翻毛腔

维克多·雨果说过：凡不可挽救的东西，都不属于人，属于上帝。

女人打开窗，惊动了窗台上的一只麻雀。

男人把抽完的烟头重重地掐在烟灰缸里，又点起了一根。

一片乌云遮住了艳阳天。

画：白红卫

老婆：希宁啊，侬今朝特我刚刚清桑。

老公：刚啥啦？

老婆：昨捏雅里到阿拉爷娘屋里，侬巴阿拉爷娘一千块，后来，到了侬爷娘屋里，侬蹲了灶披间里偷偷叫巴了伊拉三千块，侬以为我伐晓得啊？当我戆度啊？巴侬面子么点穿侬。

老公：册，侬格女宁哪能噶撒气啦，多巴点哪能啦？有啥伐可以啦？太平捏节刚刚过了两天，侬又要寻相骂了是伐？

老婆：我问侬，另外两千块侬啥地方来额？屋里厢钞票伐是我管了海吗？侬胆子度了是伐，敢亢私房铜钿啦？昏头了！

老公：一个男宁跑了外头，袋袋里伐亢眼钞票，坍招水伐？切饭老是朋友买单，难为情额呀。侬看我老早切中华牌，现在我已经切红双喜了。

老婆：侬只啊乌驴，跑了外头还要腔调啊？侬伐册去赚钞票，侬哪能伐觉得坍招水啦？股票司特噶许多，侬哪能伐觉得坍招水啦？车子碰特，赔特两千块，侬哪能伐觉得坍招水啦？搓麻将口罩啊司特，侬哪能伐觉得坍招水啦？

老公：侬只十三点女宁，一吵相骂，就翻老账，有劲伐？翻来翻去格眼事体，哈搓气！

老婆：侬还要出去做生意，侬各种智商还想去做生意啊？我问侬，四万加八万，是几万啊？

老公：十二万呀，格算啥问题啦。

老婆：格么我再问侬，四万乘八万是几万？

老公：三十二万呀，戆伐，格种问题啊问得册。

老婆：啊油，猪头三啊，侬格则智商像宗桑，要么生意做侬哦。

画：白红卫

老婆：格么我再问侬，昨捏屋里册去额辰光伐是刚好额吗？大家爷娘才巴一千块，对伐？侬凭啥多巴乃爷娘两千块。侬记得伐，老早子，阿拉刚刚弹朋友额辰光，侬连工作啊没，天天了了外头荡来荡去，像只瘪三一样，切阿拉爷娘，用阿拉爷娘，房子侬啊么，现在住额房子啊是阿拉爷娘额，暖鱼啊是阿拉爷娘带度额。

老公：晓得来，哈烦，格么老早是老早，现在是现在。

老婆：啊！侬格只拎伐清额老浜瓜，哪能谈吐像吐痰一样额啦。

老公：侬则戆女宁刚册来额咸话搓克了伐得了。

老婆：我伐是伐同意多巴伊拉点钞票，格么侬要事先特我刚一声呀，我又伐是伐刚道理额女宁。

老公：组撒啥事体才要特侬刚啦，有空哦！

老婆：希宁啊，侬又头皮搅了是伐，格桩事体伐刚清桑，雅饭伐烧了，格捏节啊么办法过了，今朝雅里就去离婚，明朝侬就滚册去！

老公：离婚！离婚！册那一吵相骂就提离婚，泥朵里厢老鸡啊听册来了。走闹，真额去离么侬又伐肯了，嘴巴老！

女人拎起一只钢总滑子朝男人头上掼过去。