ་གྲོང་ཁྱེར་ཆེན་པོ་ཚངས་པའི་འབྱུང་གནས་ཞེས་བྱ་བ་མཛེས་སྡུག་ལྟ་བས་ཆོག་མི་ཤེས་པའི་ཁང་བཟང་ཡིད་དུ་འོང་བའི་གནས་སུ་བསླེབས་པ་ན། རྒྱ་མཚོའི་རླབས་ཀྱིས་སྣ་ཚོགས་ནོར་བུའི་ཕུང་པོ་མཁའ་དབྱིངས་སུ་མཆོད་ཅིང་རྣལ་འབྱོར་གྲུབ་པའི་རིག་འཛིན་རྣམས་ཀྱིས་ནམ་མཁའ་ནས་ནོར་བུ་སྣ་ཚོགས་པ་ཕྱག་ཏུ་བསྣམས་ཏེ་འཕུར་རྩལ་ངོམ་བཞིན་ཕན་ཚུན་ཅི་དགར་བསྐྱོད་པའི་ཚུལ།
此后仁波切又遇见道友“达玛”，两人来到一座叫“梵净生源”的城市。四周的海面涌动着层层波浪，浪花中的珍宝不断散向天空，供养给上师三宝等福田。
དེ་ནས་ཡང་ཅིག་མདུན་དུ་ཕེབས་པའི་ཚེ་ན་གྲུ་འཛིན་འཕགས་པའི་ཞིང་ཁམས་ཀྱི་ནམ་མཁའ་དང་བར་སྣང་རྣམས་སུ་དཔའ་བོ་དང་མཁའ་འགྲོ་མ་རྣམས་ཀྱིས་ལྕང་ལོའི་ཟར་བུ་ཤིགས་སེ།རུས་རྒྱན་གཡེར་ཁ་ཁྲོ་ལེ། དར་གྱི་འཕྱང་འཕྲུལ་སྤུངས་སེ་འཕུར་ནས་བྱོན་པ་དང་། བྱང་ཆུབ་སེམས་དཔའི་དགེ་སློང་མང་པོས་ཀྱང་ངུར་སྨྲིག་གི་ན་བཟའི་གཟི་འོད་ལམ་ལམ་ཕན་ཚུན་འཕུར་ཏེ་ཕེབས་པ། ཡིད་དུ་འོང་བའི་སྤང་ལྗོངས་མཛེས་སྡུག་མེ་ཏོག་གིས་བརྒྱན་པ་རྣམས་སུ་སྐྱེ་བོ་ཕོ་མོ་འཇོ་སྒེག་གི་ཉམས་དང་ལྡན་པ་དུ་མས་གླུ་གར་དང་རྩེད་འཇོ་ལ་རོལ་པ། གཙུག་ལག་ཁང་དང་ཀུན་དགའ་ར་བ་དང་ཆོས་གྲྭ་ཆེན་པོ་རྣམས་སུ་རབ་ཏུ་བྱུང་བའི་ཚོགས་རྣམས་ཀྱིས་དམ་པ་ཆོས་ཀྱི་བགྲོ་གླེང་བྱེད་པ་སོགས་ལ་མཇལ་བའི་ཚུལ།
持舟山刹土上空飞舞着诸多持明勇父，空行，以及菩萨比丘众。心旷神怡的草坪上聚集着诸多男女，他们正在翩翩起舞。前方又有一处天然的大法苑，僧众们正在研讨法要。
དེ་ནས་རི་བོ་གྲུ་འཛིན་གྱི་ཞིང་གི་ཁོར་ཡུག་ཏུ་ངོ་མཚར་སྤྲུལ་པའི་ལྗོན་ཤིང་དཔག་ཚད་མང་པོའི་བར་ཁྱབ་པ་རྣམས་ལ་ལོ་འདབ་དང་མེ་ཏོག་འབྲས་བུ་རྣམས་རིན་པོ་ཆེ་སྣ་ལྔ་ལས་གྲུབ་པའི་རང་བཞིན་ཅན་གྱི་བསིལ་གྲིབ་ན་སྤྲུལ་པའི་དགེ་སློང་ཆོས་སྨྲ་བའི་ཚོགས་མང་པོ་བཞུགས་པ་རྣམས་ལས་འཁོར་མང་པོ་དག་དང་ཐབས་གཅིག་ཏུ་དམ་པའི་ཆོས་གསན་པའི་ཚུལ།
持舟山刹土周边有美丽的树荫，仁波切拜见了此处的说法比丘，以及比丘的眷属众。
དེ་ནས་རྒྱ་མཚོ་ཆེན་པོའི་ནང་ན་ཤིང་ལྗོན་པའི་དབང་པོ་མེ་ཏོག་དང་འབྲས་བུས་བརྒྱན་པའི་སྟེང་དུ་འཕགས་མཆོག་སྤྱན་རས་གཟིགས་ཀྱི་སྤྲུལ་པ་བྱ་ནེ་ཙོའི་གཟུགས་ཀྱིས་དུང་དང་ཆུ་སྲིན་ཉ་བོ་ཆེ་ལ་སོགས་པ་མཚོ་ལ་གནས་པའི་སྲོག་ཆགས་རྣམས་ལ་དམ་པའི་ཆོས་གསུངས་པ་ལ་ཆོས་ཀྱི་གྲོགས་པོ་བྱང་ཆུབ་བཟང་པོ་དང་བགྲོ་གླེང་བྱེད་བཞིན་མཇལ་བའི་ཚུལ།
这只鹦鹉是大悲观世音的化身，他正在海面上为诸多水中生命说法。这时仁波切随同道友“菩提贤”来到此处，两人开始研讨法要。
དེ་ནས་ཡང་མཚོ་གླིང་ཉམས་དགའ་བའི་དབུས་སུ་པདྨའི་སྡོང་པོ་ཡལ་ག་དང་ལོ་འདབ་རབ་ཏུ་རྒྱས་པའི་ཟེའུ་འབྲུའི་སྟེང་ན་འཇའ་ཟེར་འོད་ཕུང་འཁྲིགས་པའི་ཀློང་དུ་སྤྱན་རས་གཟིགས་ཀྱི་སྤྲུལ་བ་བྱ་ཁུ་བྱུག་གི་གཟུགས་ཅན་གྱིས་རང་གི་རིགས་སུ་གཏོགས་པའི་ངང་བ་དང་ངུར་བ་རྨ་བྱ་དང་ཁྲུང་ཁྲུང་ལ་སོགས་པའི་མཚོ་ལ་གནས་པའི་འདབ་ཆགས་བྱའི་ཚོགས་རྣམས་ལ་དམ་པའི་ཆོས་ཀྱི་དགའ་སྟོན་འགྱེད་པར་ཐུགས་ཤིན་ཏུ་དགྱེས་བཞིན་མཇལ་བའི་ཚུལ།
这只杜鹃是大悲观世音的化身，仁波切见到他正在为诸多禽鸟说法。
དེ་ནས་རི་བོ་གྲུ་འཛིན་གྱི་ཞིང་གི་ཁོར་ཡུག་ན་གྲོང་ཁྱེར་སྤྲིན་གྱི་སྙིང་པོ་ཞེས་བྱ་བའི་རི་སུལ་རྣམས་སུ་བྲག་སྐྱིབས་དང་།གཞན་ཡང་ཤིང་ལྗོན་པའི་བསིལ་གྲིབ། སྨྱུག་མའི་ཁང་ཆུང་། ལོ་མའི་སྤྱིལ་བུ་སོགས་སུ་གྲོགས་རི་དྭགས་མང་པོ་དང་མཉམ་དུ་བསམ་གཏན་གྱི་མལ་སྟན་བདེ་བ་ལ་དྲང་སྲོང་རི་ཁྲོད་པ་དུ་མ་ཏིང་ངེ་འཛིན་ལ་མཉམ་པར་བཞག་བཞིན་བཞུགས་པར་མཇལ་བའི་ཚུལ།
持舟山刹土周边又有城市名为“云藏”，此处岩洞中居住着诸多静修仙人，仁波切见到他们正处于禅定之中。
དེ་ནས་རི་བོ་གྲུ་འཛིན་གྱི་ཞིང་གི་ཁོར་ཡུག་རྣམས་སུ་གཏེར་ཆེན་པོའི་བུམ་པ་བཟང་པོ་འདོད་རྒུ་ཡིད་བཞིན་དུ་འབྱུང་བའི་བདག་ཉིད་ཅན་དང་། འདོད་པ་འཇོ་བའི་བ་མོ། དཔག་བསམ་གྱི་ལྗོན་པ། མ་རྨོས་པའི་ལོ་ཏོག་གི་ཚལ། ཁྱད་པར་དུ་སྤོས་ཆུའི་གཤེར་བའི་ཁྲུས་ཀྱི་རྫིང་བུ་རྣམས་ཀྱི་སྟེང་དུ་བསིལ་གདུགས་གསེར་གྱི་ཡུ་བ་ཅན་ལ་རིན་ཆེན་སྣ་ཚོགས་ཀྱི་དྲ་བ་དང་དྲ་ཕྱེད་ཀྱིས་མཛེས་པ། གཡས་གཡོན་རྣམས་སུ་མཚར་སྡུག་ལང་ཚོས་སྒེག་པའི་ལྷའི་བུ་མོ་མང་པོས་ཁྲུས་ཀྱི་བུམ་པ་དྲི་ཞིམ་བདུད་རྩིས་བཀང་བའི་ཆུ་རྒྱུན་གྱིས་སྐུ་ཁྲུས་གསོལ་བ་སོགས་ངོ་མཚར་སྤྲུལ་པའི་བཀོད་པ་ཡིད་དུ་འོང་བ་རྣམས་ལ་གཟིགས་པའི་ཚུལ།
仁波切又见到刹土周边有无量无边的宝瓶，天然稻田，如意宝树，悦意的浴池，以及如意牛。
དེ་ནས་རྒྱ་མཚོ་ཆེན་པོའི་འགྲམ་མེ་ཏོག་སྣ་ཚོགས་བཀྲ་བའི་སྐྱེད་མོའི་ཚལ་ཤིང་ལྗོན་པའི་བསིལ་གྲིབ་དུ་སྐུ་ངལ་གསོས་པའི་ཚེ་ན་མཚོ་པདྨའི་དྲྭ་བ་ཅན་དུ་རིན་པོ་ཆེའི་སྡོང་པོ་མཐོ་ཞིང་བརྗིད་ལ་འོད་ཟེར་གྱི་སྣང་བ་ལམ་ལམ་འཕྲོ་བ་དག་ལ་སྤྲུལ་པའི་བྱ་ངང་བའི་ཚོགས་རྣམས་ཀྱིས་འཕུར་བསྐྱོད་ལྡིང་སྐོར་བྱེད་པ་དང་། མཚོ་ནང་ནས་ལྷ་ཀླུ་མིའི་ལོངས་སྤྱོད་རྒྱལ་སྲིད་ནོར་བུ་ཆ་བདུན་དང་གཞན་ཡང་སྣ་ཚོགས་མཆོད་པའི་སྤྲིན་ཕུང་མང་པོ་མདུན་དུ་བསྟར་བ་ལ་གཟིགས་པའི་ཚུལ།
仁波切又来到一处名叫“花海”的岸边休憩片
刻，海中有莲花蔓网相互交织，诸多珍宝树长出海面，一些鹅鸟正在空中盘旋戏舞。
དེ་ནས་དྲི་མེད་དྭངས་བསིལ་གྱི་རྒྱ་མཚོ་ཆེན་པོའི་ཀློང་ན་གྲོང་ཁྱེར་སྤྲིན་གྱི་སྙིང་པོ་ཅན་ཞེས་པའི་དབུས་སུ་ཀླུའི་རྒྱལ་པོ་ནོར་རྒྱས་ཀྱི་ཕོ་བྲང་མེ་ཏོག་ཟུམ་པ་ཅན་ཞེས་བྱ་བ་ཀླུའི་ཡུལ་གྱི་ཁྱད་པར་འཕགས་པའི་བསམ་འཕེལ་དབང་གི་རྒྱལ་པོ་རིན་ཐང་གཞལ་དུ་མེད་པ་དུ་མས་མངོན་པར་མཛེས་པའི་སྒོ་དྲུང་དུ་ཀླུའི་བུ་མོ་མང་པོས་ནོར་བུའི་གཞོང་པ་ཐོགས་ཏེ་འདུག་པ་སོགས་མཇལ་བའི་ཚུལ།
此后，仁波切见到大海中有城市名为“云藏”。城内有广宝龙王宫殿名为“花蕾”。
དེ་ནས་ཡན་ལག་བརྒྱད་ལྡན་གྱི་མཚོ་གླིང་དུ་སྣ་ཚོགས་ནོར་བུའི་རི་བོ་ཕྱུར་བུར་སྤུངས་ཤིང་བྱུར་དམར་གྱི་འཁྲི་ཤིང་ལྡེམ་པོར་གཡོ་བའི་དབུས་སུ་ཀླུའི་རྒྱལ་པོ་དབང་པོའི་ཕོ་བྲང་པདྨ་ཅན་ཞེས་བྱ་བ་སྣ་ཚོགས་པདྨ་གསར་བའི་རྒྱན་ཕྲེང་གིས་ཀུན་ནས་མཛེས་པར་བརྒྱན་པ་ངོ་མཚར་ཡིད་དུ་འོང་བའི་བཀོད་པ་རྣམས་ལ་གཟིགས་པའི་ཚུལ།
仁波切又见到自在龙王宫殿，名为“莲花”。
དེ་ནས་ཡང་མཚོ་གླིང་ཉམས་དགའ་བ་དཔག་བསམ་ལྗོན་པའི་ཕང་ཕུང་ལ་མུ་ཏིག་གསར་བའི་ཕྲེང་བས་སྦྲེལ་བ་འཇའ་འོད་སྤྲིན་ཕུང་འཁྲིགས་པའི་དབུས་སུ་ཀླུའི་རྒྱལ་པོ་མཐའ་ཡས་ཀྱི་ཕོ་བྲང་འོད་ཀྱི་དྲ་བ་ཅན་ཞེས་བྱ་བ་གསེར་ཏོག་དང་རྒྱ་ཕིབས། གཞན་ཡང་རི་དྭགས་ཆོས་ཉན་དང་ཆོས་འཁོར་གྱིས་ལེགས་པར་བརྒྱན་པ་འོད་ཀྱི་སྣང་བ་མུ་མཐའ་མེད་པར་བརྡལ་བའི་ཕྱི་ནང་གི་རྟེན་དང་བརྟེན་པའི་བཀོད་པ་རྣམས་ལ་མཇལ་བའི་ཚུལ།
仁波切又见到无量龙王宫殿，名为“光蔓”。
དེ་ནས་ཤིང་ལྗོན་པའི་དབང་པོ་དང་མེ་ཏོག་སྣ་ཚོགས་ཀྱིས་ཁོར་ཡུག་ཐམས་ཅད་ལེགས་པར་བརྒྱན་པའི་མཚོ་གླིང་དུ་ཀླུའི་དབང་པོ་པདྨ་ཆེན་པོའི་ཕོ་བྲང་གསེར་གྱི་དྲ་བ་ཅན་ཞེས་བྱ་བ་གསེར་གྱི་འབྲུག་གི་ཁ་ནས་གསེར་གྱི་ཆུ་སྐྱུགས་པ་སོགས་ཐམས་ཅད་གསེར་གྱི་རང་བཞིན་དུ་སྣང་བའི་བར་ཁང་གི་རབ་གསལ་ནང་དུ་ཀླུ་རྒྱལ་འཁོར་དང་བཅས་པ་གནས་ཤིང་སྒོ་དྲུང་དུ་ཀླུའི་བུ་མོས་ཁྱད་འཕགས་ཀྱི་ནོར་སྣ་མང་པོ་མདུན་དུ་སྤུངས་ཏེ་དད་གུས་ཀྱིས་བསུ་མ་བྱས་པའི་ཚུལ།
仁波切又见到大莲龙王宫殿，名为“金蔓”。
དེ་ནས་མཚོ་གླིང་ཡིད་དུ་འོང་བའི་སྐྱེད་ཚལ་དུ་རིན་པོ་ཆེ་སྣ་ལྔ་ལས་གྲུབ་པའི་ལྗོན་ཤིང་རྣམས་ལ་དྲིལ་བུ་དང་གཡེར་ཁའི་དྲ་བ་དང་དྲ་ཕྱེད་འཕྱང་བ་དག་རླུང་གིས་བསྐུལ་ཚེ་སྒྲ་སྙན་པ་དཔག་ཏུ་མེད་པ་སྒྲོག་པའི་དབུས་སུ་ཀླུ་གཙུག་ན་རིན་ཆེན་གྱི་ཕོ་བྲང་འོད་ཀྱི་སྙིང་པོ་ཅན་ཞེས་བྱ་བ་སྣང་ལ་རང་བཞིན་མ་གྲུབ་པ་ཉིན་མཚན་མེད་པར་འོད་དང་འོད་ཟེར་འཕྲོ་བ་དེར་ཕེབས་པའི་ཚེ་ཀླུ་རྒྱལ་འཁོར་དང་བཅས་པ་མཇལ་བའི་ཚུལ།
仁波切又见到宝髻龙王宫殿，名为“光藏”
དེ་ནས་རི་བོ་གྲུ་འཛིན་གྱི་ཞིང་གི་ཤར་ཕྱོགས་ཀྱི་ནམ་མཁའི་མཐོངས་སུ་བསྐྱོད་པ་ན། ཕོ་བྲང་རྒྱ་མཚོའི་སྤྲིན་ཞེས་བྱ་བ་དོན་ལ་རང་སྣང་ཡེ་ཤེས་ཀྱི་རྣམ་འགྱུར་ལས་ཤར་བ་ངོ་མཚར་སྤྲུལ་པའི་གཞལ་མེད་ཁང་ཆེན་པོ་དེའི་དབུས་སུ་རྒྱལ་ཡུམ་མཁའ་འགྲོའི་གཙོ་མོ་ཚེ་འཛིན་སྒྲོལ་མ་དཀར་མོ་དང་མཇལ་ནས་དམ་པའི་ཆོས་ཀྱི་ལོངས་སྤྱོད་ཟག་མེད་ཡེ་ཤེས་ཀྱི་བདུད་རྩིའི་དགའ་སྟོན་ལ་རོལ་བའི་སྐབས་སྤྲུལ་པའི་ལྷ་མོ་མཛེས་སྡུག་ལྟ་བས་ཆོག་མི་ཤེས་པ་ཟུང་གིས་དར་དཀར་པོ་དྲི་མ་མེད་པ་དང་སྙན་འཇེབས་གླིང་བུའི་འགྱུར་ཁུག་བཅས་ཡིད་དགའ་བའི་རྣམ་འགྱུར་ངོམ་པའི་ཚུལ།
仁波切又赴往持舟山净土的东方，此处有城名为“海云”。这时仁波切拜见了长寿白度母尊，聆听了诸多正法喜宴。
དེ་ནས་རྣམ་མང་འདོད་ཡོན་གྱི་མཆོད་པ་སྤྲིན་ལྟར་གཏིབས་པའི་བར་མཚམས་རྣམས་སུ་རྩ་བ་དང་སྡོང་པོ།ཡལ་ག་དང་ལོ་མ། མེ་ཏོག་དང་འབྲས་བུ་རྣམས་རིན་པོ་ཆེ་སྣ་ལྔ་དང་སྣ་བདུན་ལས་གྲུབ་པའི་ལྗོན་ཤིང་རྣམས་ཀྱང་ཕན་ཚུན་རིན་པོ་ཆེ་སྣ་ཚོགས་ཀྱི་དྲ་བས་སྦྲེལ་བའི་སྐྱེད་ཚལ་ཡངས་ཤིང་རྒྱ་ཆེ་བའི་དབུས་སུ་ཀླུའི་བུ་མོ་དག་གིས་རིན་པོ་ཆེའི་སྲད་བུ་འཁེལ་བ་ནོར་བུའི་དབྱིབས་གཟུགས་སྣ་ཚོགས་སུ་མིག་འཕྲུལ་ལྟར་བསྒྱུར་བར་གཟིགས་པའི་ཚུལ།
此后，仁波切又见到龙女正在捻珍宝长绳。持舟山刹土周边有诸多宝树，悉数以珍宝蔓网相互连结。
དེ་ནས་ངེས་པའི་དོན་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དེ་ཉིད་གདུལ་བྱའི་ཁམས་དབང་དང་མཐུན་པར་རི་བོང་གི་གཟུགས་ཀྱི་རྣམ་པས་རི་དྭགས་དང་གཅན་གཟན་སོགས་སྲོག་ཆགས་དགྲ་གཤེད་རྣམས་ལ་ལས་རྒྱུ་འབྲས་སོགས་དམ་པའི་ཆོས་ཀྱི་རྣམ་བཞག་རྒྱ་ཆེར་གསུངས་པས་སེམས་ཅན་དེ་དག་ཕན་ཚུན་བྱམས་པའི་སེམས་དང་ལྡན་པར་གྱུར་པ་ལ་གྲོགས་ངང་པའི་རྒྱལ་པོ་དང་མཉམ་དུ་དེར་ཕེབས་ནས་ཆོས་གསན་པའི་ཚེ་ན་ནམ་མཁའི་མཐོངས་སུ་ལྷ་དང་དྲང་སྲོང་རྣམས་ཀྱིས་བདེན་པའི་ཚིག་བརྗོད་བཞིན་རྒྱུ་ཞིང་ཕྱག་ནས་མེ་ཏོག་སྣ་ཚོགས་ཀྱི་ཆར་སིལ་མར་བསྙིལ་ནས་ཕྱོགས་ཀུན་བཀྲ་ཤིས་དམ་པའི་དཔལ་ལ་སྦྱོར་བའི་ཚུལ།
这位兔王是大悲观世音的化身，他正在对诸多恶兽说法，于是它们的相续中开始升起慈爱之心。这时仁波切随同鹅王来到此处，共同聆听正法。
此外，仁波切又见到诸天神与仙人在空中腾云行走，空中不断降下种种花雨。
དེ་ནས་ཡང་ཅིག་མཚོ་གླིང་ཡིད་དུ་འོང་བའི་འགྲམ་སྣ་ཚོགས་ནོར་བུའི་ཕུང་པོ་ཐང་མར་བརྡལ་བའི་སྐྱེད་ཚལ་དུ་ཕེབས་པའི་ཚེ་ན་རྒྱ་མཚོ་ཆེན་པོའི་རྦ་རླབས་ཀྱི་ཕྲེང་བ་རིམ་པར་སྒོ་འབྱེད་གཅོད་ཀྱི་ཚུལ་དུ་བྱུང་བའི་བར་གསེང་ནས་རང་བྱུང་རིན་པོ་ཆེའི་བྲག་ཕུག་ཡིད་དུ་འོང་བའི་ནང་དུ་འཕགས་མཆོག་ཐུགས་རྗེ་ཆེན་པོ་ཞལ་ཕྱག་དང་བཞེངས་བཞུགས་ཀྱི་རྣམ་པ་མི་འདྲ་བ་དུ་མ་རེས་མོས་སུ་མཇལ་ཞིང་ནམ་མཁའི་དབྱིངས་ནས་མཆོད་པའི་ལྷ་མོ་རྣམས་ཀྱིས་བདུད་རྩིའི་ཁྲུས་ཆབ་གསོལ་བ་སོགས་ལ་གཟིགས་པའི་ཚུལ།
仁波切即将抵达布达拉宫殿时，途中经过一处海岛，岛屿上有诸多珍宝山岩，岩洞中有不同手面形体的大悲观世音圣尊，随着海浪的拍打起伏，这些洞门依次开启与闭合。
དེ་ནས་ཡེ་ཤེས་དབྱིངས་ཀྱི་མཁའ་འགྲོ་སྡེ་ལྔ་སྤྲུལ་པའི་བྱ་རྒོད་ཀྱི་རྣམ་པའི་གྲོགས་དང་བཅས་ཏེ་ནམ་མཁའ་ནས་གཤེགས་པའི་ཚེ་རྒྱང་རིང་པོ་ན་མཁའ་སྤྱོད་ཀྱི་ཞིང་ཁམས་གཞན་ཡང་མཐོང་ལ་ཞིང་ཁམས་གཞན་ནས་ཕེབས་པའི་རྣལ་འབྱོར་པའི་ཚོགས་རྣམས་ལ་འཇའ་ཟེར་འོད་ཀྱི་རྩེ་མོར་མཆོད་པའི་སྤྲིན་རབ་འབྱམས་དཔག་ཏུ་མེད་པ་ཐོགས་པའི་ལྷ་མོ་རྣམས་ཀྱིས་བསུ་སྐྱེལ་བྱེད་པ་དང་། དེ་ནས་ཐག་ཧ་ཅང་མི་རིང་བའི་སར་གངས་རི་དཀར་པོ་ཞོ་གསར་སྤུངས་པ་ལྟ་བུའི་ཡང་རྩེ་ན་བདུད་རྩིའི་སྤྲིན་དཀར་ལང་ལོང་དུ་འཁྲིགས་པའི་དབུས་སུ་འཕགས་མཆོག་སྤྱན་རས་གཟིགས་ཀྱི་ཕོ་བྲང་པོ་ཏ་ལ་གསེར་འོད་ལམ་ལམ་འཕྲོ་བ་དང་མཇལ་བས་དད་སྤྲོའི་པདྨོ་ཁོངས་ནས་འཛུམ་པའི་ཚུལ།
这群飞鹰是五步空行的化身，仁波切随同她们升入空中。眺望远处时，仁波切见到雪山巅顶上方有甘露白云环绕，云层中央有大悲观世音的布达拉宫殿。
དེ་ནས་མཐའ་བསྐོར་གྱི་དྲི་མེད་ཡན་ལག་བརྒྱད་དང་ལྡན་པའི་མཚོ་གླིང་ཆེན་པོ་ནའང་ངོ་མཚར་སྤྲུལ་པའི་པོ་ཏ་ལ་བཀྲག་མདངས་ཀྱི་གཟི་འོད་ལམ་མེར་འཆར་བ་ལ་ལྷ་རྣམས་ཀྱིས་བདུད་རྩིའི་ཆུའི་མཆོད་ཡོན་སྦྲེང་ཞིང་ཀླུ་རྣམས་ཀྱིས་སྣ་ཚོགས་ནོར་བུའི་མཆོད་སྤྲིན་འབུལ་བར་གཟིགས་པའི་ཚུལ།
仁波切在空中俯视下方，见到海中也有幻化布达拉宫殿。
དེ་ནས་སྐྱོན་བྲལ་ནམ་མཁའ་དྭངས་པའི་དབྱིངས་སུའང་སྣང་ལ་རང་བཞིན་མ་གྲུབ་པའི་སྒྱུ་འཕྲུལ་སྤྲུལ་པའི་པོ་ཏ་ལ་འཇའ་ཚོན་སྣ་ལྔའི་འོད་ཀློང་དུ་ཤར་བ་ལ་བར་སྣང་ནས་མཆོད་པའི་ལྷ་མོ་རྣམས་ཀྱིས་གདུགས་དང་རྒྱལ་མཚན་དུང་དང་རོལ་མོ་སོགས་ཐོགས་ནས་གླུ་དང་གར་གྱི་ཕྱག་རྒྱ་བསྒྱུར་ཞིང་འོག་ནས་ཀླུའི་བུ་མོ་རྣམས་ཀྱིས་ནོར་བུའི་རིགས་བསམ་གྱིས་མི་ཁྱབ་པའི་མཆོད་སྤྲིན་སྟོབས་པར་མཇལ་བའི་ཚུལ།
仁波切在空中仰视上方，见到虚空处有幻化布达拉宫殿熠熠放光。
དེ་ནས་འཕགས་མཆོག་ཐུགས་རྗེ་ཆེན་པོའི་ཕོ་བྲང་པོ་ཏ་ལའི་ལྕགས་རིའི་སྒོ་དྲུང་དུ་བསླེབས་པའི་ཚེ་ན་སྐྱེ་བའི་ཕྲེང་བ་སྔོན་མའི་དུས་ཀྱི་རྡོ་རྗེའི་མཆེད་པོ་དག་གིས་མདུན་བསུས་ཏེ་བཀྲ་ཤིས་པའི་རྫས་དཔག་ཏུ་མེད་པ་ཕྱག་ན་བསྣམས་པའི་དཔའ་བོ་དང་ཌཱཀྐི་གྲངས་མེད་པ་རྣམས་དང་འཇོ་སྒེག་ཉམས་ཀྱི་རྣམ་འགྱུར་མིག་འཕྲུལ་ལྟར་བསྒྱུར་བའི་གླུ་མ་དང་གར་མ་མང་པོས་དྲི་མ་མེད་པའི་ཁ་བཏགས་སྲིད་ན་རིང་བས་སྣ་དྲངས་ཏེ་རོལ་མོའི་རིགས་སྣ་ཚོགས་ཀྱིས་བསུས་པའི་ཚེ་ན་སྐྱབས་རྗེ་བླ་མ་རིན་པོ་ཆེ་མཆོག་ཀྱང་ཐུགས་དགའ་སྤྲོའི་ཉམས་ཀྱིས་མྱོས་པས་ཐོལ་བྱུང་གི་མགུར་མ་དང་ཞབས་བྲོ་འཁྲབ་བཞིན་ཕེབས་པའི་ཚུལ།
仁波切抵达布达拉宫殿的外墙大门时，有无量无边的勇父与空行手捧各种供品与乐器，共同迎接仁波切的到来。
དེ་ནས་གཞལ་ཡས་ཁང་གི་ནང་དུ་ཀུན་བཟང་མཆོད་པའི་སྤྲིན་གྱི་ཕུང་པོ་མངོན་པར་བཀྲམས་པའི་དབུས་སུ་རྒྱལ་ཀུན་སྙིང་རྗེའི་རང་གཟུགས་འགྲོ་འདུལ་སྤྱན་རས་གཟིགས་རབ་དཀར་ཟླ་བ་གཞོན་ནུའི་འཛུམ་ཞལ་ཅན་གཡས་གཡོན་དུ་སྒྲོལ་མ་དཀར་ལྗང་གཉིས་བཅས་བཞུགས་པའི་དྲུང་དུ་ཕེབས་པའི་ཚེ་ན་སྤྱན་རས་གཟིགས་ཀྱི་ཐུགས་ཀ་ནས་སྤྲུལ་པའི་འཕགས་མཆོག་ལོ་ཀི་ཤྭ་ར་མདུན་དུ་བྱོན་ཏེ་ཕྱག་གཡས་པ་གསེར་གྱི་མདོག་ཅན་གླང་པོ་ཆེའི་སྣ་ཞགས་ལྟར་བསྐྱངས་པ་དེ་ཉིད་སྤྱི་བོར་བཞག་ནས་བུ་ཁྱོད་མ་འོངས་པའི་དུས་ན་བསྐལ་བ་མེ་ཏོག་བཀོད་པ་ལ་བྱང་ཆུབ་སེམས་དཔའ་བློ་གྲོས་རྒྱན་དུ་སངས་རྒྱས་པར་འགྱུར་རོ་ཞེས་བྱང་ཆུབ་མཆོག་ཏུ་ལུང་བསྟན་པའི་ཚུལ།
仁波切进入布达拉宫殿时，大悲观世音的心间幻化出圣尊“洛格秀冉（大悲观世音的化身）”。圣尊伸出金色手臂置于仁波切头顶，赐予未来菩提果位之授记。
དེ་ནས་མི་འཇིགས་སེང་གེ་བརྒྱད་ཀྱིས་བཏེགས་པའི་ཁྲི་སྣ་ཚོགས་པདྨ་ཟླ་བའི་གདན་གྱི་སྟེང་དུ་འཕགས་མཆོག་ཕྱག་ན་པདྨོ་སྐུ་མདོག་གངས་ཀྱི་ལྷུན་པོ་ལ་ཉི་འོད་འབུམ་གྱིས་འཁྱུད་པ་ལྟར་བཞུགས་པའི་སྤྱན་སྔར་སྒོ་གསུམ་གུས་ཕྱག་དང་བཅས་དངོས་འབྱོར་ཡིད་ཀྱིས་སྤྲུལ་པའི་མཆོད་སྤྲིན་དཔག་ཏུ་མེད་པ་ཕུལ་ཏེ་གསོལ་བ་བཏབ་པས་འཕགས་མཆོག་ཐུགས་རྗེ་ཆེན་པོས་སྨིན་བྱེད་དབང་བཞིའི་ཆུ་བོ་སྤྱི་དང་ཁྱད་པར་དུ་རིག་པ་རྩལ་གྱི་དབང་མཆོག་བསྐུར་ཞིང་ངེས་པ་དོན་གྱི་རྒྱལ་ཚབ་ཏུ་མངའ་གསོལ་བའི་ཚུལ།
持莲圣尊赐与仁波切成熟四灌顶。
དེ་ནས་སླར་ཡང་གསོལ་བ་བཏབ་པའི་ངོར་བརྩེ་ཆེན་སྙིང་རྗེའི་རང་གཟུགས་འཕགས་མཆོག་མིག་མི་ཟུམ་པའི་ཐུན་མིན་ཉེ་བརྒྱུད་ཀྱི་གདམས་པ་ཟབ་མོ་སྟེ་གྲོལ་བྱེད་ཁྲིད་ཀྱི་རིམ་པའི་མན་ངག་སྙན་བརྒྱུད་ཟབ་མོ་རྣམས་ཕ་ནོར་བུ་སྐལ་གྱི་ཚུལ་དུ་གཏད་དེ་ཕྱིས་སུ་སྐལ་ལྡན་གྱི་སློབ་མ་དང་སྣོད་ལྡན་གྱི་གང་ཟག་རྣམས་རྗེས་སུ་འཛིན་དགོས་པར་གསུངས་ཏེ་བཀའ་ཡིས་གཟེངས་བསྟོད་མཛད་པའི་ཚུལ།
复次，持莲圣尊又赐与仁波切解脱教授心要。
དེ་ནས་ས་ཆེན་པོ་ལ་གནས་པའི་བྱང་ཆུབ་སེམས་དཔའ་དཔག་ཏུ་མེད་པའི་དབུས་སུ་རིགས་དང་དཀྱིལ་འཁོར་ཀུན་གྱི་བདག་ཉིད་སྐྱབས་རྗེ་བླ་མ་རིན་པོ་ཆེ་ཉིད་ལ་ལོངས་སྤྱོད་རྫོགས་པའི་སྐུའི་རྒྱན་ཆས་རྣམས་ཀྱིས་མངའ་གསོལ་ཞིང་བཀའ་གཏེར་སྤྱི་དང་བྱེ་བྲག་ཏུ་གསུང་པདྨ་རིགས་ཀྱི་མདོ་རྒྱུད་ཀྱི་ཆོས་བཀའ་ཡོངས་སུ་རྫོགས་པའི་གླེགས་བམ་རྣམས་གཏད་དེ་ད་དུང་ཕྱིར་མི་ཡུལ་དུ་ཕེབས་ནས་བསྟན་པ་དང་འགྲོ་བའི་དོན་རྒྱ་ཆེན་པོ་མཛད་དགོས་པའི་བཀའ་ལུང་གསེར་གྱི་ཅོད་པཎ་སྤྱི་བོར་བསྩལ་བའི་ཚུལ།
此时仁波切已处于无量的菩萨中，大悲观世音化身赐与仁波切圆满报身严饰，以及语莲花部教藏经续法要。复又嘱咐仁波切说，善男子，汝仍需继续成办广大利他事业。
དེ་ནས་གཞན་ཡང་ཐུགས་རྗེ་ཆེན་པོ་འགྲོ་བ་ཀུན་གྲོལ། འཕགས་མཆོག་སྡུག་བསྔལ་རང་གྲོལ། སྙིང་རྗེའི་གཏེར་ཆེན་མིག་མི་ཟུམ་པ།མཐོང་གྲོལ་ཆེན་མོ་དོན་ཡོད་ཞགས་པ། བདེ་སྟོང་དགྱེས་རོལ་རྒྱལ་བ་རྒྱ་མཚོ། གཞོན་ནུ་ཡེ་ཤེས་འཁོར་བ་དོང་སྤྲུགས། སྐུ་ལྔའི་བདག་ཉིད་ཡང་གསང་བླ་མེད། སྲིད་ཞིའི་ཁྱབ་བདག་ངན་སོང་དོང་སྤྲུགས། ནད་རིམས་གདོན་འཇོམས་སེང་གེའི་སྒྲ། འགྲོ་བློའི་རྨོངས་སེལ་ཤེས་རབ་མིག་འབྱེད་སོགས་ངོ་བོ་གཅིག་ལ་རྣམ་འགྱུར་གྱི་རོལ་བ་ཐ་དད་དུ་སྣང་བའི་ཐུགས་རྗེ་ཆེན་པོ་སྒྱུ་འཕྲུལ་དྲྭ་བའི་ལྷ་ཚོགས་འཁོར་དང་བཅས་པ་རྣམས་ལ་མཇལ་ནས་དེ་དག་རེ་རེའི་མདུན་ནས་ཁམས་གསུམ་འཁོར་བ་དོང་སྤྲུགས་ཀྱི་གདམས་པ་རེ་རེ་བཞིན་ཐོབ་པའི་ཚུལ།
此后，仁波切依次亲见了妙慧辨析眼遣众愚菩萨，狮子语催灭瘟病邪魔菩萨，五身自性无上深密菩萨，大悲藏不合眼菩萨，空乐喜供佛海菩萨，见解脱不空羁索菩萨，周遍有寂拔除恶趣菩萨，大悲心痛苦自解脱菩萨，童智拔除轮回菩萨，大悲心解脱一切众菩萨。
དེ་ནས་སླར་ཡང་རི་བོ་གྲུ་འཛིན་པོ་ཏ་ལའི་ཞིང་ཁམས་ནས་སྟོན་པ་དགའ་རབ་རྡོ་རྗེ། རིག་འཛིན་ཤྲཱི་སིང་ཧ། སློབ་དཔོན་འཇམ་དཔལ་བཤེས་གཉེན། ཨོ་རྒྱན་སངས་རྒྱས་གཉིས་པ།པཎ་ཆེན་བཱི་མ་མི་ཏྲ། མཁན་ཆེན་བྷོ་དྷི་ས་ཏྭ། ཆོས་རྒྱལ་ཁྲི་སྲོང་ལྡེའུ་བཙན། ལོ་ཆེན་བཻ་རོ་ཙ་ན། རྒྱལ་མོ་གཡུ་སྒྲ་སྙིང་པོ། ཇོ་བོ་རྗེ་ཨ་ཏི་ཤ རྒྱལ་དབང་ལྔ་པ་ཆེན་པོ། ལོ་ཆེན་རིན་ཆེན་བཟང་པོ་སོགས་འཕགས་བོད་པཎ་གྲུབ་རྣམས་ཀྱང་རེ་རེ་བཞིན་མཇལ་ནས་ཟབ་ཆོས་ཀྱི་བགོ་སྐལ་དུ་མ་ནོད་པའི་ཚུལ།
仁波切又依次亲见了持明极喜金刚，文殊友，西日桑哈，加那斯扎，布玛目扎，莲花生大师，贝若遮那，玉扎宁波，寂命堪布，赤松德赞，阿底峡尊者，洛钦仁青桑布等印藏证通成就者，获得了诸多甚深法要。
དེ་ནས་ཕོ་བྲང་ཆེན་པོའི་བར་ཁྱམས་རྣམས་སུ་གིང་ཆེན་རྣམ་བཞི་དང་དཔའ་བོ་སྡེ་བཞི། གཞན་ཡང་སྒེག་སོགས་འདོད་ཡོན་གྱི་ལྷ་མོ་དཔག་ཏུ་མེད་པས་མཆོད་རྫས་ཀྱི་བྱེ་བྲག་གྲངས་མེད་པ་ཐོགས་ནས་རྡོ་རྗེའི་གླུ་དབྱངས་སྙན་ལ་འཇེབས་པ་འགྱུར་ཁུག་དྲུག་དང་ལྡན་པ་དང་ཉམས་ཀྱི་འགྱུར་ལྡེམ་ཡིད་འཕྲོག་པའི་ཞབས་བྲོ་དང་ཕྱག་རྒྱའི་གར་སྟབས་མིག་འཕྲུལ་ལྟར་བསྒྱུར་བ་སོགས་ལ་མཇལ་བའི་ཚུལ།
宫殿回廊周围有无量无边供养天女，手捧各种供物献给上师三宝等福田。此外还有骷髅护法四部，勇父四部等表演金刚歌舞，如同幻术般变化无穷。
དེ་ནས་ཕོ་བྲང་ཆེན་པོའི་བར་ཁང་ཁ་སྦྱོར་ཡན་ལག་བདུན་ལྡན་ལོངས་སྤྱོད་རྫོགས་སྐུའི་ཞིང་ཁམས་སུ་ཕེབས་ནས་ཐུགས་རྗེ་ཆེན་པོ་གསང་བ་འདུས་པ་དང་། རྒྱལ་ཡུམ་ཡི་གེ་དྲུག་མ། སྲས་ནོར་བུ་འཛིན་པ། སྲས་མོ་རིག་སྔགས་འཛིན་མ། གཞན་ཡང་བྱང་ཆུབ་སེམས་དཔའ་ཉེ་བའི་སྲས་བརྒྱད་དང་། ཉན་རང་དགྲ་བཅོམ་པའི་འཁོར་ཚོགས་གྲངས་མེད་པ་དང་མཇལ་ཞིང་ཐུན་མོང་དང་ཐུན་མིན་གྱི་ཟབ་ཆོས་དུ་མ་ཐོབ་པའི་ཚུལ།
仁波切又赴往宫殿中层报身刹土，亲见了密集金刚主尊，大悲观世音菩萨，弥勒菩萨，地藏王菩萨，虚空藏菩萨，普贤菩萨，除盖障菩萨，文殊菩萨，金刚手菩萨等。
དེ་ནས་ཕོ་བྲང་ཆེན་པོ་རི་བོ་པོ་ཏ་ལའི་ཕྱོགས་མཚམས་རྣམས་སུ་ཡེ་ནས་དབྱིངས་དང་ཡེ་ཤེས་གཉིས་སུ་མེད་པའི་ངོ་བོར་དབྱེར་མེད་རོ་གཅིག་ཏུ་བཞུགས་ནའང་གདུལ་བྱའི་སྣང་ངོར་གང་ལ་གང་འདུལ་དེ་ལ་དེ་སྟོན་གྱི་ཚུལ་དུ་འགྲོ་འདུལ་སྤྲུལ་པའི་སྐུར་བཞེངས་པ་ནི་སྤྱན་རས་གཟིགས་ཀྱི་སྤྲུལ་པ་ཕྱག་སྟོང་ལས་འཁོར་ལོས་སྒྱུར་པའི་རྒྱལ་པོ་སྟོང་དང་། སྤྱན་སྟོང་ལས་བསྐལ་བཟང་གི་སངས་རྒྱས་སྟོང་། གཞན་ཡང་དམ་པའི་ཆོས་ཀྱི་སྙིང་པོ་ངོ་བོ་ཡི་གེ་དྲུག་མ་ཡིན་པ་ལ་འགྲོ་འདུལ་སྤྲུལ་པའི་སྐུ་མཆོག་ཐུབ་པ་དྲུག་གི་རྣམ་པས་སེམས་ཅན་གྱི་དོན་མཛད་པའི་ཚུལ་ནི། ཨོཾ་དཀར་པོ་ལྷའི་ཡུལ་དུ་འཕྲོས་ཏེ་བཅོམ་ལྡན་འདས་དབང་པོ་བརྒྱ་བྱིན་གྱི་སྐུར་བཞེངས་ནས་འཆི་འཕོ་ལྟུང་བའི་སྡུག་བསྔལ་ལས་བསྐྱབས་པ། མ་དམར་པོ་ལྷ་མ་ཡིན་གྱི་གནས་སུ་འཕྲོས་ཏེ་བཅོམ་ལྡན་འདས་ཐགས་བཟང་རིས་ཀྱི་སྐུར་བཞེངས་ནས་འཐབ་རྩོད་ཀྱི་སྡུག་བསྔལ་ལས་བསྐྱབས་པ། ཎི་ལྗང་གུ་མིའི་འཇིག་རྟེན་དུ་འཕྲོས་ཏེ་བཅོམ་ལྡན་འདས་ཤཱཀྱ་ཐུབ་པའི་སྐུར་བཞེངས་ནས་སྐྱེ་རྒ་ན་འཆིའི་སྡུག་བསྔལ་ལས་བསྐྱབས་པ། པད་སེར་པོ་བྱོལ་སོང་གི་གནས་སུ་འཕྲོས་ཏེ་བཅོམ་ལྡན་འདས་སེང་གེ་རབ་བརྟན་གྱི་སྐུར་བཞེངས་ནས་བཀོལ་སྤྱོད་དང་གླེན་ལྐུགས་ཀྱི་སྡུག་བསྔལ་ལས་བསྐྱབས་པ། མེ་སྨུག་པོ་ཡི་དྭགས་ཀྱི་ཡུལ་དུ་འཕྲོས་ཏེ་བཅོམ་ལྡན་འདས་ཁ་འབར་དེ་ཝའི་སྐུར་བཞེངས་ནས་བཀྲེས་སྐོམ་གྱི་སྡུག་བསྔལ་ལས་བསྐྱབས་པ། ཧཱུྃ་མཐིང་ནག་དམྱལ་བའི་གནས་སུ་འཕྲོས་ཏེ་བཅོམ་ལྡན་འདས་ཆོས་ཀྱི་རྒྱལ་པོའི་སྐུར་བཞེངས་ནས་ཚ་གྲང་གི་སྡུག་བསྔལ་ལས་བསྐྱབས་པ་སོགས་གང་ལ་གང་འདུལ་གྱིས་འགྲོ་བའི་དོན་མཛད་པའི་ཚུལ་རྣམས་མཇལ་བའི་ཚེ་ན་སྐྱབས་རྗེ་བླ་མ་རིན་པོ་ཆེའི་རྒྱུན་གྱི་ཐུགས་དམ་ཉག་གཅིག་ཏུ་མཛད་པའི་སྨོན་ལམ་སྟེ།
ཇི་སྲིད་ནམ་མཁའ་གནས་པ་དང་།།
འགྲོ་བ་ཇི་སྲིད་གནས་པ་ལྟར།།
དེ་སྲིད་བདག་ནི་གནས་གྱུར་ཏེ།།
འགྲོ་བའི་སྡུག་བསྔལ་སེལ་བར་ཤོག།
ཅེས་པའི་བྱང་ཆུབ་སེམས་དཔའ་སྙིང་སྟོབས་ཆེན་པོའི་སྨོན་ལམ་སྟེ་ངན་སོང་འཁོར་བ་དོང་ནས་སྤྲུགས་པའི་ཐུགས་སྨོན་རྒྱ་ཆེར་གནང་བའི་ཚུལ།
持舟山刹土周边复有无量无边大悲观世音化身，如转轮圣王，贤劫千佛，六道轮回导师等。总之，大悲观世音以利他之心应机度化，示现种种化身调服一切有情。
དེ་ནས་རི་བོ་གྲུ་འཛིན་གྱི་ཞིང་གི་ཕྱོགས་བཞི་དང་དབུས་རྣམས་སུ་རང་སྣང་ལོངས་སྐུའི་ཞིང་ཁམས་སོ་སོ་ན་བཅོམ་ལྡན་འདས་རྒྱལ་བ་རིགས་ལྔ་གཙོ་འཁོར་གྱི་བཀོད་པ་ནི། ཡང་ཐོག་འོག་མིན་བདེ་བ་ཆེན་པོའི་ཕོ་བྲང་ན་ཆོས་སྐུའི་སྟོན་པ་སྣང་བ་མཐའ་ཡས་ལ་འཁོར་མ་ཆགས་པདྨ་གསུང་གི་རིགས་ཀྱི་ལྷ་ཚོགས་ཀྱིས་བསྐོར་བ། ཤར་ཕྱོགས་འཇའ་འོད་ཐིག་ལེ་མཐིང་གའི་དབུས་སུ་བཅོམ་ལྡན་འདས་རྡོ་རྗེ་སེམས་དཔའ་ལ་འཁོར་རྡོ་རྗེ་རིགས་ཀྱི་ལྷ་ཚོགས་ཀྱིས་བསྐོར་བ། ལྷོ་ཕྱོགས་སུ་འཇའ་འོད་ཐིག་ལེ་སེར་པོའི་དབུས་སུ་བཅོམ་ལྡན་འདས་རིན་ཆེན་འབྱུང་ལྡན་ལ་འཁོར་རིན་ཆེན་རིགས་ཀྱི་ལྷ་ཚོགས་ཀྱིས་བསྐོར་བ།ནུབ་ཕྱོགས་ན་འཇའ་འོད་ཐིག་ལེ་དཀར་གསལ་གྱི་དབུས་ན་བཅོམ་ལྡན་འདས་རྣམ་པར་སྣང་མཛད་ལ་འཁོར་དེ་བཞིན་རིགས་ཀྱི་ལྷ་ཚོགས་ཀྱིས་བསྐོར་བ། བྱང་ཕྱོགས་སུ་འཇའ་འོད་ཐིག་ལེ་ལྗང་གསལ་གྱི་དབུས་ན་བཅོམ་ལྡན་འདས་དོན་ཡོད་གྲུབ་པ་ལ་འཁོར་ལས་ཀྱི་རིགས་ཀྱི་ལྷ་ཚོགས་ཀྱིས་བསྐོར་བ། ཕོ་བྲང་གི་མདུན་གྱི་ཐད་དུ་ལྟ་ན་སྡུག་པའི་ཞིང་ཁམས་སུ་བཅོམ་ལྡན་འདས་སངས་རྒྱས་སྨན་གྱི་བླ་མ་ལོངས་སྐུའི་ཆ་བྱད་ཅན་འཁོར་བྱང་སེམས་དྲང་སྲོང་ཚེ་ཡི་རིག་འཛིན་དང་བཅས་པ་མཇལ་བའི་མོད་ལ་མཐོང་ཐོས་དྲན་རེག་གི་སེམས་ཅན་ཐམས་ཅད་གནས་སྐབས་དང་མཐར་ཐུག་གི་ཕན་བདེའི་དཔལ་ལ་སྦྱོར་བའི་ཐུགས་སྨོན་ཟབ་རྒྱས་གནང་བའི་ཚུལ།
仁波切又亲见自显五方佛报身刹土与主眷众，悉皆于智慧，光帐网中清晰显现。其中，布达拉宫殿前方有妙庄严刹土，出有坏药师佛圆满报身严饰，四周有长寿持明仙人菩萨眷众围绕，东方有现喜刹土，出有坏金刚萨垛尊位于蓝色虹光明点界中央，四周有金刚部菩萨眷众围绕，南方有宝生佛主眷众，悉皆处于黄色虹光明点界中。西方有密严刹土出有坏毗卢遮那佛位于白色虹光明点界中央，四周有如来部菩萨眷众围绕，北方有不空成就佛主眷众围绕，悉皆处于绿色虹光明点界中。
此外，仁波切又亲见持舟山刹土最上方有密严大乐宫殿，法身无量光佛四周有莲花部菩萨眷众围绕。
དེ་ནས་ཕོ་བྲང་ཆེན་པོའི་ཕྱིའི་སྒོ་བཞིར་སྒོ་སྲུང་ཁྲོ་བོ་རྟ་མགྲིན་རིགས་བཞི་དང་བཀའ་སྲུང་དམ་ཅན་རྒྱ་མཚོའི་ཚོགས་དང་བཅས་པར་མཇལ་ཞིང་དེ་དག་གིས་ཀྱང་ཕྱི་ནང་གསང་བའི་བར་ཆད་ཐམས་ཅད་ཀྱི་གཡུལ་ལས་རྣམ་པར་རྒྱལ་བའི་རྒྱལ་རྟགས་ཀྱི་རྔ་སྒྲ་གཟེངས་མཐོན་པོར་བསྒྲགས་ཏེ་སླར་མི་ཡུལ་དུ་ཕེབས་དགོས་པར་ཐུགས་རྒྱུད་བསྐུལ་བའི་ཚེ་ན་སྐྱབས་རྗེ་བླ་མ་རིན་པོ་ཆེ་མཆོག་ཉིད་ཞིང་ཁམས་དེར་བཞུགས་འདུན་ཧ་ཅང་ཆེ་ན་ཡང་མཁའ་འགྲོ་སྡེ་བཞི་དང་གཞན་ཡང་ཆོས་སྐྱོང་མ་གཟའ་དམ་གསུམ། གནོད་སྦྱིན་ཙིའུ་དམར་པོ།འཛམ་གླིང་སྐྱེས་བུ་དོན་འགྲུབ། བོད་སྐྱོང་བསྟན་མ་བཅུ་གཉིས་སོགས་ཀྱིས་ཐུགས་དགྱེས་བརྩེའི་ངང་ནས་སྐྱེལ་མ་བྱས་ཤིང་། ཨ་མྱེ་རྨ་ཆེན་སྦོམ་ར་དང་། ཤར་སྟོད་ཀྱི་གཉན་པོ་གཡུ་རྩེ་སོགས་རང་གནས་ཀྱི་གཞི་བདག་རྣམས་ཀྱིས་བསུ་མ་བྱས་ཏེ་ཕྱིར་རང་ཡུལ་དུ་ཕེབས་པའི་ཚུལ།
仁波切又亲见布达拉宫殿四方有四门，其中东门有金刚部马头明王护法，南门有珍宝部马头明王护法，西方有莲花部马头明王护法，北方有羯磨部马头明王护法。此外，仁波切又亲见护法一髻佛母，曜王护法，护法金刚善，药叉护法紫玛尔，护法格萨尔王，阿尼玛卿山神，东方年宝玉则山神，冈底斯山神，华丹玛索甲姆等如海护法神众。最后在四部空行与护法神众的陪伴下，仁波切返回自己住处。
དེ་ལྟར་འོད་གསལ་དག་པའི་གཟིགས་སྣང་ཆོས་ཉིད་སྒྱུ་མར་ཤར་བའི་ལྟད་མོ་འབྱམས་སུ་ཀླས་པའི་སྐབས་དེ་ཙམ་ན་སྒྲུབ་སྡེ་ཆེན་པོའི་ཐུན་མཚམས་ཀྱི་དུང་སྒྲ་དིར་དིར་བུས་པས་སྐྱབས་རྗེ་བླ་མ་རིན་པོ་ཆེ་ཐུགས་འོད་གསལ་བདེ་བའི་མལ་ལས་ལྡང་སྟེ་རྒྱུན་གྱི་སྤྱོད་ལམ་ལ་རྗེས་སུ་གནང་བ་སྟེ་དེ་ནི་མཐོང་སྣང་ཞིང་ཁམས་ཀྱི་རྣམ་པ་བཤད་པའོ། །
怙主上师仁波切正处于大乐梦光明净相中时，由寺院闭关中心传来清脆的螺音，于是仁波切收座并开始日常四威仪行。
ཕྱི་གླིང་པ་དག་གིས་བོད་ཡིག་ལ་མཐོང་ཆེན་བྱེད་པར་རྒྱུ་མཚན་འདི་ཡོད།
མ་ལག་དགོས་ན་འདི་ན་ཡོད་པས་འབྲེལ
འབུར་གཟུཊ་དང་ཨ་ལོང་སོཊ་བཟོ་ཚུལ
སྤྱོད་སྒོ་ཆེ་བའི་མ་ལག ཇུས་འགོད
བརྩེ་དུང་གི་སྒྲོན་མེ། རྩོམ་པ་པོ་ཐེ་གོར།
རྒྱ་གར་པ་དག་ལ་ངོ་མ་རྒྱུ་རྩལ་འདུག
བདེ་ལྡན་ཞིང་གི་ངོ་སྤྲོད། བརྙན།
ཨ་མའི་སློབ་གསོ། མཁན་ཆེན་ཚང་གིས
སྒྲ་སྙན་ཀྱི་དབྱངས་དང་ཀྲོལ་སྟངས
སངས་རྒྱས་ཀྱི་རྣམ་ཐར་དུམ་ཚན་ཞིག
ཨ་འདུས་གླུ་མ་དཀར་པོའི་གཞས་གསར།
ཀློང་ཆེན་པ་དང་ཞལ་མི་གཉིས་པའི་ཁང་སར་བསྟན་པའི་དབང་ཕྱུག་གི་ཆོས་རྩོད
ལོ་སར་གཅིག་གྱུར་བྱེད་པའི་རེ་ཞུ
གསང་གྲངས་བརྗེད་ན་བཟོ་བྱེད་སྟངས
ཀུ་ཤུ་ཁ་པར་ནང་གི་གསུབ་ཟིན་པའི་ཡིག་ཆ་ཕྱིར་འཚོལ་ཐབས།
ཆ་འཕྲིན་ཤེས་བྱ་སྣ་ཚོགས་ཤེས་འདོད་ན་འདི་ནས་འབྲེལ།
མི་ཡུལ་གྱི་ཟླ་བ།
ཚང་མས་ངེས་དགོས་པའི་དོ་དམ་པའི་གསལ་བཤད། འཕྲིན་སྟེགས་འདིའི་ཁེ་དབང་ནི་གཙོ་སྒྲུབ་པ་ཨ་ཙརྱ་ལ་དབང་བས། འདི་གར་དོ་དམ་པས་ཆེད་དུ་བསྒྲིགས་པའི་ནང་དོན་དག་ཕྲིན་སྟེགས་གཞན་པས་དོ་དམ་པ་ཡིད་འཐད་མིན་པར་གང་འདོད་དུ་ཁ་བྱང་སོགས་རྐུ་བཤུ་བྱེད་མི་ཆོག་པར་མ་ཟད། གལ་ཏེ་ནང་དོན་རྐུ་མཁན་ཡོད་ན་རང་ཉིད་ལ་ཁྲིམས་ཆད་ཕོག་ངེས་པས་དེ་ལུགས་ཐུགས་འཇགས་འཚལ་ཞུ་བ་དང་། འཕྲིན་སྟེགས་འདི་གར་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཡོད་ཚེ་དོ་དམ་པར་འབྲེལ་གཏུག་བྱོས་དང་ཐད་ཀར་བསུབ་ངེས་ལགས།
ཁྱེད་ཉིད་ཨ་ཙརྱའི་རིག་གཞུང་འཕྲིན་སྟེགས་སུ་ཕེབས་པར་དགའ་བསུ་ཞུ། ཉིད་ཀྱིས་ཕྲན་ལ་རྒྱབ་སྐྱོར་དང་དོ་ཁུར་གནང་བར་སྙིང་ནས་བཀའ་དྲིན་ཆེ་ཞུ་བ་དང་ཆབས་ཅིག གཞན་ཁྱོད་ལ་འཕྲིན་སྟེགས་འདིར་འགོད་དགོས་པའི་རྩོམ་ཡིག་དང་། གླུ་དང་རྡུང་ལེན། གསལ་བརྡ། ཚོང་ལས་བརྡ་ཁྱབ་སོགས་ཡོད་ན། དོ་དམ་པར་འབྲེལ་བ་བྱོས་དང་རིན་གོང་ཧ་ཅང་སླ་མོའི་སྒོ་ནས་ཁྱོད་ལ་རྒྱབ་སྐྱོར་བྱེད་ངེས།
སྒྲིག་སྦྱོར་པ། ཨ་ཙརྱ།
རིག་གཞུང་འཕྲིན་སྟེགས་ནི་བོད་ཁུལ་དེང་རབས་ཀྱི་བརྡ་འཕྲིན་བརྒྱུད་ལམ་ཞིག་ཡིན་པས།
འདིས་འཚོ་བའི་དགོས་མཁོ་སྐོང་ཐུབ་པར་སྨོན།