年轻辰光呃戆事体 ——《顶级作家》连载之拾叁
二月里一个黄昏的夜里，天哈冷，空气潮湿得有点像要落雨，天气预报刚，半夜里可能要落雪。六点钟敲过，天已经老暗了，马路朗没啥宁，路灯亮起来，天空似乎消失伐见了。
顶级作家好几天没出门了。伊刚，伊欢喜奈自噶关了窝里厢，让思想发光。乃么好了，冰箱里厢么事快要切光了，思想啊没发光。
伊想出去走走，买两包香烟，顺带便再买点切呃么事。
伊戴了一副耳机，佝头缩颈，两只手插了袋袋里，随意地听着伊喜欢的曲子。偶尔，会得有几首伊欢喜呃曲子，会得勒勒伊心中掀起一阵狂喜，带了格种狂喜，伊审视自噶身朗最近发生呃一切。想到Apple，伊就有种强烈呃欣赏之情，虽然还没撩到，但是已经有了肌肤之亲，伊已经感觉到自噶呃生活如鱼得水，周围呃一切侪散发出了迷宁呃光彩。真伐晓得格种感觉下趟还会得再体会得到伐。
两道又扁又长呃影子从伊脚底下飘过，伊抬头一看，一男一女两呃年轻宁从伊身边走过，看上去廿几岁样子，女青年闷头往前走，男青年比女青年慢半步，脚步有点紊乱，手里还捧了一把玫瑰花。格种腔调，一看就是没搞定。
哎，伊心里想，格种戆事体，啥宁年轻辰光没做过啊，而且，要做好几趟。看看眼门前，自噶前几天就做了一趟。
恋爱中呃男女，尤其是年轻宁，有多少宁晓得，感情格东西，已经伐可依赖，就像男青年手朗捧了咳呃玫瑰花，新鲜，好看，今朝或许伊代表了爱情，但是，明朝或者后天，或许就会枯萎，干巴巴呃花瓣一片片落了地朗厢，最后，肯定会得被掼到垃圾桶里。
伊想到日本作家川端康成刚过呃一句闲话，花开即死亡。
一阵冷风吹过，伊冷了刮刮抖，让伊有种禁欲苦行呃感觉。伊打了只喷嚏，手机差点掼了地朗，耳机从尼朵高头落下来一只。
伊立了上街沿，脑子里闪过几近忘却的零星往事。
伊对于自噶没考上大学满怀同情，伊自噶晓得，考大学格桩事体，搭伊真呃伐是老搭界。从小伊就吊儿郎当，伐懂装懂，伊刚，鸡呃嘴巴是塑料呃，伊还刚，航空母舰像台湾岛噶度。文科理科侪坍板了一天世界，为了逃避数理化，涅节好混点，伊选择去读文科。
英文更加伐谈了，abcd背到uvw呃辰光就开始打嗝楞了，哪能啊想伐起来xyz。
没办法，伊只好自噶原谅了自噶，伐是读书格块料。还好，伊考进了只技校，程度相当于现在呃蓝翔。技校勒勒五角场附近，离复旦大学伐远。每天乘公共汽车路过，看了两年复旦校门口，一趟啊没进去过。怪伐得伊刚，伊是复旦呃，其实伊是每天上下课路过复旦。
两年呃技校生活，埋葬了伊呃青春，却让伊触摸到了爱情。
历史文章：
Send to Author