顶级作家(拾壹)——豁翎子
白辛苦咖啡馆旁边有条弄堂，弄堂口，有一个做卖花生意的苏北阿姨，叫秋香，推了部老坦克，车子上侪是花，城管管得严，不敢在马路上卖花。阿香老公叫阿宝，在弄堂口马路上干城管，穿黑制服，维护下交通，搬搬共享单车，平时帮秋香照顾生意，一来二去么，就认得顶级作家了。
顶级作家搓阿宝，刚，阿宝啊，你老婆叫秋香，你以为你就是唐伯虎啊？伊还经常帮阿宝汰脑子，刚，阿宝啊，这块是法租界，外国宁多，侬制服一穿，帽子一戴，伐要笑，侬呃地位，相当于解放前上海滩朗印度红头阿三。我晓得侬肯定不懂英语，个么，你一定要学几句法语，不要开口闭口都是，乖乖隆地咚，哪个听得懂啊，难听死了，畴噱噱呃。
伊走出咖啡馆，看到阿宝，突然好像想起点啥，再一看弄堂口，秋香坐勒小阿凳朗发呆。伊走过去，买了一朵玫瑰花，扫码，十块。叫秋香包好，往脚踏车篮头里一掼，踏勒就跑。
这次是第三次约Apple碰头，伊伐敢迟到。刚到两分钟，Apple就来了，伊心里想，乖乖隆地咚，还好早来两分钟。
台面朗，伊乃玫瑰花一摆，刚，送八侬，欢喜伐？格是我勒勒“野兽派”花店里买呃。一堆花当中，格朵最漂亮，像侬一样漂亮。
Apple看了看，笑笑，刚，伐会伐，“野兽派”一般伐会卖一枝花呃，我看格朵花像地摊货嘛。
伊有点尴尬，假装没听到，两只眼睛东看西看，假痴假呆帮老板娘打招呼，还叫老板娘乃台子揩揩清桑，老板娘白了伊一眼，刚，等歇奥，现在忙来西呃。
两碗面端上来，Apple一看，格算啥浇头啦，两条老小呃小黄鱼，白塔塔呃，鱼鳞好像啊没刮清桑，汤么，伐谈了，淡结刮答，没啥米道。顶级作家刚，拿只调羹伐？Apple刚，谢谢，伐要了。其实，伊心里想，格只汤，看上去啊没啥好切呃。
顶级作家老快就乃一碗面切光了，Apple切了一半，刚，饱了。结账，三十二块，Apple掏出手机要付钞票，顶级作家勒牢伊，刚，哪能好侬埋单呢，噶便宜，我来。
面店出来，天越来越阴，还好没落雨。伊刚，下半天没啥事体，阿拉荡荡好伐。Apple没响，没同意啊没反对。
刚刚走了五分钟，落雨了，开始毛毛雨，后来越落越度，伊拉侪没带阳伞。
Apple刚，老搓气呃闹，雨落了噶度，我叫部车子回去了。顶级作家一呆，刚，伐要慌，格呃雨落伐长呃，我窝里就勒勒附近，要么先到我窝里坐特一歇，避避雨，等雨停了再刚。Apple面露难色，抬头看了看天，拍了拍身朗雨水，刚，好像伐大好伐。顶级作家刚，伐搭界，阿拉窝里没宁，就我一噶头。Apple勉强刚，个么，好呀。
历史文章：