དུས་རབས་༡༩པར་བྲིས་པའི་བོད་ཡུལ་མི་སྣའི་ཤེས་བྱ་ཀུན་བཏུས་ཆེན་མོ།

汉语版

点击图片阅读

▼

19世纪手绘西藏人物百科 ▎大英博物馆的怀斯系列

མི་སྣ་སྣ་ཚོགས་དང་སྦྲ་གུར། 

དུར་ཁྲོད་བདག་པོ། 

འདྲེ་ཨུབ་སྐྱལ་ཁེར། 

རྣལ་འབྱོར་པ། 

གཤམ་གྱི་འདྲ་པར་ནི་པོ་ཏཱ་ལའི་རྩེ་དྲུང་དང་བོད་ཀྱི་གྲྭ་པ། 

ལྷ་སའི་བུད་མེད། གཙང་གི་བུད་མེད། 

文字/图片来源：

Diana Lange

《An Atlas of the Himalayas by 

a 19th Century Tibetan Lama》

The British library

《The Wise Collection》

编译：普桑加

校对：刘时

དབྱིན་ཇིའི་དཔེ་མཛོད་ཁང་གི་ཉར་ཚགས་ཁྲོད་དུ་

ཝཻ་སིའི་སྐོར་ཚན་（The Wise Collection）

ཟེར་བའི་གསོག་ཉར་དངོས་པོ་ཆ་ཚང་ཞིག་ཡོད། 

བསམ་ཡས་དགོན།

སྐོར་ཚན་རི་མོ་འདི་དག་ནི་

དུས་རབས་༡༩པའི་དུས་དཀྱིལ་གྱི་བོད་ཡུལ་དང་ལ་དྭགས། (Ladakh) 

ཟངས་དཀར་(Zangskar)སོགས་ཧི་མ་ལ་ཡའི་ནུབ་རྒྱུད་ཀྱི་

ཆེས་ཆ་ཚང་བའི་མཐོང་ཚོར་རི་མོའི་ཕྱོགས་བསྒྲིགས་ཤིག་ཏུ་བརྩིས་ཆོག 

གནས་ཆུང་དགོན། 

བདུད་མོ།

རི་མོའི་ནང་དུ་དུས་རབས་༡༩པའི་དུས་དཀྱིལ་གྱི་

བོད་ཡུལ་གྱི་མི་སྣ་སྣ་ཚོགས་

དཔེར་ན་ཚོང་པ་དང་གནས་མཇལ་བ། 

དཔོན་རིགས་དང་དེ་བཞིན་ཧི་མ་ལ་ཡའི་ཡུལ་སྐོར་ས་བཀྲ་

སོགས་ཕྱོགས་བསྒྲིགས་བྱས་ཡོད། 

གྲྭ་པ། ཕྱི་གླིང་པ། སོག་པོ། ཁམས་པ། ཆིང་རྒྱལ་རབས་ཀྱི་དཔོན་པོ་སོགས། 

ས་བཀྲ་འདི་དག་གི་ས་དབྱིབས་ཀྱི་ཁྱད་ཆོས་གཙོ་བོ་

དཔེར་ན་རི་རྒྱུད་དང་ཆུ་བོ། མཚེའུ། 

རྩི་ཤིང་། སྲོག་ཆགས་སོགས་གསལ་པོར་མངོན་ཡོད་པ་མ་ཟད། 

གཞན་ཡང་ད་དུང་རྨང་གཞིའི་སྒྲིག་བཀོད་ཀྱི་ཆ་འཕྲིན་ཞིབ་ཕྲ་འབོར་ཆེན་

དཔེར་ན་ཟམ་པ་དང་གྲུ་ཁ། ཡུལ་སྐོར་ལམ་ཕྱོགས། 

འགྲོ་ལམ། ལུང་མདོ། ད་དུང་དགོན་པ་དང་བཙན་རྫོང་། 

དམག་སྒར་སོགས་རི་མོའི་ལམ་ནས་བྲིས་ཡོད། 

བཀྲ་ཤིས་ལྷུན་པོ་དགོན། 

བཀྲ་ཤིས་ལྷུན་པོ་དགོན་གྱི་ཞིབ་ཕྲའི་རི་མོ། 

རི་མོ་འདི་དག་ནི་དུས་རབས་༡༩པའི་ལོ་རབས་༥༠པའི་

དུས་མཇུག་ཏུ་བྲིས་པ་དང་། 

སྐབས་དེར་དབྱིན་ཇིའི་ཁོངས་སུ་གཏོགས་པའི་

རྒྱ་གར་གྱི་ས་བཀྲ་འབྲི་བའི་ལས་དོན་

གཞི་རྩའི་ཆ་ནས་ལེགས་འགྲུབ་བྱུང་ཡོད་ལ། 

རྒྱ་གར་གྱི་མཁས་པ་དག་གིས་ཀྱང་

ཆེས་ཐོག་མར་ཧི་མ་ལ་ཡའི་ས་བཀྲ་འབྲི་མགོ་བརྩམས། 

ཚེ་སྨོན་གླིང་། 

དུས་རབས་༡༩པའི་ནང་དུ་

བོད་ཡུལ་གྱི་ས་བབ་ཆགས་ཚུལ་དང་སྤྱི་ཚོགས་ཀྱི་མ་ལག་ཤེས་བྱ་

ཐོབ་རྒྱུ་དེ་དབྱིན་ཇི་བཙན་རྒྱལ་ཆེན་པོའི་དམིགས་ཡུལ་དུ་གྱུར་ལ། 

ཤེས་བྱ་འདིའི་རིགས་ནི་རྟག་པར་ས་གནས་དེ་གའི་

མིའི་རོགས་རམ་ལ་བརྟེན་ནས་ཐོབ་པ་དང་རི་མོའི་ལམ་ནས་བྲིས་པ་ཞིག་ཡིན། 

ཆུ་བོ་སིན་དྷུ།

ཝཻ་སིའི་སྐོར་ཚན་（The Wise Collection）ནི་

ཕལ་ཆེར་གནས་ཚུལ་འདི་འདྲའི་འོག་ཏུ་བྱུང་བ་ཡིན་ལ། 

ཝཻ་སིའི་སྐོར་ཚན་ཁྲོད་ཀྱི་ས་བཀྲ་ཆེ་གྲས་དྲུག་ལས་

ལ་དྭགས་དང་བོད་ཡུལ་དབུས་རྒྱུད་དབར་སྤྱི་ལེ་༡༨༠༠ཡོད་པའི་

ཡུལ་ལྗོངས་ཧྲིལ་པོའི་རི་མོས་གྲུབ་ཡོད། 

ཆུ་བོ་སིན་དྷི།

འོན་ཀྱང་སྐོར་ཚན་འདིའི་འབྱུང་ཁུངས་ནི་

དུས་ཡུན་རིང་བོ་ཞིག་ལ་གསང་བའི་གནས་སུ་གྱུར། 

ཝཻ་སི་ནི་སུ་ཡིན་ནམ། 

མཁས་པའི་ཁུངས་འཚོལ་ར་སྤྲོད་བརྒྱུད་ནས་

གསོག་ཉར་དངོས་པོ་འདི་ནི་

ཐོ་མ་སུ་•ཨ་ལེ་ཀྵན་དེར་•ཝཻ་སི་ཡི་མིང་ལ་བརྟེན་ནས་བཏགས་པ་ཞིག་ཡིན།

（Thomas Alexander Wise 1802-1889）

ཁོ་ནི་སུའུ་ཀེ་ལན་གྱི་སྨན་པ་ཞིག་ཡིན་ལ། 

གསོ་བ་རིག་པ་བ་དང་ཉར་ཚགས་མཁན་ཞིག་ཀྱང་ཡིན། 

དུས་རབས་༡༩པའི་དུས་སྟོད་དུ་

ཁོས་བྷང་ག་ལའི་རྒྱ་གར་གྱི་སྨན་བཅོས་ཞབས་ཞུའི་ལས་ཁུངས་སུ་བྱ་བ་སྒྲུབ་མྱོང་།

བོད་ཡུལ་ལྷོ་ཕྱོགས་ཀྱི་རྒྱལ་རྩེ། 

ཝཻ་སིའི་སྐོར་ཚན་གྱི་འབྱུང་ཁུངས་ལ་མཁས་པ་མང་པོ་ཞིག་གིས་དོ་སྣང་བྱས་མྱོང་། 

དཻ་ཨ་ཎ་•ལཱང་（Diana Lange）ལགས་ཀྱིས་བརྩམས་པའི་

《An Atlas of the Himalayas by a 19th Century Tibetan Lama 

༼དུས་རབས་༡༩པར་བོད་ཀྱི་གྲྭ་པའི་ཕྱོགས་བསྒྲིགས་བྱས་པའི་

ཧི་མ་ལ་ཡ་རི་རྒྱུད་ས་ཁུལ་གྱི་ས་བཀྲ། 

འཚོལ་ཞིབ་ཀྱི་ཡུལ་སྐོར།༽ ཞེས་པའི་དཔེ་དེབ་ནང་དུ་

ཝཻ་སིའི་སྐོར་ཚན་འབྱུང་ཁུངས་ཀྱི་གསང་བ་ལ་ཞིབ་འཇུག་བྱས། 

༼དུས་རབས་༡༩པར་བོད་ཀྱི་གྲྭ་པའི་ཕྱོགས་བསྒྲིགས་བྱས་པའི་ཧི་མ་ལ་ཡ་རི་རྒྱུད་ས་ཁུལ་གྱི་ས་བཀྲ། — འཚོལ་ཞིབ་ཀྱི་ཡུལ་སྐོར།༽

དཻ་ཨ་ཎ་•ལཱང་ལགས་ཀྱིས་སྔོན་ཆད་པ་ལི་མཐོ་རིམ་ལག་ལེན་ཞིབ་འཇུག་སློབ་གླིང་ནས་

རྒྱ་རིགས་ཀྱི་ཤེས་རིག་དང་ཡ་གླིང་དབུས་མའི་ཞིབ་འཇུག 

དཔལ་འབྱོར་རིག་པའི་ཕྱོགས་ལའང་སློབ་གཉེར་བྱས་མྱོང་། 

ཨེ་ཤ་ཡ་དབུས་མའི་ཞིབ་འཇུག་འབུམ་རམས་པའི་བསླབ་གནས་ལ་བརྟེན་ནས་

ཁོ་མོས་༡༩༩༩ལོ་ནས་བཟུང་ཧི་མ་ལ་ཡ་རི་རྒྱུད་ནུབ་ཁུལ་གྱི་དམངས་སྲོལ་རིག་གནས་

སྣ་ཚོགས་ལ་ཡུལ་དངོས་བརྟག་དཔྱད་བྱས་མྱོང་། 

བོད་ཡུལ་ལྷོ་ཕྱོགས་ཀྱི་རྒྱལ་རྩེ། 

ཝཻ་སི་དང་འབྲེལ་བའི་རི་མོ་འབྲི་མཁན་གྱིས་

དུས་རབས་༢༠པའི་ལོ་རབས་༦༠པའི་ཡི་གེའི་དཔྱད་གཞིའི་ཡིག་རིགས་

ཤིག་ཏུ་བཀོད་པ་ལྟར་ན། 

འདྲ་པར་འདི་དག་ནི་བོད་ཀྱི་སྒྱུ་རྩལ་པ་ཞིག་གིས་བྲིས་པ་དང་

ཁོང་ནི་མིང་མི་ཤེས་པའི་གྲྭ་པ་ཞིག་ཡིན་ཤས་ཆེ་ལ། 

ཁོང་གིས་ཡོ་རོབ་པ་དང་འབྲེལ་འདྲིས་མང་པོ་བྱས་མྱོང་ཡོད་པར་བརྟེན་

ཁོང་གི་བརྩམས་ཆོས་ལའང་ཡོ་རོབ་ཀྱི་རི་མོའི་ཁྱད་ཆོས་མངོན་འདུག 

དེ་ན་གྲྭ་པ་འདི་དང་འབྲེལ་འདྲིས་བྱས་མྱོང་བའི་ཡོ་རོབ་པ་འདི་ནི་སུ་ཡིན་ནམ།

ཡར་འབྲོག་གཡུ་མཚོ་དང་ཡར་ཀླུང་གཙང་པོ།

དཻ་ཨ་ཎ་•ལཱང་（Diana Lange）ལགས་ཀྱིས་བརྩམས་པའི་

༼དུས་རབས་༡༩པར་བོད་ཀྱི་གྲྭ་པའི་ཕྱོགས་བསྒྲིགས་བྱས་པའི་

ཧི་མ་ལ་ཡ་རི་རྒྱུད་ས་ཁུལ་གྱི་ས་བཀྲ། 

འཚོལ་ཞིབ་ཀྱི་ཡུལ་སྐོར།༽

ཞེས་པའི་དཔེ་དེབ་ནང་དུ་འདི་ལྟར་བྲིས་ཡོད་དེ་

ངས་ཉེ་ལམ་ཝཻ་སིའི་སྐོར་ཚན་འབྱུང་ཁུངས་ཀྱི་གསང་བ་ཧྲིལ་བོའི་ཁྲོད་ཆེས་གལ་ཆེ་བའི་

རི་མོའི་བརྩམས་ཆོས་ཁག་གཅིག་གསར་རྙེད་བྱུང་བ་དང་། 

རི་མོ་བརྩམས་ཆོས་འདི་མངགས་བཅོལ་བྱས་ནས་འབྲི་མཁན་ནི་

དེང་གི་རྒྱ་གར་ནུབ་བྱང་ཀུ་ལུ་(Kulu)ཡུལ་གྱི་

སྔོན་མའི་རམ་འདེགས་པའི་ཆེད་བཏང་མི་སྣ་

སུའུ་ཀེ་ལན་གྱི་ཝི་ལླེམ་•ཨེ་དེ་མུན་དེ་•ཧཻའེ་རེད་ཟེར། 

（William Edmund Hay 1805-1879）

བོད་ཡུལ་ནུབ་ཕྱོགས་ཀྱི་གངས་རིན་པོ་ཆེ། 

ཝི་ལླེམ་•ཨེ་དེ་མུན་དེ་•ཧཻའེ་ལགས་ཚད་འཇལ་དང་རི་མོ་འབྲི་བའི་ཕྱོགས་ནས་

ཉམས་མྱོང་ཕུན་སུམ་ཚོགས་པ་དང་། 

ཁོ་གར་ཞའི་མཐའ་འཁོར་དང་ལ་དྭགས། 

བོད་ཡུལ་གྱི་མཐའ་མཚམས་ས་ཁུལ་དུ་ཡུལ་སྐོར་དུ་སོང་མྱོང་བ་མ་ཟད། 

ཁོ་ནི་རིག་གནས་ཀྱི་སྤྲོ་བ་མི་འདྲ་བ་ཡོད་པའི་

ཉར་ཚགས་མཁན་ཞིག་ཀྱང་ཡིན།

འབྲུག་ཡུལ་བར་གྱི་མཐའ་མཚམས་ས་ཁུལ། 

དཻ་ཨ་ཎ་•ལཱང་（Diana Lange）ལགས་ཀྱིས་

དཔེ་ཆའི་ནང་དུ་ཅར་ལེ་སུ•ཧོར་ཨེན་（Charles Horne）གྱི་

སྐད་ཆ་འདི་འདྲ་ཞིག་དྲངས་ཡོད་དེ་

༡༨༥༧ལོར་ལྷ་ས་ནས་ཡོང་བའི་ཡུལ་སྐོར་གྲྭ་པ་ཞིག་

ཧི་མ་ལ་ཡའི་ཀུ་ལུ་ཡུལ་ནས་གར་ཞ་རུ་འབྱོར། 

དམག་འགྱུར་གྱི་གནས་ཚུལ་ཐོས་རྗེས་ཁོ་རང་ས་ཆ་དེར་འགྲོ་མ་ཐུབ། 

[འདི་ནི་༡༨༥༧ལོའི་རྒྱ་གར་གྱི་ངོ་ལོག་ཟིང་འཁྲུག་ལ་གོ]

ས་ཆ་དེ་ནས་ཆབ་སྲིད་ཀྱི་བྱ་བ་གཉེར་བའི་

དམག་སྤྱི་ཝི་ལླེམ་•ཨེ་དེ་མུན་དེ་•ཧཻའེ་ལགས་ཀྱིས་མི་འདི་གདན་དྲངས་ནས་

ཁོ་རང་ཧ་ཅང་སྤྲོ་སྣང་ལྡན་པའི་

ལྷ་སའི་མཛད་སྒོ་མང་པོ་ཞིག་རི་མོའི་ལམ་ནས་འབྲི་རུ་བཅུག 

མོས་ད་དུང་སྔོན་གྱི་དབྱིན་ཇིའི་ཉིན་རེའི་ཚགས་པར་ཁང་གིས་

ཆེད་དུ་གདན་འདྲེན་བྱས་པའི་གསར་འགོད་པ་

ཝི་ལླེམ་•ཧོ་ཝར་དེ་•རུ་སེལ་(Will Howard Russell) 

ལགས་ཀྱི་ཉིན་ཐོའི་ནང་དུ་བྲིས་པའི་

སྐད་ཆ་འདི་འདྲ་ཞིག་དྲངས་ཡོད་དེ་

སྔོན་ཆད་ཀུ་ལུ་ཏ་རུ་བསྡད་མྱོང་བའི་

དམག་སྤྱི་ཝི་ལླེམ་•ཨེ་དེ་མུན་དེ་•ཧཻའེ་ལགས་

ཕྱིར་ཕ་ཡུལ་དུ་ལོག་པའི་ལམ་བར་དུ་

ཁོང་གིས་ཧ་ཅང་ཡ་མཚན་དང་རྩ་ཆེ་བའི་

བོད་ཡུལ་གྱི་རི་མོ་ཁག་གཅིག་འཁྱེར་ནས་སོང་བའང་གླེང་འདུག 

དཻ་ཨ་ཎ་•ལཱང་གིས་བཤད་ཚུལ་འདི་དག་ནི་

ཕལ་ཆེར་ད་ལྟའི་དབྱིན་ཇིའི་དཔེ་མཛོད་ཁང་གི་ཝཻ་སིའི་སྐོར་ཚན་ལ་

གོ་བ་ལེན་བཞིན་ཡོད་པ་འདྲ། 

མིག་སྔའི་ཞིབ་འཇུག་གི་གནས་ཚུལ་འོག་

ཝཻ་སི་ལ་རི་མོ་འདི་དག་ཐོབ་པའི་གནས་ཚུལ་ལ་

གསལ་བཤད་གསལ་བོ་ཞིག་བྱེད་མི་ཐུབ་པ་ནི་

དམག་སྤྱི་ཝི་ལླེམ་•ཨེ་དེ་མུན་དེ་•ཧཻའེ་ཡིས་

རི་མོ་འདི་དག་ཁོ་ལ་བཙོང་བ་ཡིན་པ་འདྲ། 

རི་མོ་འདི་དག་འབྲི་མཁན་གྱི་གྲྭ་པའི་མིང་སྔར་བཞིན་མི་ཤེས་མོད། 

འོན་ཀྱང་མཁས་པ་རྣམས་ཀྱིས་ཁོས་

བཞག་པའི་རྗེས་ཤུལ་སྙེག་མགོ་བརྩམས། 

ནམ་ཉི་མ་ཞིག་ལ་ཁོའི་མིང་དང་ཐོབ་ཐང་སོགས་

གཏན་འཁེལ་བྱེད་ཐུབ་པར་སྨོན། 

བསམ་ཡས་དགོན་པའི་ཚེས་བཅུའི་གར་འཆམ་ཆོ་ག

དཻ་ཨ་ཎ་•ལཱང་ལགས་ཀྱིས་བརྟག་དཔྱད་རབ་དང་རིམ་པ་བྱས་པ་བརྒྱུད་ནས་

ཝཻ་སིའི་སྐོར་ཚན་ཁྲོད་ཀྱི་ས་བཀྲ་ཆེ་གྲས་དྲུག་ལས་

བོད་ཡུལ་དབུས་རྒྱུད་དང་ཧི་མ་ལ་ཡའི་རི་རྒྱུད་བརྒལ་བའི་

ཡུལ་ལྗོངས་ཧྲིལ་པོའི་ས་བཀྲའི་གསང་བ་བརྟོལ། 

ཁོ་མོས་སྔོན་ཆད་མི་གཞན་གྱིས་མི་ཤེས་པའི་

བོད་ཡུལ་གྱི་གྲྭ་པ་ཞིག་གིས་བྲིས་པའི་ས་བཀྲ་དང་

སུའུ་ཀེ་ལན་གྱི་མི་སེར་སྤེལ་བའི་

དཔོན་རིགས་ཀྱི་ཐོབ་ཐང་གསལ་སྟོན་བྱས་པ་མ་ཟད། 

ད་དུང་ཝཻ་སིའི་སྐོར་ཚན་དབྱིན་ཇིའི་དཔེ་མཛོད་ཁང་དུ་

ཇི་ལྟར་ཉར་ཚགས་བྱས་པའང་གསལ་སྟོན་བྱས།

དཻ་ཨ་ཎ་•ལཱང་ལགས་ཀྱིས་བཤད་རྒྱུར། 

ངས་ཝཻ་སི་གསོག་ཉར་དངོས་པོ་ལ་ཞིབ་འཇུག་བྱེད་པའི་སྐབས་སུ་

རང་ཉིད་གང་དུ་འགྲོ་དགོས་པ་ཤེས་པར་འདོད། 

འོན་ཀྱང་ངས་རྒྱུ་ཆ་ལ་ཞིབ་འཇུག་བྱེད་པའི་

དུས་ཚོད་ཇི་ལྟར་རིང་ན་གསོག་ཉར་དངོས་པོ་ཡོངས་ལ་

རྒྱུས་ལོན་གཏིང་ཟབ་བྱས་ནས་གནད་དོན་གསར་བ་མང་པོ་ཞིག་རྙེད་ཐུབ། 

ངས་རི་མོ་འདི་དག་ལ་རྒྱུས་ལོན་བྱེད་པའི་སྐབས་སུ་

སྔར་ལས་རྒྱ་ཆེ་བའི་དབྱེ་ཞིབ་སྒྲོམ་གཞི་ཞིག་དགོས་པ་ཤེས། 

དེའི་ཕྱིར། ངས་རི་མོའི་ཁྲོད་ཀྱི་ལོ་རྒྱུས་ལ་

དོ་སྣང་བྱས་པ་མ་ཟད་རི་མོ་ལས་གཞན་པའི་ལོ་རྒྱུས་ལའང་དོ་སྣང་བྱས། 

བསམ་ཡས་དགོན་པའི་ཚེས་བཅུའི་གར་འཆམ་ཆོ་ག

ངའི་ཞིབ་འཇུག་གི་སྔོན་དཔག་མཇུག་འབྲས་ཀྱིས་

ང་ཚོའི་ཤེས་བྱའི་ཐོན་སྐྱེད་དང་རིག་གནས་མཉམ་འགུལ་བར་གྱི་

འབྲེལ་བའི་ངོས་ཟིན་རྒྱ་བསྐྱེད་དུ་བཏང་། 

ཝཻ་སིའི་སྐོར་ཚན་གྱི་སུའུ་ཀེ་ལན་གྱི་

ཝི་ལླེམ་•ཨེ་དེ་མུན་དེ་•ཧཻའེ་ལགས་ཀྱིས་

མངགས་བཅོལ་བྱས་པའི་ནང་པའི་བསྟན་པའི་གྲྭ་པས་

གསར་རྩོམ་བྱས་པའི་བོད་ཡུལ་གྱི་རྙོག་འཛིང་ཆེ་བའི་འགྲེལ་བཤད་ཅིག་མཚོན། 

ཁོ་ཚོས་མཉམ་འབྲེལ་བྱས་པའི་མཇུག་འབྲས་ཀྱིས་

བོད་ཡུལ་ལ་འཚོལ་ཞིབ་བྱས་པའི་ལོ་རྒྱུས་མཐོང་ཐུབ། 

གསོག་ཉར་དངོས་པོ་ཆ་ཚང་༢༠༠༩ལོར་ཉམས་གསོ་དང་

གཞི་གྲངས་ཀྱི་ཐག་གཅོད་བྱས་པར་མ་ཟད།

དབྱིན་ཇིའི་དཔེ་མཛོད་ཁང་གི་འདྲ་པར་དྲ་ལམ་ནས་ལྟ་ཀློག་དང་འཚོལ་བཤེར་བྱས་ཆོག 

（དཔེ་སྒྲོམ་གྱི་བྲིས་རྟགས་ལྟར་འཚོལ་ཞིབ་བྱེད་དགོས།)

རི་མོ་འདི་དག་ཝཻ་སི་ཆེད་བསྒྲིགས་སུ་རྩོམ་སྒྲིག་བྱས།

（Wise Albums）

དཔེ་སྒྲོམ་ཨང་རྟགས། Add.Or.3013-43

བསམ་ཡས་དགོན་གྱི་གོས་སྐུ། 

ཆེས་ཐོག་མར་རི་མོ་ཚང་མ་མདོག་དམར་པོ་ཅན་གྱི་

པར་དེབ་གསུམ་གྱི་ནང་དུ་འཚེམ་སྒྲིག་བྱས་ཡོད་པར་མ་ཟད། 

འབྲེལ་ཡོད་ཀྱི་རི་མོ་དང་འགྲེལ་བཤད། 

གསལ་བཤད་སོགས་ཀྱང་སྔར་བཞིན་པར་དེབ་

འདི་དག་གི་ནང་དུ་འཚེམ་སྒྲིག་བྱས་ཡོད། 

རིག་དངོས་ལ་སྲུང་སྐྱོབ་བྱེད་རྒྱུར་བསམ་བློ་བཏང་ནས་

ས་བཀྲ་ཆེ་ཤོས་གནས་སྤོར་བྱས་ནས་ཤེལ་སྒམ་ནང་དུ་བཞག 

༢༠༡༦ལོའི་ཟླ་༩པར་ལྷ་སའི་ས་བཀྲ་

ནེའུ་ཡོག་རུའུ་པིན་བཤམས་སྟོན་ཁང་དུ་འགྲེམས་སྟོན་བྱས། 

ཕོ་བྲང་པོ་ཏཱ་ལ།

编译

ཕུར་སྲུང་སྐྱབས།

PhurSungKyap  

迦入藏文编辑员、翻译员

出生于青海省尖扎县，从小对藏文化极为喜爱并为其投入了太多的时间和精力。近几年来一直致力于对古今藏文化的研究和探索，对这一领域有了一定的理解和掌握，将来也会不断地探究与学习藏文化，会在此领域开拓出一片天地，为藏文化尽自己的微薄之力。现阶段研究生考试预备中。

学习交流微信:purSung-Kyap 

微博：PhurSungKyap

往期文章

可点击图片阅读

▼

༡༧༥༠ལོར་དབྱིན་ཇིའི་དཔེ་མཛོད་ཁང་དུ་ཉར་བའི་བོད་ཡུལ་གྱི་གར་འཆམ།

ཨུ་རུ་སུ་རུ་ཡོད་པའི་ནང་པའི་བསྟན་པའི་གྲྭ་ཚང་།

བོད་ཡུལ་དུ་ཐོག་མར་སླེབས་པའི་པར་རྒྱག་མཁན།

བོད་ཡུལ་དུ་ཐོག་མར་སླེབས་པའི་ཨུ་རུ་སུའི་ནང་པའི་རྗེས་འཇུག་པ།

བོད་ཡུལ་དུ་ཕེབས་པའི་ཉི་ཧོང་པ་ཐོག་མ། - ཁ་ཝ་གུ་ཆི•ཨེ་ཀཻ

木茹高原苹果干

点击图片可进入小程序了解

▼

纯手工牦牛奶雪花酥

点击图片可进入小程序了解

▼

བོད་སྐད་ཀྱི་ཐད་སྦྲེལ། CHARU1607

客服微信：charuspace

未经作者允许请勿随意印刷转载 后果自负

合作及投稿微信：charuspace