黄翻

暖鱼：侬伐要老是刚伊更年期，哪能噶拎伐清啦，有种事体看穿伐要点穿，侬晓得伐？女宁最怕有宁刚伊更年期，自噶老公啊伐好刚，侬越刚伊，伊更了越结棍，侬刚伊更年期，其实比伊骂侬猪头三还要杀更。

老公：格么我并伐老呀。

暖鱼：侬一定要并牢呀，外头有句咸话侬听到过伐：并得牢，I see you; 并伐牢么，ICU，懂伐啦？到ICU里厢么一脚去来，侬还要切油焖笋啊？好好叫，伐要特伊头皮搅，格么，大家还好see you again呀。

老公：凹。

暖鱼：娘娘伊，伊刚啥就是啥，伐要特女宁刚道理，没用额。

老公：为啥啦？

暖鱼：因为女宁才伐刚道理额，哄哄伊，骗骗伊，抱抱伊，老婆色艺，侬啊色艺。春天到了，腌笃鲜要切伐啦？侬伐是老要切额吗？侬再刚伊更年期，下趟伊就烧只更年期腌笃鲜巴侬，会得好切伐啦？

老公：真搞伐懂，我现在做啥事体伊才看伐惯。开口骂宁，再格能下去要动手打宁了。

暖鱼：要理解伊，等更年期过特了，就好了。

老公：格要等多少辰光啦？

暖鱼：闹，侬顺牢伊，快点么，十天；侬如果不顺着伊，头皮搅、弗二弗三，对伐起，十年。大家才么好捏节过。

老公：。。。。。。

暖鱼：阿爸，侬晓得伐？侬了了我心目当中，就是最有腔调额上海男宁，撒周润发、刘德华我通通伐摆了眼睛里厢。蹲了外头就是要有腔调，修脚踏车，廿块么是伐要找了呀，格叫派头，伐是豁胖，就当作帮度块头买了两幅口罩。但是，蹲了窝里厢就伐要有腔调了，要掉枪头，伐要头五头六，黄水黄。

老公：对。

暖鱼：我格趟回来，又帮侬带来三十只口罩当筹码，亢好，伐要巴阿拉娘看到，巴伊看到又要骂侬了。我支持侬上网搓麻将，天天了了窝里厢，老没劲额，解解厌气。继续搓，侬帮麻将搭子刚，现在开始，带黄翻！

微信号 :白辛苦  

沪语里弄小品文  

● 扫码关注我