评委特辑 | 喺地動既前夜——方少聪诗三首
馬禮遜：
亞興，掩埋門，咪閂，出便既風聲好大，
備壺熱茶，呌隻狗仔咪吠；我地等佢黎咯。
你有冇知到，呢的風嚿乜來歷，因乜解究
落力噉吹，無𠸎𠸎既，亦唔帶連氣雨？
亞興：
馬走逆風，老師，我信得你過，
答唔準時，你大人有大量。
先日我行喺街上，見三個盲佬
踢燕，佢地話，唔使好耐，
翻風就冇得遊戲，聞得出
大地入便喐吓喐吓——相當
籠中縕住既惡力出冊，風
會揭起笪大地，就話就有。
我思疑，照噉講，翻風之後
一場攞命既地動要黎。
馬禮遜：
唔識，就咪亂信，聽盲佬言，大誤事𡃓，
重不如聽坭水佬言，佢地踏實地，唔多憨喪。
亦唔單止，沈沈黑暗幾時唔罩住你地雙眼，
你知古人有話，「致知在格物」，體得幾明；
唔論風邊處黎，你都咪俾嚇親，要知得風透。
亞興：
老師，獨係你搇得我頭低。
量喉吞骨，我驚自己
學唔埋黎。面前重有好多程路躝，
我好似個嫩仔囉，唔該嘥你，
擰張刀，為我，摷低拐子佬。
馬禮遜：
乜噉講。我唔係別個人，我亦係僂兜人吖，
共你同病同價，之不過，我先開條火路啫。
食塊豆腐想昇仙，官法打死，佛法餓死：
都曉天主眼核唔藏得一粒沙，咪話恆河沙。
望喊𠾴唥人奉住天主，先至跂得穩，至安樂。
你聽吓，的風，四圍吹蕩，好似務求公平噉。
亞興：
就幾慌，有時都失神。
瞓喺瞓房，擔高頭，
都覺有人扯風扇，雖則涼快，
至後尾亦有的涼得交關。
望穿樖綠樹，的細蚊仔
或寐水，或打緊波，
光豬噉樣，喺打風天，
都怕佢頂唔得順咯。
馬禮遜：
做乜你着咁少衫呢？若果唔捱得過身涼肉冷，
喺黑擝擝既死蔭，極之閉翳陣時，你點收科？
我黎呢處咁耐，條身子，沙水蟻都蝕唨成半，
熱天時禾蟲都爆漿，凍天，又臨的龜蛋逐我。
喺我手中，冇個馬扯手，神明鑑察，你話
我籍賴的乜？即管有力𢬿力，我實做得黎𡃉。
亞興：
你講既話，免致我㕸亂，
需寫落張紙記低。
細個時，我發擺子症，
穩人跳茅山，個道士話：
冇符，本薄冇你名。
就知有日要穩耶穌相幫，
諗唔到，都幾遠路吓。
馬禮遜：
唔爭在呢的路程，體吓我呢條來路鹹魚，
唔愛乞食牛肉，煎蔥雞，為的乜野，係咪？
「虛心既人有福囉」，唞啖氣，而家未為遲。
我覺自己既身，有個疍民，有個葡人，亦有
南海既秀才香山既官：救得佢地黎即救自己。
亞興：
我天生細膽，雞項既性，
係人，都三寸高過我。
行船，我驚水浸；
打獵，我驚燒銃；
烚粒蛋我驚辣親手。
我既靈魂，似條簷蛇
喺我胸襟遊走。
幸在撞着老師，
跟主，我都有俾盡心機，
食開呢檔飯，就唔着草。
馬禮遜：
亞興，我見癐喇，個頭，似俾刀仔鎅開；
你等住人客，我瞓吓先。咪唔記得我今日
既良言。風聲停嘵。上乜賊船，慳番蠟燭。
去批埋的薯仔。八點鐘又十免利時，呌我起身。
亞興：
係既，我生生性性。
人老花殘冇藥醫，
你慢慢瞓，我照應住。
風停實首靜。都係前世有緣
今世結。有隻蝠鼠蕩失路，
飛喺處避避，果係得意。
黎，好比𥅾玻璃影畫鏡，
喺地動既前夜，
聽我，都吟番段聖經。
涯看到佢兜雷公个搭信佬企等田唇，
作力擎起一把把割命个樵刀嫲。
涯看到屎公同屎婆日里有夜里也有，
打等指路个碑石，毋知行哪条正着。
涯看到红鼻公，阿戅牯，粄牯三人，
睡哩一觉目，看圆子树下琴蛇个驳豭。
涯看到寒婆山上打哦嗨个割蓾妹，
后背係焦积个油螺蜂，炙火个牯牛蜂。
涯看到乌乌赤赤个后生仔食哩狗爪豆，
硬翘翘，吂曾试着腹肠腹杂恁样痛。
涯看到遐竹林下阿康牯同催竹鬼赛敲，
唶唶唶唶，两人侪指上血水流脚踭。
涯看到掌牛个细赖子去尞，中气骨射，
厥爷娭遽遽灌佢桐子壳烧灰个碱水。
涯看到擂钵一样个面钵分火屎烈，
游游彳彳畚箕鬼，淫等华亮个松明。
涯看到洋洋漾漾个命水样般搵泡涯兜，
大胆滴子喳，吂爱冇看讫就煞眼。
特别鸣谢：CUHK(SZ)客属联谊会及Lewis为朗诵献声
欲获知诗歌奖相关动态，或对参赛规则有疑问，
请关注或咨询涤纶诗社微信公众号
涤纶诗社招新进行中，入社请填写问卷：
https://www.wjx.cn/jq/80232203.aspx