系北京南路吃左21年噶“大碗粉”,可能听日就无得吃了
主编攻略君微信:ycgl01
商务合作微信:birdyguy
编辑:jacky 摄影:啊宅
北京路有间系巷入边开左21年噶大排档,讲个店名出离可能知道噶人唔多,但系一讲起“大碗粉”附近噶街坊同上班族基本无人唔知。
美荣粉店旧店开系骏田广场后门噶西横街,系巷口望过去黑麻麻,唔知噶人绝对唔会行入去。
行到入去先发现原来别有洞天,残旧简陋噶砖瓦房下面系一间开左21年噶老店。
虽然店面残残旧旧,但系每晚仍然有好多附近噶街坊同加完班噶上班一族离宵夜。
美荣最出名噶就系大碗粉,细噶10蚊一碗,选两种肉。大噶25蚊一窝,选三种肉。
即点即煮,有潮汕肉卷、鱼蛋、墨鱼丸、猪杂、大肠...任你拣。
煮大碗粉噶系潮汕伙计,份量劲足,可以装满满噶6、7碗,而且炸蒜特别香。
汤底用噶系家常噶骨汤,同新鲜噶猪杂非常搭,仲可以吃得出猪杂噶鲜味。
米粉唔单止有自身噶米香味,仲将汤底同猪杂噶精华完全吸晒,加埋炸蒜噶香味,甚至比肉仲好吃。
朝早噶美荣的确只有汤粉,到夜晚会多左小炒、海鲜同烧烤。
蒜香鸡翅
蒜香鸡翅都系即点即炸,上台仲系热辣辣,要摊一阵先吃得到。
炸到金黄金黄,仲有好香噶蒜蓉味,闻到都忍唔住流晒口水。
鸡翅皮脆肉滑,好香口。而且唔会放落好多脆炸粉,一个人吃4只都无问题。
烤元贝
元贝有分大细两种size,大噶60蚊半打,细噶48蚊半打。
▲我地要噶系大元贝
元贝系煮熟再烧,唔算好新鲜,不过胜在够大只,系市区60蚊半打吃到甘大只元贝算唔错啦。
大元贝噶肉质好结实,需要慢慢嚼一阵先得。蒜蓉味唔会太浓,岩岩好可以辟左海鲜噶腥味,又唔会抢晒元贝噶鲜味。
扫描下方二维码关注我,解决你在广州的所有问题!
椒盐多春鱼
多春鱼唔饱肚,而且好香口。几个人坐埋一齐吹水,要一碟离送啤酒就最岩啦。
系中间捏开可以见到全部都系鱼春,而且条条都系!
酥脆噶鱼皮包住饱满噶鱼春,外脆内软,口感好丰富。又唔会好咸,吃多几条都唔口渴。
酱爆牛心顶
酱爆讲求噶系镬气,21年噶老牌大排档镬气绝对无得顶。
牛心顶口感爽脆,同香浓的酱汁系绝配。而且镬气超足,对于老广简直系毒药噶存在。
老细同我地讲,由于面临拆迁噶问题,旧店唔知几时就会执笠。
新店就开系北京路地铁站A出口转弯噶位置,有瓦遮头,无论是灯光定系环境都更好。
同样噶煮粉师傅,同样噶配方,但系对于吃左廿几年噶老街坊离讲可能就唔系果种“味”,无左属于大排档专属噶人情味。
所以你系中意坐系新店入边舒舒服服甘吃“大碗粉”,定系中意踎系旧店度吃“大碗粉”,饮玻璃樽汽水呢?
店名:美荣粉店
地址:越秀区北京南路骏田广场后门西横街(旧店)
越秀区北京南路西横街亮星酒店(新店)
人均:35
营业时间:7:00-04:00
商家邀请小分队探店:18666006310
商务合作:18666006310
队长微信:ycgl01
平台微博:@广州吃货小分队官微
- 精彩推荐
在六运小区藏着一家“黑店”,它的出品独一无二!喝过的人都会上瘾?!
广州首家网红夹口红店,前几天它变了..
记得戳 ↓ 阅读原文 ↓ 就能get到广州的美食!