བོད་ཡུལ་དུ་ཐོག་མར་སླེབས་པའི་ཨུ་རུ་སུའི་ནང་པའི་རྗེས་འཇུག་པ།

汉语版

点击图片阅读

▼

1905年《美国国家地理》的西藏报道 ▎第一位进入西藏的俄罗斯佛教徒

翻译：普桑加

编辑：普桑加

校对：刘时

༡༩༠༣ལོའི་ལྷ་ས་དང་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་ཕོ་བྲང་པོ་ཏཱ་ལ། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་བསམ་ཡས་དགོན།

 པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་རྒྱལ་རྩེ། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་བཀྲ་ཤིས་ལྷུན་པོ་དགོན། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་ལྷ་ས། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་ལྷ་སའི་ཁྲོམ། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་ལྷ་སའི་བུད་མེད། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༣ལོའི་ལྷ་ས་དང་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག།

ཨུ་རུ་སུའི་ནང་པའི་བསྟན་པའི་དད་མོས། 

མགོན་པོ་སྐྱབས་ཚེ་དཔག་ནི་༡༨༧༣ལོའི་ཟླ་༤ཚེས་༢༠ཉིན་འཁྲུངས་པ་དང་། བོད་ཡུལ་དབུས་ཁུལ་དུ་ཡུལ་སྐོར་ལ་སླེབས་པའི་ཨུ་རུ་སུའི་མི་རིགས་རིག་པ་བ་དང་། ཡ་གླིང་རིག་པ་བ། པར་རྒྱག་པ་བཅས་ཡིན། དོ་སྣང་བྱེད་དགོས་པ་ཞིག་ནི་མགོན་པོ་སྐྱབས་ཚེ་དཔག་ནི་ཨུ་རུ་སུའི་པུའུ་ལི་ཡ་ཐེ་བ་ཡིན་ཞིང་། ནང་པའི་རྗེས་འཇུག་པའི་དམིགས་བསལ་གྱི་ཐོབ་ཐང་ཞིག་ཡིན་པའི་ཆ་ནས་ཁོང་བོད་ཡུལ་དུ་སླེབས་པར་སྟབས་བདེ་བསྐྲུན་ཡོད། 

མགོན་པོ་སྐྱབས་ཚེ་དཔག།（Gombojab Tsybikov）

མཁས་པ་ཨི་ཧོར་ཕི་ཏེ་ཧཻ་ནེས་མགོན་པོ་སྐྱབས་ཚེ་དཔག་ཡི་དམིགས་བསལ་གྱི་ཐོབ་ཐང་ལ་ཞིབ་འཇུག་བྱེད་སྐབས་བྲིས་དོན། 

པུའུ་ལི་ཡ་ཐེ་བ་ནི་སོག་པོའི་མི་རིགས་ཤིག་ཡིན་པ་དང་། ཁོ་ཚོ་དང་ཨུ་རུ་སུའི་བར་གྱི་འགྲོ་འོང་དུས་རབས་༡༧པའི་བར་ཁུངས་འདེད་བྱས་ཆོག། པུའུ་ལི་ཡ་ཐེ་བས་དུས་རབས་༡༧པ་ནས་བཟུང་ནང་པའི་བསྟན་པ་ལ་སྐྱབས་སུ་འགྲོ་འགོ་ཚུགས་ཤིང་། དུས་རབས་༡༨པར་ཤར་པུའུ་ལི་ཡ་ཐེའི་མི་རྣམས་ནང་པའི་བསྟན་པར་བློ་ཁ་ཕྱོགས་ཅིང་། ས་མཎ་ཆོས་ལུགས་ཀྱིས་ནུབ་པུའུ་ལི་ཡ་ཐེའི་མིའི་ཁྲོད་དུ་སྔར་བཞིན་ནུས་པ་གལ་ཆེན་འདོན་བཞིན་ཡོད། དུས་རབས་༡༩པར་པུའུ་ལི་ཡ་ཐེ་བས་སོག་པོའི་མི་དང་ཨུ་རུ་སུའི་མིའི་བར་དུ་གནས་པའི་ཐོབ་ཐང་ཞིག་རྒྱུན་འཁྱོངས་བྱེད་བཞིན་ཡོད། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག།

མགོན་པོ་སྐྱབས་ཚེ་དཔག་ནི་ཕྱི་པཻ་ཀལ་མཚེའུ་ས་ཁུལ་དུ་སྐྱེས་པ་དང་། དགུང་ལོ་༥ལ་སླེབས་སྐབས་ཨ་ཕས་ཁོང་ལ་སོག་པོའི་སྐད་ཡིག་གིས་ཀློག་འདོན་དང་རྩོམ་ཡིག་འབྲི་ཚུལ་ཁྲིད། དེ་ནས་༡༨༨༠ལོར་ཨ་ཕས་ཁོ་སློབ་གྲྭར་བསྐྱལ་ནས་སོག་པོའི་སྐད་དང་ཨུ་རུ་སུའི་སྐད་ལ་སློབ་སྦྱོང་གནང་། མགོན་པོ་སྐྱབས་ཚེ་དཔག་ཧྲེང་པི་ཏེ་པའོ་སློབ་གྲྭ་ཆེན་མོའི་ཤར་ཕྱོགས་སྐད་བརྡའི་སྡེ་ཁག་གི་རྒྱ་ཡིག་དང་སོག་ཡིག། མཉྫུའི་ཡི་གེ་ཚན་ཁག་ཏུ་སློབ་གཉེར་གནང་། ༡༨༩༩ལོར་སྡེ་ཁག་འདི་ནས་མཐར་ཕྱིན་ཏེ་བསླབ་གནས་དཔང་ཡིག་ཐོབ། 

༡༩༠༠ལོ་ནས་༡༩༠༡ལོའི་བར་གྱི་བསམ་ཡས་དགོན། 

པར་རྒྱག་པ། མགོན་པོ་སྐྱབས་ཚེ་དཔག། 

སློབ་གྲྭ་མཐར་ཕྱིན་ནས་ཡུན་རིང་མ་སོང་བར་མགོན་པོ་སྐྱབས་ཚེ་དཔག་གིས་བོད་ཡུལ་དབུས་ཁུལ་དུ་ཡུལ་སྐོར་བྱེད་འགོ་ཚུགས་པ་དང་། ༡༨༩༩ལོའི་ཟླ་༡༡པའི་ཚེས་༢༥ཉིན་ནས་འགོ་བཙུགས་ཏེ་༡༩༠༢ལོའི་ཟླ་༤པའི་ཚེས་༤ཉིན་མཇུག་སྒྲིལ། སྐབས་དེར་ཨེ་ཤ་ཡའི་རྒྱལ་ཁབ་ཏུ་སྐྱེས་པའི་ནང་པའི་བསྟན་པ་ལ་དད་པ་བྱེད་མཁན་དེ་དག་ལས་གཞན་བོད་ཡུལ་དུ་སླེབས་ཐུབ་མཁན་ཧ་ཅང་ཉུང་ལ། མགོན་པོ་སྐྱབས་ཚེ་དཔག་བོད་ཡུལ་དུ་མ་སླེབས་གོང་ཨུ་རུ་སུ་བ་བོད་ཡུལ་དུ་སླེབས་རྩིས་བྱས་ནས་ལོ་༣༠ཙམ་སོང་བ་དང་ཡོ་རོབ་པ་དང་ཉི་ཧོང་བ་ཚུད་པའི་མི་རིགས་གཞན་དག་གིས་ཀྱང་དུས་རབས་༡༩པར་ཚོད་ལྟ་བྱས་མྱོང་། 

༡༩༠༠ལོ་ནས་༡༩༠༡ལོའི་བར་གྱི་བསམ་ཡས་དགོན། 

པར་རྒྱག་པ། མགོན་པོ་སྐྱབས་ཚེ་དཔག།

མགོན་པོ་སྐྱབས་ཚེ་དཔག་གི་དད་མོས་དང་རྒྱལ་ཁོངས་ཀྱིས་ཁོ་རང་ཡ་གླིང་གི་མི་རུ་གཏན་ཁེལ་བྱས། འདིས་ཁོ་རང་བོད་ཡུལ་དབུས་ཁུལ་དང་ས་ཁུལ་འདིའི་ཆེས་ཆེ་བའི་གྲོང་ཁྱེར་དང་ཆོས་ལུགས་ལྟེ་གནས་ལ་ཡུལ་སྐོར་དུ་སླེབས་མཁན་གྱི་ཨུ་རུ་སུའི་མཁས་པ་ཐོག་མར་གྱུར། ༡༩༠༠ལོ་ནས་༡༩༠༢ལོའི་བར་མགོན་པོ་སྐྱབས་ཚེ་དཔག་ཨུ་རུ་སུའི་བཙན་རྒྱལ་ས་ཁམས་རིག་པའི་རོགས་སྐྱོར་འོག་ལྷ་ས་ནས་ལོ་གཅིག་ལྷག་ལ་བསྡད་ནས་དཔྱད་གཞི་འབོར་ཆེན་འཚོལ་བསྡུ་བྱས་པ་དང་འབྲེལ་གྲོང་ཁྱེར་དེ་དང་དེའི་མཐའ་འཁོར་ས་ཁུལ་དུ་པར་ཡང་བརྒྱབ་ནས་མཐར་གྲུབ་འབྲས་མི་དམན་པ་ཐོབ་ནས་རིག་གཞུང་དང་མཐོང་ཚོར་གྱི་ཐོག་ནས་ཕྱི་ཕྱོགས་ལ་བོད་ཡུལ་ངོ་སྤྲོད་བྱས། 

ཡུལ་སྐོར་ཉིན་ཐོ། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

མགོན་པོ་སྐྱབས་ཚེ་དཔག་གིས་ཁོའི་ཡུལ་སྐོར་སྙན་ཞུའི་ནང་དུ་བྲིས་དོན། 

འདིར་བརྗོད་བཞིན་པའི་བོད་ཡུལ་དབུས་ཁུལ་ནི་དབུས་གཙང་ལ་གོ་ཞིང་། ༡༨༤༥ལོའི་རྗེས་སུ་ཡོ་རོབ་ཀྱི་མི་བོད་ཡུལ་དུ་འགྲོ་མྱོང་མེད་པ་དང་། མ་མཐར་ཡང་དེའི་ཆ་ཤས་གཙོ་བོ་ཡིན་<...>  སྔོན་ཆད་ཡོ་རོབ་པ་དེ་གར་ཡོང་ཆོག་པའི་སྐབས་ཡིན་ནའང་འདྲ་ཡང་ན་བཀག་སྡོམ་གྱི་དུས་སྐབས་གསར་པ་ཡིན་ནའང་འདྲ་གང་ལྟར་ཨུ་རུ་སུའི་ཡུལ་སྐོར་བ་དེ་གར་ཡོང་མྱོང་མེད་ཅེས་བཤད།

༼གནས་མཆོག་བོད་ཡུལ་དུ་ཕེབས་པའི་ནང་པའི་བསྟན་པའི་གནས་མཇལ་བ།༽

ཁོང་གིས་ཐེངས་འདིའི་ཡུལ་སྐོར་ལ་བརྩམས་ཆོས་ཁག་གཉིས་བྲིས་ཡོད་དེ། ཨུ་རུ་སུའི་ས་ཁམས་རིག་པའི་ཚོགས་པར་བྲིས་པའི་སྙན་ཞུ་དེ་༡༩༠༣ལོར་པར་དུ་བསྐྲུན་པ་དང་མིང་ལ་༼བོད་ཡུལ་དབུས་ཁུལ་སྐོར་གླེང་བ༽ཟེར། དེའི་རྗེས་དབྱིན་ཡིག་ཏུ་བསྒྱུར་ནས་ཧྲི་སྨི་སེན་སློབ་ཚོགས་ཀྱི་ལོ་འཁོར་སྙན་ཞུའི་ནང་དུ་བཀོད། བརྩམས་ཆོས་གཉིས་པ་ནི་ཆེད་རྩོམ་༼༡༨༩༩ལོ་ནས་༡༩༠༢ལོའི་བར་གྱི་ཉིན་ཐོ་སྟེ། གནས་མཆོག་བོད་ཡུལ་དུ་སླེབས་པའི་ནང་པའི་བསྟན་པའི་གནས་མཇལ་བ༽ཞེས་པ་དེ་ཡིན། དཔེ་ཆ་འདི་ནི་ལོ་རྒྱུས་དང་མི་རིགས་རིག་པ། ཆོས་ལུགས། རིག་གནས་བཅས་སྐོར་གྱི་བརྩམས་ཆོས་ཕུལ་དུ་བྱུང་བ་ཞིག་ཡིན་པར་ངོས་འཛིན་བྱས་ཡོད་ཅིང་། ཁོང་གི་འགྲུལ་བཞུད་ལམ་ཐག་གིས་ཨུ་རུ་སུ་དང་ཡོ་རོབ་གླིང་ནུབ་མའི་ཤར་ཕྱོགས་ཞིབ་འཇུག་ལོ་རྒྱུས་ཐོག་ཤོག་ལྷེ་གསར་པ་ཞིག་ཕྱེ་ཡོད། 

༡༩༠༣ལོའི་ལྷ་ས་དང་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

ཁོང་གིས་༼བོད་ཡུལ་དབུས་ཁུལ་སྐོར་གླེང་བ༽ཞེས་པའི་ནང་བྲིས་དོན། 

༡༩༠༠ལོའི་ཟླ་༧པའི་ཚེས་༡༩ཉིན་གནས་མཇལ་བ་འགའ་ལས་གྲུབ་པའི་ཚོང་ལས་རུ་ཁག་ཅིག་ཡིན་པ་དང་། ང་ཡང་དེའི་ནང་ཉིན་ཉེར་གཉིས་རིང་དུ་ཡུལ་སྐོར་བྱས་པ་བརྒྱུད་བོད་ཡུལ་བྱང་ཐང་ས་མཐོ་རུ་སླེབས་ནས་Bumtse Passབྱང་ངོས་དང་River Sangchuའགྲམ་དུ་སྒར་བརྒྱབ་ནས་བསྡད། ཚོང་ལས་རུ་ཁག་འདི་ནི་སྐུ་འབུམ་དགོན་པ་ནས་རྩ་འཛུགས་བྱས་ཤིང་ཟླ་༤ཚེས་༢༤ཉིན་གནས་དེ་དང་ཁ་བྲལ་བ་རེད། ཤིང་རྟ་རུ་ཁག་ནི་ཧ་ལམ་མི་བདུན་ཅུ་ཙམ་ལས་གྲུབ་པ་དང་མང་ཆེ་བ་ནི་ཨ་མདོ་དང་སོག་པོའི་གྲྭ་པ་ལས་གྲུབ་པ་དང་ཁོང་ཚོ་གུར་བཅུ་བདུན་ནང་བཀོད་སྒྲིག་བྱས་ཡོད། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

ཨི་ཧོར་ཕི་ཏེ་ཧཻ་ནེས་དུས་རབས་༢༠པའི་ལོ་རབས་༥༠པའི་བར་དུ་སུའུ་ལེན་གྱིས་མགོན་པོ་སྐྱབས་ཚེ་དཔག་གི་བརྩམས་ཆོས་ལ་སྤྲོ་སྣང་བསྐྱར་དུ་འཕེལ་བ་དང་། དུས་རབས་༢༠པའི་ལོ་རབས་༧༠པར་གཞི་ནས་ཡོ་རོབ་དང་ཨ་མེ་རི་ཀས་དོ་སྣང་བྱས། དཔེ་ཆའི་མཇུག་ཏུ་མགོན་པོ་སྐྱབས་ཚེ་དཔག་གིས་ང་ཚོར་ཁོའི་ཡུལ་སྐོར་གྱི་མྱོང་ཚོར་ངོ་སྤྲོད་བྱས། རྒྱལ་ནང་དུ་ལོག་པའི་དུས་ཚོད་གཏན་འཁེལ་བྱེད་སྐབས་ཁོས་རང་ཉིད་དགའ་སྤྲོ་ཚད་མེད་སྐྱེས་བྱུང་ཞེས་བཤད། རྒྱུ་མཚན་ནི་ཁོས་ལོ་ངོ་གཉིས་ལྷག་གི་རིང་ཕ་མ་དང་གྲོགས་པོ་མཐོང་མ་མྱོང་བས་རེད། ཀློག་པ་པོ་རྣམས་ཀྱིས་ཐེངས་དང་པོར་མྱུལ་དཔྱད་པ་དང་མཁས་པ་རྣམས་ཀྱིས་རྒྱང་ཐག་རིང་བའི་ས་ཆ་དེའི་ཐོག་ལས་ཀ་བྱེད་ཆེད་བློས་བཏང་བའི་མི་སྒེར་གྱི་རིན་ཐང་ཐེངས་དང་པོར་མཐོང་། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

ཨི་ཧོར་ཕི་ཏེ་ཧཻ་ནེ་མགོན་པོ་སྐྱབས་ཚེ་དཔག་གི་ཡུལ་སྐོར་དང་རིག་གཞུང་ཞིབ་འཇུག་དེ་རྒྱ་ཆེ་བའི་ལོ་རྒྱུས་ཀྱི་གནས་ཚུལ་ཞིབ་བརྗོད་གཉིས་དང་མཐུན་པར་འདོད། ཐོག་མར་མི་སྒེར་གྱིས་ས་ཁྲ་འཚོལ་ཞིབ་དང་འབྲི་འགོད་བྱེད་པའི་ཐད་ཐོན་པའི་ནུས་པ་ཡིན་ཞིང་། དེ་ནས་བཙན་རྒྱལ་བར་གྱི་རྒྱང་ཐག་རིང་བའི་ས་ཆར་ཆབ་སྲིད་ཀྱི་གྲོས་རིམ་བཏོན་པ་རེད། ཆབ་སྲིད་ཀྱི་གྲོས་རིམ་ཞིག་ཡིན་པའི་ཆ་ནས། མགོན་པོ་སྐྱབས་ཚེ་དཔག་གི་རྣམ་གྲངས་ཀྱིས་རྒྱལ་ཁབ་བར་གྱི་འགྲན་རྩོད་ལ་བྱས་རྗེས་བཞག། དབྱིན་ཇི་དང་ཨུ་རུ་སུས་དུས་རབས་༢༠པའི་དུས་འགོའི་སྔ་རྗེས་ཀྱི་ལོ་བཅུ་ཕྲག་ཁ་ཤས་རིང་ཨེ་ཤ་ཡ་དབུས་མར་ཚོད་འཛིན་བྱེད་ཆེད་འགྲན་རྩོད་བྱས། འགྲན་རྩོད་ཞེས་པ་དེ་གཙོ་བོ་ཕྱི་འབྲེལ་འཐབ་རྩོད་ཡིན་ལ་མགོན་པོ་སྐྱབས་ཚེ་དཔག་སོགས་ཀྱིས་ས་ཁུལ་དེའི་ཆེད་ལས་ཤེས་བྱར་བརྟེན་པ་དང་། འགྲན་རྩོད་འདི་ནི་ཁོང་བོད་ཡུལ་དུ་ཡོད་པའི་ལོ་དེ་དག་དང་དེའི་རྗེས་ཀྱི་ལོ་འགའི་ནང་མཐོ་རླབས་འཕྱུར་བ་རེད། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

༡༩༠༥ལོར་༼རྒྱལ་ཁབ་ཀྱི་ས་ཁམས༽་སྟེང་དུ་སྒྲོག་སྤེལ་བྱས་པའི་བོད་ཡུལ་གྱི་གནས་ཚུལ།

༡༩༢༦ལོར་༼རྒྱལ་ཁབ་ཀྱི་ས་ཁམས༽ཞེས་པའི་དུས་དེབ།

མགོན་པོ་སྐྱབས་ཚེ་དཔག་ཡང་མིང་དུ་གྲགས་པའི་པར་རྒྱག་པ་ཞིག་ཡིན་པ་དང་། ༡༩༠༥ལོར་སྐབས་དེར་མི་རྣམས་ཀྱིས་ཤེས་གསལ་ལྟར་ཨ་མེ་རི་ཀའི་ཚན་རིག་དུས་དེབ་༼རྒྱལ་ཁབ་ཀྱི་ས་ཁམས༽ཞེས་པའི་ནང་བོད་ཡུལ་སྐོར་གྱི་གསར་འགྱུར་ཞིག་དཔར་དུ་བསྐྲུན་རྒྱུའི་ཐག་བཅད། དུས་དེབ་དེས་མགོན་པོ་སྐྱབས་ཚེ་དཔག་དང་ཨོབ་ཤེ་ནོར་ཛུ་ནོབ་ཀྱིས་བོད་ཡུལ་དུ་པར་རྒྱབ་པའི་པར་གཞི་དཔར་སྐྲུན་བྱས་པ་མ་ཟད། འདྲ་པར་འདི་དག་དང་དཔྱད་བརྗོད་ཐུང་ངུ་འདི་དག་ཀྱང་སྤེལ་བ་རེད། སྤྲོ་སྣང་ལྡན་པའི་རྩོམ་ཡིག་འདི་ལ་བློ་ཡུལ་ལས་འདས་པའི་གྲུབ་འབྲས་ཐོབ་པ་དང་། དོན་དངོས་ཐོག་འདྲ་པར་དེ་དག་གིས་༼རྒྱལ་ཁབ་ཀྱི་ས་ཁམས༽དུས་དེབ་དེ་མ་རྩ་སྟོངས་པའི་ཉེན་ཁ་ལས་གཡོལ་ཐུབ་པར་རོགས་རམ་བྱས་པ་མ་ཟད། དེས་རང་ཉིད་ཀྱི་ཁེ་ལས་ཀྱི་གཟུགས་བརྙན་རྙེད་པར་རོགས་རམ་བྱས་ཏེ་སྐབས་དེ་ནས་བཟུང་༼རྒྱལ་ཁབ་ཀྱི་ས་ཁམས༽ཞེས་པ་དེ་འཛམ་གླིང་གི་ཁྱབ་ཁོངས་སུ་མིང་དུ་གྲགས་པ་རེད། 

༡༩༠༠ལོ་ནས་༡༩༠༡ལོའི་བར་གྱི་འབྲས་སྤུངས་དགོན། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༠ལོ་ནས་༡༩༠༡ལོའི་བར་གྱི་འབྲས་སྤུངས་དགོན། 

པར་རྒྱག་པ། མགོན་པོ་སྐྱབས་ཚེ་དཔག།

༡༩༠༤ལོའི་ཟླ་༡༢པར་༼རྒྱལ་ཁབ་ཀྱི་ས་ཁམས༽ཞེས་པའི་ན་གཞོན་རྩོམ་སྒྲིག་པ་གིལ་བེར་ཐེ་གེ་རོ་སྦེ་ནོར་གྱིས་(༡༨༧༥ལོ་ནས་༡༩༦༦ལོའི་བར)དཔར་སྐྲུན་བྱེད་གྲབས་ཡོད་པའི་དུས་དེབ་དཀའ་སྡུག་གི་གནས་སུ་གྱར། ཁོས་༡༩༠༥ལོའི་ཟླ་༡པོའི་དུས་དེབ་ནང་ཧ་ལམ་ཤོག་ལྷེ་བཅུ་གཅིག་ཆད་ལྷག་བྱུང་བ་དང་། ལག་ཏུ་རྩོམ་ཡིག་གི་མ་ཟིན་མེད་པའི་གནས་ཚུལ་འོག་ཁོས་ཨུ་རུ་སུའི་ས་ཁམས་རིག་པའི་ཡིག་ཤུབས་ཆེན་པོ་ཞིག་གི་ཁ་ཕྱེས་ནས་ལྷ་སའི་དང་དེའི་མཐའ་སྐོར་གྱི་ངོ་མཚར་ཆེ་བའི་འདྲ་པར་ཞིག་མཐོང་བྱུང་། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

དེའི་ས་ཁམས་ཁོར་ཡུག་དང་ཡུལ་སྐོར་བ་ཚོར་མཐའ་མཚམས་ཀྱི་སྲིད་ཇུས་ལག་བསྟར་བྱས་པའི་དབང་གིས་བོད་ཡུལ་ནི་པར་ལེན་ཐུབ་མེད་པའི་ས་ཆ་ཉུང་ཤས་ཀྱི་གྲས་ཤིག་ཡིན། དུས་རབས་༡༩པར་མྱུལ་དཔྱད་པ་ཁ་ཤས་ཀྱིས་བོད་ཡུལ་པར་རྒྱག་རྩིས་བྱས་ཀྱང་ཚང་མ་ལེགས་འགྲུབ་བྱུང་མེད། 

༡༩༠༠ལོ་ནས་༡༩༠༡ལོའི་བར་གྱི་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

མགོན་པོ་སྐྱབས་ཚེ་དཔག་གི་བོད་ཡུལ་གྱི་འདྲ་པར་ལའང་ཤུགས་རྐྱེན་གལ་ཆེན་ཡོད་ཅིང་། རིག་གཞུང་ལས་རིགས་ཀྱི་ཁྱབ་ཁོངས་ནང་འདྲ་པར་དེ་དག་གིས་རྒྱང་ཐག་རིང་བའི་ས་ཆ་དེར་སླེབས་མ་མྱོང་བའི་མི་རྣམས་ལ་བོད་ཡུལ་གྱི་རིག་གནས་དང་སྤྱི་ཚོགས་ངོ་སྤྲོད་བྱས། འདྲ་པར་འདི་དག་དུས་དེབ་སྟེང་དུ་དཔར་བའི་སྐབས་སུ། དེ་དག་གིས་འཛམ་གླིང་གིས་ས་ཆ་འདིའི་ཞིབ་བརྗོད་བྱེད་སྟངས་ལ་རྩ་བ་ནས་འགྱུར་བ་བཏང་།

འཛམ་གླིང་གིས་ཁོ་ལ་ལྟ་སྟངས་ཇི་ལྟར་འཛིན་ན་ཁོས་ཀྱང་འཛམ་གླིང་ལ་དེ་ལྟ་བུའི་ལྟ་སྟངས་འཛིན་ངེས།

༡༩༠༣ལོའི་ལྷ་ས་དང་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

མགོན་པོ་སྐྱབས་ཚེ་དཔག་གི་ཡི་གེའི་ཐོག་ནས་པུའུ་ལི་ཡ་ཐེ་བ་ཞིག་ཡིན་པའི་ཆ་ནས་བོད་ཡུལ་དུ་ལྟ་སྟངས་ཇི་ལྟར་འཛིན་དགོས་པ་གསལ་སྟོན་བྱས་ཡོད་ཅིང་། ཁོང་གིས་རིགས་རྒྱུད་སྣ་མང་ཅན་གྱི་རྙོག་འཛིང་ཆེ་བའི་ས་ཁུལ་ཞིག་ཏུ་ཁོང་གི་ཐོབ་ཐང་གི་རྙོག་འཛིང་རང་བཞིན་ཡང་དག་པའི་སྒོ་ནས་ཞིབ་བརྗོད་བྱས་ཡོད། ཨི་ཧོར་ཕི་ཏེ་ཧཻ་ནེས་བསམ་པར་གོན་པོ་སྐྱབས་ཚེ་དཔག་ནི་རྩྭ་ཐང་གི་མི་ཞིག་ཡིན་པར་འདོད་མོད། འོན་ཀྱང་ཁོང་གི་སློབ་གསོ་དང་ཉམས་མྱོང་། སྤྱི་ཚོགས་ཀྱི་གོ་གནས་བཅས་ཀྱི་ཐོག་ནས་ཁོའི་ནང་སེམས་ཀྱི་རང་ཉིད་ནི་པུའུ་ལི་ཡ་ཐེ་བ་ཁོ་ན་མིན་པ་གསལ་པོར་མཚོན་ཡོད། 

༡༩༠༣ལོའི་ལྷ་ས་དང་བོད་ཡུལ་དབུས་ཁུལ། 

པར་རྒྱག་པ། མགོན་པོ་སྐྱབས་ཚེ་དཔག། 

མགོན་པོ་སྐྱབས་ཚེ་དཔག་ནི་གསར་དར་མི་རིགས་ཀྱི་ཐོབ་ཐང་གིས་དཀའ་ངལ་བཟོས་པའི་འཛམ་གླིང་ཞིག་ཏུ་འཚོ་བ་རོལ་བཞིན་ཡོད་མོད། འོན་ཀྱང་ཐོབ་ཐང་འདི་རིགས་ཀྱིས་རྣམ་པ་གཞན་དག་གི་གཙོ་གཞིའི་རང་བཞིན་གྱི་ཚབ་བྱེད་པའི་ངེས་པ་མེད། རང་སྐྱོན་རང་བརྟག་དང་རང་བརྒྱུད་རྣམ་པའི་འཚོལ་ཞིབ་ཅིག་རེད་ཟེར་བ་ལས་མགོན་པོ་སྐྱབས་ཚེ་དཔག་གིས་ཡུལ་སྐོར་ཉིན་ཐོ་བརྒྱུད་ནས་འཛམ་གླིང་གིས་ཁོ་ལ་ལྟ་སྟངས་ཇི་ལྟར་འཛིན་ན་ཁོས་ཀྱང་འཛམ་གླིང་ལ་དེ་ལྟ་བུའི་ལྟ་སྟངས་འཛིན་པ་ཟིན་ཐོར་བཀོད་པ་རེད་ཟེར་ན་འགྲིག། 

༡༩༠༠ལོ་ནས་༡༩༠༡ལོའི་བར་གྱི་ལྷ་ས། 

པར་རྒྱག་པ། མགོན་པོ་སྐྱབས་ཚེ་དཔག། 

དཔྱད་གཞིའི་ཡིག་ཆ།

རྩོམ་ཡིག། Ihor Pidhainy《Tibet through the Eyes of a Buryat: Gombojab Tsybikov and his Tibetan relations》

དྲྭ་གནས། https://www.rgo.ru/en/article/pilgrim-special-assignment

编译

普桑加  

现担任迦入藏文编辑员、翻译员

出生于青海省尖扎县，从小对藏文化极为喜爱，也为其投入了巨大的热情和精力。近几年来一直致力于古今藏文化的研究事业，对这一领域也有一定的理解和掌握。未来也将不断地探究与学习藏文化，并在此领域打造出一片属于自己的研究天地。

学习交流微信:purSung-Kyap

མཐོ་སྒང་ནས་ནག་གོ་རེ།

འདྲ་པར་ཐོག་མནན་ནས་བྱ་རིམ་ཆུང་བའི་ནང་དུ་སོང་ནས་རྒྱུས་ལོན་བྱེད་ཐུབ།

▼

འབྲི་འོ་ཕྲུམ་སྦྲང་།

འདྲ་པར་ཐོག་མནན་ནས་བྱ་རིམ་ཆུང་བའི་ནང་དུ་སོང་ནས་རྒྱུས་ལོན་བྱེད་ཐུབ།

▼

往期文章

可点击图片阅读

▼

འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས།

བོད་ཡུལ་དང་བལ་པོའི་ལོ་ངོ་བརྒྱ་ཡི་ཚོང་དོན་འགྲོ་འོང་གི་ལོ་རྒྱུས།

བོད་ཡུལ་དུ་ཕེབས་པའི་ཉི་ཧོང་པ་ཐོག་མ། - ཁ་ཝ་གུ་ཆི•ཨེ་ཀཻ།

ཡོ་རོབ་གླིང་གི་བོད་བརྒྱུད་ནང་བའི་བསྟན་པའི་ས་ཁུལ།

ཧི་མ་ལ་ཡའི་ལྟེ་སྙིང་དོལ་པོ།

འབྲུག་ཡུལ་ལ་ཡག་ཚོ་པ། རྒྱལ་འཛིན་ལ་ཁའི་དགའ་སྟོན།

བོད་སྐད་ཀྱི་ཐད་སྦྲེལ། CHARU1607

客服微信：charuspace

未经作者允许请勿随意印刷转载 后果自负

合作及投稿微信：charuspace