暖鱼——《光华里故事》之十二

过年过特一个号头了，月底了，天啊暖捏起来了，马路朗厢辣么桑头走出来娇乖宁，有一只木噱噱额男宁，长了戆头戆脑，只穿一件汉衫伊刚。还有只女宁，穿了条红颜色健美裤，了海巨鹿路朗跑步，身材一天世界，脚哈短，屁股下头就是小腿，大概近枪靶，闷了窝里厢，切了太多。

摄影：程泓

男宁刚刚切好一根香烟，两只眼睛定烊烊额看牢天花板。

暖鱼回来了。

暖鱼上次来是年初二，后来就么来过，迭种情况，来起来啊伐方便。

如果伐是男宁打电话，暖鱼估计啊伐会来额。

暖鱼：奶两个宁，老夫老妻来，戆搭搭额吵啥啦，有啥吵头啦，弄堂里邻居听到，难为情伐？坍招水伐？

老婆：伊伐怕坍招水，我怕啥？

暖鱼：奶晓得伐？奶两额宁吵相母，全上海才晓得了。

老婆：啊！伊拉哪能晓得额啦？

老公：啥宁刚巴伊拉听额啦？

暖鱼：对过有个画家，天天听奶两家头吵，还写了则公众号，叫白辛苦，全上海额宁才了了海看。看到伐？看到伐？对过只库朗头伸了海闹。

对面的画家

老婆：格么，阿拉刚了轻点，伐要娘伊听到。

暖鱼：奶额事体，老头子电话里刚巴我听过了，才是眼搞七廿三额小事体，伐上台面额，还吵了要离婚，老娘，侬敢离婚伐啦？噶好额老头子，侬撒地方寻的到啦？就切点香烟，咪点老酒，搓搓小麻将，伊如果是马云，会的讨侬做老婆伐啦？

老婆：我就要离婚。

暖鱼：刚两句么好来，伐要骂伊呀，侬看伊残古伐，男宁有自尊心额，要巴伊面子额呀。侬一开口就是希宁，猪头三，要么就是宗桑，缺希，撒宁切得消侬啊！

老公：就是啊，十三点鲜鲜。

暖鱼：车子碰特伊又伐是诚心额，对方是部奔驰，赔两千块，老便宜了，好伐！搓麻将么就是白相相呀，关了窝里厢厌气伐啦，大家才了了网郎厢搓麻将呀。伊又么去搓小姑娘。

老婆：搓小姑娘？伊各种泥心巴拉、佝头缩颈、寿嘘嘘、短裤袜子啊伐汰额宁，还想去搓小姑娘？搓伊则魂灵头！

男人

画：白红卫

老公：看到伐，又骂宁了。

老婆：今朝我到弄堂口，碰到度块头，伊刚，奶老公老有腔调额，挑我做生意，派头哈度。我听了戆特哦。侬晓得伐，格则希宁老头子，一部老坦克，修特一百八十块，伊巴度块头两百块，喊伊伐要找了，拿廿块当拉头分，拿人民币当橘子皮。还有闹，情宁节格天，叫伊买支玫瑰花巴我，伊刚要巴我切九十九只泥光，侬刚格则猪头三讨骂伐？

暖鱼：侬伐要老是猪头三好伐，伊是我阿爸呀。

老公：娘伊刚，娘伊刚。更年期！

。。。。。。

微信号 :白辛苦 

沪语里弄小品文 

● 扫码关注我