དྲིན་ཕ་ལོ་ད་རུང་རྒས་ཀི་མེད།
གངས་སྐར་མདའི་སྣ་འདུས་འཕྲིན་སྟེགས།
སྐུ་ཉིད་གསན་གཟིགས་གནང་བར་ཕེབས་པར་དགའ་བསུ་ཞུ།
གཞས་ཚིག ཀ ཤུལ་ལྷུན་བྷེ།
དབྱངས། གངས་ལྗོངས་པི་ཝང་།
ལེན་མཁན། གངས་ལྗོངས་པི་ཝང་།
ཨ་་་་་རོགས།
སྦྲ་ནག་པོ་རླུང་རྟའི་མཆོག་དར་ཅན།།
དྲིན་ཕ་ལོའི་མགོ་སྦྲ་སྨུག་པོ་ཡིན།།
དུས་དེ་རིང་སྦྲ་ནག་ཉུང་ན་ཡང་།།
དྲིན་ཕ་ལོ་ད་རུང་རྒས་ཀི་མེད།།
དུས་དེ་རིང་སྦྲ་ནག་ཉུང་ན་ཡང་།།
དྲིན་ཕ་ལོ་ད་རུང་རྒས་ཀི་མེད།།
ཨ་་་་་རོགས།
ཞིང་འབྲུ་དྲུག་སྙེ་མ་ལྡེམ་པ་འདི།།
དྲིན་མ་ལོའི་ལག་ཟས་མངར་མོ་ཡིན།།
དུས་དེ་རིང་ཞིང་ལས་དཀོན་ན་ཡང་།།
དྲིན་མ་ལོའི་བྱམས་བརྩེ་འགྱུར་གི་མེད།།
དུས་དེ་རིང་ཞིང་ལས་དཀོན་ན་ཡང་།།
དྲིན་མ་ལོའི་བྱམས་བརྩེ་འགྱུར་གི་མེད།།
ཨ་་་་་རོགས།
སྒྲ་སྙན་མོ་དགུ་སེང་དྲུག་འགྱུར་འདི།།
ངའི་མེས་པོའི་གདངས་ཀྱི་ང་རོ་ཡིན།།
དུས་དེ་རིང་དབྱངས་རྟ་ཉམས་ན་ཡང་།།
ངའི་མེས་པོའི་གླུ་སྐད་བགྱུར་གི་མེད།།
དུས་དེ་རིང་དབྱངས་རྟ་ཉམས་ན་ཡང་།།
ངའི་མེས་པོའི་གླུ་སྐད་བགྱུར་གི་མེད།།
ཨ་་་་་རོགས།
གོས་དྲོན་པོ་ཨ་འཇམ་ཚར་ལྭ་འདི།།
ངའི་སྲིང་ལོའི་གཤིས་ཀ་ལྷད་མེད་ཡིན།།
དུས་དེ་རིང་ཚར་ལྭ་འགྱུར་ན་ཡང་།།
ངའི་སྲིང་ལོའི་གཤིས་ཀ་ཉམས་ཀི་མེད།།
དུས་དེ་རིང་ཚར་ལྭ་འགྱུར་ན་ཡང་།།
ངའི་སྲིང་ལོའི་གཤིས་ཀ་ཉམས་ཀི་མེད།།
ངའི་སྲིང་ལོའི་གཤིས་ཀ་ཉམས་ཀི་མེད།།
ཁྱེད་ཀྱིས་གསུང་རྩོམ་ཀློག་འདོན་དང་།
སྙན་ངག་གྱེར་འདོན།རྩོམ་རིག་བརྩམས་ཆོས།
པར་རིས་བརྩམ་ཆོས་སོགས་འཕྲིན་སྟེགས་འདིར་
བརྒྱུད་དེ་སྤེལ་འདོད་ཚེ་བདག་ལ་འཕྲིན་ཕྲན་
འབྲེལ་དེ་སྐུར་དང་ཁྱེད་ཀྱི་རེ་བ་སྐོང་ངེས་ཡིན།
བདག་གི་འཕྲིན་ཕྲན་ཨང་གྲངས་ནི།