ཨུ་རུ་སུ་རུ་ཡོད་པའི་ནང་པའི་བསྟན་པའི་གྲྭ་ཚང་།

汉语版

点击图片阅读

▼

俄罗斯境内的藏传佛教：伊蒂吉洛夫和伊沃尔金斯克

དབྱངས་ཅན་གྲྭ་ཚང་གི་ལྷ་ཁང་།

འདྲ་པར་ཡོང་ཁུངས། orange-traveler

 文：56 Parallel: Russian

Travel Specialist

编译：普桑加

图片来源：http://drugoi.livejournal.com

/3760721.html.

https://orange-traveler.com

/en/reportazh/ivolginsky-datsan/

原文链接：https://www.56thparallel.com

/ivolginsky-datsan/

དབྱངས་ཅན་གྲྭ་ཚང་གི་ལྷ་ཁང་།

དབྱངས་ཅན་གྲྭ་ཚང་ནི་(Ivolginsky datsan )

ལྷ་ཁང་བདུན་དང་ནང་བསྟན་སློབ་གྲྭ། གྲྭ་ཤག 

ནང་བསྟན་སྒྱུ་རྩལ་གྱི་དངོས་མང་བཤམས་སྟོན་ཁང་། 

མགྲོན་ཁང་གཅིག་བཅས་ལས་གྲུབ་པ་ཞིག་ཡིན། 

གྲྭ་ཚང་གི་བཀོད་པ་ཧྲིལ་བོས་སྤྱི་ཆིང་གསུམ་བཟུང་ཡོད་པ་དང་

འདིའི་ནང་དུ་ཨུ་རུ་སུའི་ནང་པའི་བསྟན་པ་སྤེལ་མཁན་གཙོ་བོ་

མཁན་པོ་བཀྲ་ཤིས་རྡོ་རྗེ་མཆོག་གི་གཟིམ་ཁང་གི་བཀོད་པའང་འདུས་ཡོད།

དབྱངས་ཅན་གྲྭ་ཚང་གི་ལྷ་ཁང་།

དབྱངས་ཅན་གྲྭ་ཚང་ནི་པས་ཁར་མཚོའི་མཐའ་འཁོར་གྱི་

རི་འདབས་སུ་ཆགས་ཡོད། 

ཐང་སྟོང་ནས་གྲྭ་ཚང་གི་ཁང་ཀླད་དང་

ཁ་དོག་སྣ་ལྔའི་མཆོད་རྟེན་སོགས་ལ་བལྟས་ན་

གྲྭ་ཚང་གི་བཀོད་པ་མཛེས་སྡུག་ཡིད་དུ་འོངས་པ་ཞིག་རེད། 

དགུན་ཁ་སླེབས་པ་ན། གྲྭ་ཚང་གི་བཀོད་པ་

སྔར་ལས་བརྗིད་ཆགས་ཤིང་ཉམས་ལྡན་པ་དང་། 

ཚོན་མདངས་སྣ་ཚོགས་ལྡན་པའི་གྲྭ་ཚང་གི་བཀོད་པ་

དུང་ལྟར་དཀར་བའི་ཁ་བས་གཡོགས་པའི་རི་རྒྱུད་ཀྱི་འཁྲིས་ལ་འབྱར་འདུག

 ©Photo by Rustem Adaganov

དབྱངས་ཅན་གྲྭ་ཚང་ནི་

ཨུ་རུ་སུའི་ནང་པའི་བསྟན་པའི་ལྟེ་གནས་གཙོ་བོ་ཡིན།

དགོན་པའི་བརྗིད་ཆགས་ཤིང་ཉམས་དགའ་བའི་བཀོད་པ་ལས་གཞན་

མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་ཡང་གནས་འདི་རུ་ཡོད།

མཁན་པོ་བཀྲ་ཤིས་རྡོ་རྗེ། 

©the siberian times

མཁན་པོ་བཀྲ་ཤིས་རྡོ་རྗེ་མཆོག་ནི་༡༨༥༢ལོར་སྐུ་འཁྲུངས་ཤིང་། 

དགུང་ལོ་༡༦ནས་བཟུང་འབུར་ཡ་ཏའི་ནང་བསྟན་སློབ་གླིང་ཞིག་ནས་

གསོ་རིག་དང་མཚན་ཉིད་རིག་པའི་སྐོར་ལ་སློབ་གཉེར་གནང་། 

ཁོང་གི་སློབ་གཉེར་བྱས་པའི་ནང་བསྟན་རིག་པའི་ཤེས་བྱ་དང་

འགྱུར་བ་མེད་པའི་དད་མོས་སོགས་ཀྱིས་ཁོས་ཧུར་བརྩོན་གྱིས་

ནང་པའི་བསྟན་པ་ལ་ཞིབ་འཇུག་བྱེད་པར་སྐུལ་འདེད་བྱས་ཡོད་པར་མ་ཟད། 

ཁོ་རང་ཨུ་རུ་སུའི་ནང་པའི་བསྟན་པ་སྤེལ་མཁན་གཙོ་བོར་གྱུར།

 ©Photo by Rustem Adaganov

མཁན་པོ་བཀྲ་ཤིས་རྡོ་རྗེ་མཆོག་ཨུ་རུ་སུའི་མིའི་རྒྱུན་དུ་

ནང་པའི་བསྟན་པ་སླར་གསོ་བྱེད་མཁན་ལ་བརྩི་བཞིན་ཡོད། 

ཁོང་གིས་ཐོག་མར་ཧྲེང་པི་ཏེ་པའོ་རུ་

ནང་པའི་བསྟན་པའི་དགོན་པ་བཞེངས།

འཛམ་གླིང་འཁྲུག་ཆེན་ཐེངས་དང་པོའི་སྐབས་སུ། 

མཁན་པོ་མཆོག་གིས་མིང་ལ་པུའུ་ལི་ཡ་ཐེ་སྤུན་ཟླ་ཟེར་བའི་ཚོགས་པ་ཞིག་བཙུགས་ལ། 

ཚོགས་པ་འདིས་བྱ་བ་གཙོ་བོ་ནི་དམག་མིའི་ཟ་མ་དང་སྨན་བཅོས།

ཡོང་འབབ་དང་གྱོན་པ་སོགས་ཇེ་ལེགས་སུ་བཏང་བ་བརྒྱུད་ནས་

དམག་དཔུང་གི་སྒྲིག་སྦྱོར་སོགས་ཇེ་རྒྱས་ཇེ་ལེགས་སུ་གཏོང་བ་ཞིག་ཡིན། 

དུས་སྐབས་འདིའི་རིང་ལ་མཁན་པོ་བཀྲ་ཤིས་རྡོ་རྗེ་མཆོག་གིས་

རྨས་མར་སྲོག་སྐྱོབ་སྨན་བཅོས་དང་། 

སྨན་ཁང་བཙུགས་པའི་རྐྱེན་གྱིས་ཁོང་ལ་ཧྲེང་ཨན་ན་བྱ་དགའ་ཐོབ།

 ©Photo by Rustem Adaganov

མཁན་པོ་མཆོག་དགུང་ལོ་༧༥སྟེང་དགོངས་པ་རྫོགས།

ཁོས་དད་ལྡན་མང་ཚོགས་ལ་

ཁོ་རང་མི་འགྱངས་བར་དགོངས་པ་རྫོགས་པའི་

གནས་ཚུལ་བཤད་པ་དང་།

ཁོས་གྲྭ་པ་གཞན་དག་ཀྱང་གདན་འདྲེན་ཞུས་ནས་

ཁོ་དང་མཉམ་དུ་དཀྱིལ་ཀྲུང་དུ་བཞུགས་སུ་བཅུག 

མཐར་ཁོ་རང་ཁྲི་ཐོག་ཏུ་བཞུགས་ཏེ

ཏིང་ངེ་འཛིན་དུ་བཞུགས་ནས་དགོངས་པ་རྫོགས།

 ©Photo by Rustem Adaganov

མཁན་པོ་མཆོག་གི་ཞལ་ལུང་ལྟར་

ཁོའི་སྐུ་གདུང་ཤིང་སྒམ་ནང་དུ་བཞག་ནས་

ཉར་ཚགས་དང་དུར་འཇུག་བྱས།

 ཁོས་ད་དུང་གྲྭ་པ་རྣམས་ལ་ལོ་འགའི་རྗེས་ནས་

ཡང་བསྐྱར་ཕྱིར་ལེན་དགོས་པའི་རེ་བ་བཏོན། 

མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་

༡༩༥༥ལོ་དང་༡༩༧༣ལོར་འཛམ་གླིང་དུ་ཡང་བསྐྱར་མངོན། 

ཁོང་གི་སྐུ་གདུང་ཐེངས་གཉིས་ལ་མཐོང་ཡང་

སྔར་བཞིན་ཏིང་ངེ་འཛིན་དུ་བཞུགས་ནས་མི་ཚང་མ་ཧ་ལས་སུ་བཅུག

གཡས་གཡོན་དུ་དེད་ན་པར་མང་པོ་མཐོང་ཐུབ།མཁན་པོའི་སྐུ་འདྲ་དང་སྐུ་གདུང་། 

མཁན་པོ་བཀྲ་ཤིས་རྡོ་རྗེ་མཆོག་དགོངས་པ་རྫོགས་ནས་

ལོ་ངོ་༧༥འགོར་རྗེས་ཀྱི་༢༠༠༢ལོར་མི་རྣམས་ཀྱིས་སྔར་བཞིན་

དབྱངས་ཅན་གྲྭ་ཚང་ནས་ནས་མཁན་པོའི་སྐུ་གདུང་ལ་མཆོད་མཇལ་བྱེད་ཐུབ་ལ། 

མཁན་པོ་མཆོག་གི་སྐུ་གདུང་ལ་རུལ་འགོག་བྱེད་ཐབས་བེད་སྤྱོད་བྱས་རྗེས་

སྐུ་གདུང་ཆ་ཚང་བའི་ངང་ནས་ཉར་ཚགས་བྱེད་ཐུབ་སོང་བ་དང་། 

ཚན་རིག་པ་དག་གིས་ཀྱང་འདི་ལ་བསམ་བློ་གཏོང་དཀའ་བའི་གནས་སུ་ལྷུང་ནས་

བརྡར་ཤ་གཅོད་མ་ཐུབ་པའི་རྐྱེན་གྱིས་

གནས་མཇལ་པ་ཁྲི་སྟོང་མང་པོའང་མཆོད་མཇལ་དུ་ཡོང་བཞིན་འདུག

 ©Photo by Rustem Adaganov

༢༠༠༤ལོར་རྒྱལ་ཕྲན་མཉམ་འབྲེལ་ལྟེ་གནས་ཀྱི་ཁྲིམས་དཔྱད་སྨན་པས་

སྐུ་གདུང་གི་དབུ་སྐྲ་དང་སེན་མོ། སྐྱི་པགས་སོགས་ལ་

དབྱེ་ཞིབ་བྱས་པ་བརྒྱུད། 

མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་གི་གྲུབ་ཆ་དང་

ཁོ་རང་དགོངས་པ་རྫོགས་པའི་དུས་ཚོད་༣༦རིང་གི་

བེམ་པོའི་གྲུབ་ཆ་ཧ་ཅང་འདྲ་བའི་སྡོམ་ཚིག་ཐོབ། 

མཐོང་དཀོན་པའི་སྣང་ཚུལ་འདིའི་རིགས་ཀྱི་ཁྲོད་དུ་

ནང་པའི་བསྟན་པའི་དད་མོས་ཀྱི་རྗེས་ཤུལ་

བཞག་ཡོད་པའི་རྐྱེན་གྱིས་གྲྭ་པ་མང་པོ་དང་

ནང་པའི་བསྟན་པའི་རྗེས་འཇུག་པ་རྣམས་ཀྱི་

བསམ་པའི་དད་མོས་སྔར་ལས་གཏན་འཇགས་སུ་གྱུར།

མཁན་པོ་བཀྲ་ཤིས་རྡོ་རྗེ།

དབྱངས་ཅན་གྲྭ་ཚང་གི་ནང་པའི་བསྟན་པའི་རྗེས་འཇུག་པ་རྣམས་ཀྱིས་

མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་ལ་མཆོད་མཇལ་བྱེད་དུས་

མིའི་སེམས་ཁམས་གསོ་བར་བྱེད་པའི་ནུས་པ་

ངེས་ཅན་ཞིག་ཡོད་པར་ཡིད་ཆེས་བྱེད་བཞིན་ཡོད། 

ལོ་གཅིག་གི་ནང་དུ་གནས་མཇལ་པ་རྣམས་ལ་ཉིན་བདུན་གྱི་ནང་དུ་

མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་ལ་མཇལ་བའི་གོ་སྐབས་ཡོད་ལ། 

འོན་ཀྱང་འདིས་གནས་མཇལ་བ་རྣམས་ཀྱི་

རྣམ་དག་གི་དད་པའི་སེམས་བསྐྱེད་ཐུབ་ཀྱིན་མེད་པ་དང་། 

རྒྱུ་མཚན་དབྱངས་ཅན་གྲྭ་ཚང་ནི་བརྗིད་ཆགས་ཤིང་ཉམས་དགའ་བའི་ཡུལ་ལྗོངས་ཤིག་ཡིན།

©Photo by Rustem Adaganov

དབྱངས་ཅན་གྲྭ་ཚང་གི་བཀོད་པ་རྒྱ་ཆེ་ཞིང་

བརྗིད་ཆགས་ཤིང་ཉམས་དགའ་བའི་

ལྗང་མདོག་གི་རི་ལུང་ཞིག་དུ་ཆགས་ཡོད་ལ།

མིས་བློ་རྩེ་གཅིག་སྒྲིམ་གྱིས་བྲིས་པ་དང་འདྲ་བའི་

སྟག་དབྱིབས་རི་མོས་གྲྭ་ཚང་གི་མཐའ་རུ་བསྐོར་ནས་

སྲུང་སྐྱོབ་བྱས་ཡོད་པ་དང་འདྲ། 

གྲྭ་ཚང་ནང་དུ་ཕུན་སུམ་ཚོགས་པའི་ལྡེབས་རིས་དང་

སྐུ་འདྲ་སྣ་ཚོགས་ཡོད་པས་ནང་པའི་བསྟན་པ་ལ་སློབ་གཉེར་བྱེད་སའི་

གནས་འགངས་ཆེན་ཞིག་ཏུ་གྱུར།

©Photo by Rustem Adaganov

བཞུགས་ཁྲི་སྟེང་གི་མཁན་པོ་བཀྲ་ཤིས་རྡོ་རྗེ་མཆོག་གི་སྐུ་གདུང་གིས་

ཕྱོགས་བཞི་མཚམས་བརྒྱད་ནས་ཡོང་བའི་གནས་མཇལ་བ་རྣམས་ལ་

མིའི་སེམས་ཁམས་གསོ་བར་བྱེད་པའི་ནུས་པ་དང་མངོན་རྟོགས་ཀྱི་ནུས་ཤུགས་སྦྱིན། 

གནས་མཇལ་བ་རྣམས་སྐུ་གདུང་ལ་མཇལ་དུས་

མཁན་པོ་བཀྲ་ཤིས་རྡོ་རྗེ་མཆོག་གིས་དད་པའི་ནུས་སྟོབས་

རང་གི་རྒྱུ་ལ་འབྱོར་བར་ཡིད་ཆེས་བྱེད། 

དེ་བས། གྲྭ་ཚང་འདིས་གནས་མཇལ་བ་རྣམས་ལ་

ཚོར་བ་སྣ་ཚོགས་ཤིག་སྟེར་པའི་བྱེད་ཐབས་

སྣ་མང་ཡིན་ལ་རྙོག་འཛིང་ཅན་ཞིག་ཀྱང་ཡིན་ནོ།

 ©Photo by Rustem Adaganov

 གྲྭ་ཚང་ཧྲིལ་བོའི་ལྷིང་འཇགས་ཀྱི་རྣམ་པ་ཞིག་མངོན་ཡོད་ལ།

བརྗིད་ཆགས་ཤིང་ཉམས་དགའ་བའི་

དགོན་པའི་ཕྱི་ཚུལ་གྱི་བཀོད་པ་དང་ནང་གི་ཆོས་ལུགས་ཀྱི་སྒྲིག་གཞི་སོགས་ཀྱི་

ཕྱོགས་སོ་སོའི་གནས་མཇལ་བ་རྣམས་མཆོད་མཇལ་དུ་ཡོང་སའི་གནས་གལ་ཆེན་ཞིག་ཏུ་གྱུར།

དབྱངས་ཅན་གྲྭ་ཚང་གིས་ལོ་ཧྲིལ་པོར་ཡུལ་སྐོར་ལྗོངས་རྒྱུའི་

སྒོ་མོ་ཕྱེ་ནས་ཕྱོགས་བཞིའི་ཡུལ་སྐོར་བ་མང་པོ་ཞིག་གི་ཡིད་དབང་བཀུག 

མི་སྔར་ལས་མང་པོ་ཞིག་ལ་ནང་པའི་བསྟན་པའི་ལོ་རྒྱུས་དང་དད་མོས། 

མཉམ་གཞག་གི་ངོ་བོ་དང་ས་གནས་དེ་གའི་

གྲོང་གསེབ་ཀྱི་མཛེས་སྡུག་ལྡན་པའི་ལྗོངས་རྒྱུ་དག་གཞན་ལ་ཤེས་སུ་བཅུག

编译

普桑加  

迦入藏文编辑员、翻译员

出生于青海省尖扎县，从小对藏文化极为喜爱并其投入了太多的时间和精力。近几年来一直致力于对古今藏文化的研究和探索，对这一领域有了一定的理解和掌握，将来也会不断地探究与学习藏文化，会在此领域开拓出一片天地，为藏文化尽自己的微薄之力。现阶段研究生考试预备中。

学习交流微信:purSung-Kyap 

微博：PhurSungKyap

往期文章

可点击图片阅读

▼

བོད་ཡུལ་དུ་ཐོག་མར་སླེབས་པའི་པར་རྒྱག་མཁན།

བོད་ཡུལ་དུ་ཐོག་མར་སླེབས་པའི་ཨུ་རུ་སུའི་ནང་པའི་རྗེས་འཇུག་པ།

བོད་ཡུལ་དུ་ཕེབས་པའི་ཉི་ཧོང་པ་ཐོག་མ། - ཁ་ཝ་གུ་ཆི•ཨེ་ཀཻ

ཡོ་རོབ་གླིང་གི་བོད་བརྒྱུད་ནང་བའི་བསྟན་པའི་ས་ཁུལ།

ཧི་མ་ལ་ཡའི་ལྟེ་སྙིང་དོལ་པོ།

འབྲུག་ཡུལ་ལ་ཡག་ཚོ་པ། རྒྱལ་འཛིན་ལ་ཁའི་དགའ་སྟོན།

木茹高原苹果干

点击图片可进入小程序了解

▼

纯手工牦牛奶雪花酥

点击图片可进入小程序了解

▼

བོད་སྐད་ཀྱི་ཐད་སྦྲེལ། CHARU1607

客服微信：charuspace

未经作者允许请勿随意印刷转载 后果自负

合作及投稿微信：charuspace