شينجياڭ قاراپاتىنا ۇشىراعان 4 جەرگە 2 ميلليون يۋان قارجى ءبولدى
اۆتونوميالى رايوندىق باس جۇمىسشى ۇيىمى 2 ميلليون يۋان قارجى ءبولىپ، قار اپاتىنان قۇتقارۋعا دەم بەردى
انار بۇلت / شينجياڭ گازەتىنىڭ حابارى (ءتىلشى گو ليڭ حابارلايدى) جۋىقتا، شينجياڭنىڭ كوپ جەرىندە قالىڭ قار، بوران سياقتى اۋا رايى اپاتى تۋىلىپ، جۇمىسشى-قىزمەتكەرلەر مەن بۇقارانىڭ ءوندىرىس، تۇرمىسى كەدەرگىگە ۇشىرادى. 2-ايدىڭ 20-كۇنى، اۆتونوميالى رايوندىق باس جۇمىسشى ۇيىمى ىلە قازاق اۆتونوميالى وبلىسى، التاي ايماعى، تارباعاتاي ايماعى، بۇراتالا موڭعۇل اۆتونوميالى وبلىسى قاتارلى 4 جەردەگى جۇمىسشى ۇيىمىنا 2 ميلليون يۋان قارجى ءبولىپ، اپاتقا ۇشىراعان جۇمىسشى - قىزمەتكەرلەر مەن بۇقارادان، قاتەردەن اراشالاپ، اپاتتان قۇتقارۋدىڭ ءبىرىنشى شەبىندەگى قىزمەتكەرلەردەن حال سۇراۋعا پايدالاندى ءارى اپات جاعدايىنا جانە جۇمىسشى - قىزمەتكەرلەردىڭ قاجەتىنە ساي، كەيىنگى كومەكتەسۋ، قۇتقارۋ قىزمەتىن دەر كەزىندە ويداعىداي ىستەيدى.
كەلەسى قادامدا، اۆتونوميالى رايوندىق باس جۇمىسشى ۇيىمى 4 جەردەگى جۇمىسشى ۇيىمىنىڭ قاتەردەن اراشالاۋ، اپاتتان قۇتقارۋعا قىزمەت وتەۋ قىزمەتىنە ۇزدىكسىز ات سالىسۋىنا جەتەكشىلىك ەتىپ، قاتەردەن اراشالاۋ قىزمەتىندە جولىققان قيىنشىلىقتار مەن ءبىرىنشى شەپتەگى جۇمىسشى - قىزمەتكەرلەردىڭ تۇرمىسىندا شۇعىل شەشۋگە ءتيىستى ماسەلەلەردى ەگجەي - تەگجەيلى ۇعىسىپ، جۇمىسشى ۇيىمى ايالداماسى سياقتى قىزمەت وتەۋ بازالارىنان ويداعىداي پايدالانىپ، اپاتقا ۇشىراعان بۇقارانىڭ شۇعىل، قيىن، ۋايىمدايتىن، كوكەيتەستى ماسەلەلەرىن شەشۋگە دەر كەزىندە كومەكتەسىپ، پارتيا مەن ۇكىمەتتىڭ قامقورلىعى مەن مەيىرىن اپاتقا ۇشىراعان بۇقاراعا جەتكىزەدى.
اۋدارعان: نۇرگۇل ەشمۇقامەت قىزى
كەلۋ قاينارى: انار بۇلت
بۇگىن جاۋىن سۋى امالى كىردى
جاڭا بەلگىلەمە بيىل 3 – ايدان باستاپ اتقارىلادى
بۇقارانىڭ قايتۋ جولىن بار كۇشپەن قامتاماسىز ەتتى
按二维码关注我们